Ова се најлошите намирници за здравјето на мозокот

Постојат многу фактори што можат да влијаат на ризикот од проблеми со здравјето на мозокот, а некои од нив се целосно во ваша контрола. Одредени фактори можат да ви помогнат да го одржите вашиот мозок во врвна форма, како што се избегнување на пушењето цигари, применување физичка активност и одржување здрава тежина.

– Да се има оптимално здравје на мозокот значи минимизирање на воспалението и изложеноста на токсини, да се биде метаболички флексибилен, да се има потпорна енергија, проток на крв, оксигенација, митохондријална функција и хранливи материи, како и да се има доволна невротрофична поддршка – вели Дејл Бредесен, истражувач за неврологија и експерт за невродегенеративни болести.

Кога станува збор за изборот на храна, добро е познато дека следењето шеми на исхрана богати со антиоксиданси како медитеранската исхрана и фокусирањето на хранливи материи како омега-3 масните киселини и витамините Б може да помогне во поддршката на природното здравје на вашиот мозок.

Високото дневно внесување овошје и зеленчук може да резултира со подобри когнитивни перформанси во споредба со оние што консумираат мали количества овошје и зеленчук во нивната исхрана. Значи, исхраната богата со хранливи материи преполна со антиоксиданси, здрави масти и микронутриенти може да ви помогне да го одржите вашиот мозок здрав. Меѓутоа, од друга страна, постојат одредени намирници што можат да дејствуваат против целите за вашето здравје на мозокот, особено ако често ги вклучувате во вашата исхрана.

Пржено пилешко

Сè што е длабоко пржено има добар вкус, а тоа крцкање што го добивате кога ќе гризете пржена храна е нешто што е тешко да се замени. Меѓутоа, јадењето пржена храна како што е прженото пилешко месо често не му прави никаква услуга на вашиот мозок. Резултатите од метаанализата објавена во списанието „Американ џрнал оф клиникал нутришн“ покажаа поврзаност помеѓу поголемо количество пржена храна и зголемен ризик од когнитивни здравствени проблеми.

Гумени бонбони

Сите ние сакаме слатко задоволство одвреме-навреме. Меѓутоа, бонбоните како гумените мечиња се речиси без ништо хранливо, бидејќи во суштина се направени од чист шеќер. Додека шеќерот во форма на гликоза е потребен како извор на енергија, преголемата потрошувачка на шеќер е поврзана со оштетување на меморијата и зголемен ризик од деменција. Затоа е подобро гумените бонбони да ги консумирате како повремено уживање и да се придржувате до слатките грицки со хранливи материи за често грицкање, како овошјето.

Брза храна

Понекогаш опасноста не е храната што ја јадете, туку она во што е спакувана вашата храна. Познато е дека обвивките за брза храна содржат пер- и полифлуороалкилни супстанции (ПФАС) или хемикалии што се поврзани со многу негативни здравствени ефекти, вклучувајќи и негативни ефекти врз нашето когнитивно здравје.

Крофни

Крофните предизвикуваат троен удар кога станува збор за храна што не го поддржува здравјето на нашиот мозок. Овие слатки обично се прават со додаден шеќер, кој, кога се консумира прекумерно, се чини дека е поврзан со пониска когнитивна функција. Крофните се исто така пржени и се сметаат за ултраобработена храна, што укажува на тоа колку нивното често консумирање може да биде штетно за здравјето на вашиот мозок.

Кора од лубеница го враќа сјајот на кожата и ја хидрира

Кората од лубеница може да направи чуда на вашата кожа. Освен што третманот со замрзнати коцки од кората ќе ја направи вашата кожа мека и сјајна, ќе помогне и при проблеми со акни.

Наместо да ја фрлите кората од лубеница, можете да ја користите за смути, десерт, па дури и да ја киселите. И додека ова овошје е одлично по својот вкус и својства за нега на кожата, неговата кора исто така е полна со придобивки.

Значи, следниот пат кога ќе сакате да фрлите кора од лубеница, запомнете дека можете да ја користите така што ќе ја исечете на коцки, ќе ги замрзнете и ќе ѝ пружите освежувачки третман на вашата кожа.

За почеток, ќе треба да ја исечете лубеницата и да го отстраните делот за јадење (т.е. да го јадете). Потоа исечете ја кората на парчиња, ставете ја во блендер и направете паста од неа. Потоа истурете ја смесата во здела со мраз и чувајте ја во замрзнувач неколку часа. Извадете една коцка и нежно тријте ја во пределот на лицето и вратот. Повторете го ова секој ден.

Оваа постапка е навистина многу едноставна, и веројатно се прашувате зошто мора да има коцки мраз. Имено, коцките мраз, генерално, се одлични за кожата. Тие го одржуваат вашето лице свежо и подмладено, а исто така можат да помогнат при акни, болни мозолчиња, црвенило и иритација на кожата. Исто така коцките мраз се одлични за одржување на младешко лице. Тие можат да помогнат при предвремено стареење и појава на брчки.

Една коцка мраз пире од лубеница дневно треба да биде доволна за да ѝ даде природен сјај на кожа.та Кората од лубеница ја прави кожата мека и сјајна и совршено ја навлажнува. Исто така, делува како природен тоник.

Покрај тоа, ако имате мрсна кожа и сте повеќе склони кон појава на акни, кората од лубеница во форма на коцка мраз може да го елиминира вишокот маснотии од површината на кожата и да ги исчисти порите. На тој начин вашето лице може да стане чисто редовно користејќи ја оваа рутина, пишува The Indian Express.

Една чаша од овој напиток пред спиење го топи салото

Мастите околу стомакот и нозете најтешко се елиминираат, поради различни фактори, а многумина поради тоа се очајни.

После држење на макотрпни рестрикциски диети и слабеење од 10-тина килограми, сепак и натаму остануваат мастите на стомакот и на некои несакани делови од телото.

Рецептот за овој напиток се појави на Интернет и многумина го пробаа и се задоволни. Еве како тој делува:

Телото ги согорува мастите навечер кога ќе си легнете да спиете. Затоа, најдобро е да спиете осум часови, зошто со секое скратување на вашиот сон, вие не само што го кратите овој процес, туку дополните придонесувате за таложење на нови слоеви масти.

Телото во текот на сон од 8 часови ги закрепнува и развива мускулите, но ништо не прави со мастите. За да се активира овој процес за топење на мастите и да се забрза метаболизмот, потребно е телото да продолжи да ги согорува калориите и додека спиете.

Овој напиток токму тоа го прави. Искуствата велат дека ако не јадете ништо неколку часови пред спиење, а потоа го испиете овој напиток, може да согорите барем половина килограм. Но, тоа не е сè, ќе си го погледнете своето тело утрото кога ќе станете! Најпрво погледнете ги своите нозе и стомакот како се “издишани” и спласнати.

Еден час пред спиење треба да го консумирате следниот напиток:

ПОТРЕБНИ СОСТОЈКИ:

  • 1 лимон
  • 1 китка магдонос
  • 1 јаболко (*ако не сте вечерале)
  • 1 полна лажичка цимет
  • 1 лажица јаболкова киселина
  • 1 мала лажичка рендан ѓумбир
  • 1 мала лажичка мед
  • 1 чаша вода

ПОСТАПКА:

Лимонот исцедете го, па заедно со измиениот магдонос ставете ги во блендер. Доколку не сте вечерале можете да додадете и половина или цело јаболко, во спротивно исклучете го од рецептот.

Додадете ги и останатите состојки. Со постепено додавање на водата миксајте додека да добиете изедначена смеса.

Уште подобро доколку наместо вечера го испиете овој напиток.

Луѓе што го пробале тврдат дека иако за појадок јаделе печиво, за ручек месо со ориз, па дури и малку чоколадо, а потоа наместо вечера го пиеле овој напиток, сепак следниот ден биле за половина килограм послаби од претходниот ден.

И двете се добри, но разликата е во една супстанца која ја содржат!

Грозјето пристигна во продавниците, и ако не можете да одлучите дали ќе купите црно или бело порано, ќе ви откриеме кое е поздраво.

И белото и црното грозје се сметаат за здрави, но ако некогаш сте се запрашале дали едното е поздраво од другото, го имаме одговорот.

Како прво, двата вида на ова овошје го забавуваат стареењето, имаат добар ефект врз кожата, содржат многу влакна, поради што имаат добар ефект врз варењето, полни се со витамини и одлични за имунитет. Тие исто така помагаат во стабилизирање на шеќерот во крвта и ги имаат сите овие добри ефекти благодарение на една клучна состојка – ресвератрол.

И единствената разлика помеѓу црното и белото грозје е дека црното содржи многу повеќе ресвератрол.

Сепак, тоа не значи дека треба да јадете само црно грозје и да заборавите на белото.

Прво, идејата е да не внесувате што е можно повеќе ресвератрол, и второ, белото грозје содржи една компонента што црната воопшто ја нема – тоа се катехини.

Катехините се многу моќни антиоксиданси кои имаат силно антиинфламаторно дејство. Не само што ја чистат кожата и и’ го враќаат сјајот, туку делуваат и против бактериски и габични инфекции во телото и ги чистат цревата.

Значи, да резимираме – црното грозје содржи повеќе ресвератрол, но белото грозје содржи катехини, така што едно грозје не може да замени друго, бидејќи има различни ефекти, па затоа треба да ги јадете двата вида.

Популарно