Усните како аларм: Знаци за овие четири болести кои можеме да ги откриеме на усните

„Нашите усни можат да ни испраќаат сигнали за здравјето на телото“, предупредил стоматологот Бернард Хенеси.

Како што открил за британски „The Sun“, знаците на дури 4 болести се откриваат токму на усните. Тој вели дека нашите усни минуваат низ различни промени во текот на животот, а понекогаш можат да укажуваат на одредени болести“.

„Некои од овие промени може да укажуваат на медицински проблем, па затоа не треба да ги игнорираме доколку ги забележиме“, тврдел Хенеси.

ХИВ

Во случај да се појави необјаснив чир во или од внатрешната страна на нашите усни кој не исчезнува, може да биде знак за ХИВ. ХИВ (вирусот на човечка имунодефициенција) го напаѓа имунолошкиот систем на телото и, во ретки случаи, може да доведе до СИДА. Не постои лек за ХИВ, но постојат лекови кои им овозможуваат на лицата со овој вирус да живеат долг и здрав живот, под услов да се открие навремено.

Пневмонија

Секој добива испукани усни од време на време и тоа обично не треба да биде причина за грижа. Но, во некои случаи, особено кај децата, лупењето на усните може да биде знак за пневмонија. Според „NHS“, состојбата обично започнува со треска, кашлица, проблеми со дишењето и слаб апетит.

Рак

Рана на усните која не зараснува може да биде знак за карцином, објаснил стоматологот. Стапките на орален карцином, вклучително и ракот на усните, се двојно поголеми во последните 20 години – покажуваат податоците на „Фондацијата за орално здравје“.

Во 2021 година биле дијагностицирани околу 8.864 случаи, што е зголемување за 34% во однос на пред 10 години.

Ракот на усните се јавува на кожата на усните, но најчест е на долната усна. Според клиниката „Мајо“, повеќето карциноми на усните се сквамозни карциноми, прилично лесни за лекување. Ракот на усните може да биде предизвикан од прекумерно изложување на сонце и пушење.

Синдром на иритирани црева

Испуканите усни, особено во аглите на усните, може да се поврзат со синдром на нервозно дебело црево. Кожна состојба позната како ангуларен хеилитис предизвикува суви, црвени дамки на аглите на устата кои можат да пукнат. Неколку студии покажале дека 60% од луѓето со „IBS“ може да страдаат од орални здравствени проблеми, од кои еден е ангуларен хеилитис.

Владата со препораки за топлотниот бран

Бремените жени и лицата над 60 години од утре до следниот четврток се ослободуваат од работни обврски, одлучи Владата на денешната онлајн седница. 

Поради топлотниот бран што ја зафати земјава се препорачува работодавачите да ги реорганизираат работните активности на градежните работници и на работниците кои работат на отворено, со тоа што ќе се избегне вршење на градежни и други физички активности на отворено во период од 11 до 17 часот.

На седницата, како што информира владината прес-служба, е донесена и одлука во детските градинки да не се  изнесуваат децата на отворено во период од 11 до 17 часот.

- Владата им препорачува на единиците на локалната самоуправа, Црвениот крст и центрите за социјални работи во регионите зафатени со топлотниот бран да пружат помош на осамени, стари, изнемоштени лица и на бездомници, a со оглед дека одредени ризични производствени и технолошки процеси може да претставуваат дополнителен ризик за здравјето на изложените работници, се потсетуваат работодавците на обврската за почитување на законските прописи од оваа област, се вели во соопштението од Владата.

Од Управата за хидрометеоролошки работи најавуваат дека од денеска до средината на следната седмица на повеќе места ќе биде активирано портокаловото ниво за опасност од високи температури. Исклучок ќе има в недела, кога, според синоптичарите, во попладневните часови ќе има изолирана појава на нестабилност со пороен дожд и грмежи.

Од Итната медицинска помош во Скопје во изјава за МИА потврдија дека поради топлото време деновиве имаа зголемен број на интервенции поради колапси на јавни места.

- Колабираат и помлади и повозрасни граѓани. Дневно имаме пријави за околу десетина колапси. Дали во автобус, дали на работно место... Имаме и пораст на повици од лица кои бараат совети телефонски, изјави за МИА доктор Рихад Реџепи од Итната медицинска помош.

Напредок во третманите за епилепсија со длабока мозочна стимулација

Момче со потежок облик на епилепсија е првиот пациент во светот на кого му е вграден новиот уред за контрола на напади, директно во неговиот череп и чија состојба е значително подобрена, објави Би-би-си.

Операцијата е направена во октомври 2023., како дел од испитувањето во болницата „Грејт Ормонд стрит“ во Лондон, во соработка со Универзитетот на Оксфорд. Оран Ноулсон тогаш имал 12 години. Момчето од Сомерсет има Ленокс-Гасто синдром, вид на епилепсија отпорен на стандарден третман којшто се развил на тригодишна возраст. Операцијата траела околу осум часа. Оттогаш, тој има напади кои се движеле од 20 до неколку стотици секој ден.

Невростимулаторот којшто испраќа електрични сигнали длабоко во мозокот, ги намали дневните напади на Оран за 80 отсто.

Неговата мајка Џастин изјави дека сега Оран е посреќен и има многу поквалитетен живот.

Оран е вклучен во проектот „КАДЕТ“ – низа испитувања што ја проценуваат безбедноста и делотворноста на длабоката мозочна стимулација за потешките видови епилепсија.

Инаку, епилептичните напади се активираат од абнормални изливи на електрична активност во мозокот. Целта на уредот, којшто емитува постојан пулс на струја, е да ги блокира или прекине тие абнормални сигнали.

Овие три сосови го спречуваат слабеењето

Сосовите се одлични за додавање вкус на јадењата, но за жал, не сите се добри за нашето здравје. Висококалоричните опции како мајонез и други сосови може да содржат големи количини на калории и нездрави масти. Ако ги консумираме премногу, тоа може да влијае на нашиот метаболизам предизвикувајќи зголемување на телесната тежина и други здравствени проблеми.

Сепак, знаењето кои сосови да ги избегнуваме може да ни помогне да направиме подобар избор и да го одржиме метаболизмот под контрола. Диететичарката Крутика Нанавати и фармацевтот Елејн Чикет предупредија на три сосови кои треба да ги избегнуваме или барем да ги ограничиме.

1. Мајонез

Мајонезот првенствено се прави од масло, жолчки од јајце и оцет или сок од лимон. Маслото што се користи често е богато со нездрави масти, особено со заситени масти. Јадењето премногу заситени масти може да доведе до воспаление и да го зголеми ризикот од метаболички проблеми.

„Зачините со висока содржина на масти и калории, како што се преливите за салата на база на мајонез или сосот од тартар, можат брзо и лесно да придонесат за прекумерен внес на калории“, предупредува Чикет за SheFinds.

2. Кечап

Кечапот е полн со додадени шеќери. Приближно 15 милилитри може да содржи околу четири грама шеќер, често во форма на сируп од пченка со висока фруктоза. Редовното консумирање храна богата со шеќер може да доведе до скокови на нивото на шеќер во крвта, предизвикувајќи телото да произведува повеќе инсулин. Со текот на времето, ова може да придонесе за отпорност на инсулин и метаболички синдром, што може да го забави метаболизмот.

„Кечапот е често натоварен со сируп од пченка со висока фруктоза и други шеќери, кои го зголемуваат шеќерот во крвта и промовираат воспалителни реакции“, вели Нанавати.

3. BBQ сос

Многу комерцијални BBQ сосови содржат адитиви, конзерванси и вештачки ароми за подобрување на вкусот и продолжување на рокот на траење. Овие додатоци може да го нарушат здравјето на цревата, влијаејќи на рамнотежата на добрите и лошите бактерии во дигестивниот тракт.

BBQ сосот често се користи како маринада или сос за натопување, што го прави лесно внесувањето премногу калории. Овие скриени калории може брзо да се соберат, што доведува до севкупно зголемување на дневниот внес на калории и потенцијално зголемување на телесната тежина.

„Многу сосови за скара содржат високо ниво на шеќер и конзерванси кои можат да предизвикаат воспаление и да придонесат за несакано зголемување на телесната тежина“, заклучи Нанавати.

Популарно