На Фејсбук групата „Да помогнеме да се пронајде Тијана Јуриќ“ вчера била напишана непроверена информација дека Тијана била видена во Република Српска.

-Денеска едно БМВ со босански таблички застана покрај мојата куќа и го запраша дедо ми, кој беше надвор, по кој пат се оди за Бања Лука. Дедо ми им објасни и ги повика да дојдат на ракија. Тие излегоа и со себе зедоа една девојка, потечена во очите од плачење и многу личеше на Тијана. Мене одма ми текна, па и се обратив: „Еј ти си ми многу позната“ и во тој момент веднаш скокна еден од тројцата и извика „Одиме„“. И си заминаа. Јас на дедо ми му реков дека мислам оти тоа е Тијана но баба ми не дозволи да се јавиме во полиција, било напишано во групата на Фејсбук.

Се додава дека некој наводно ја видел девојката во Бјелина.

Но, истата порака е подоцна избришана од Фејсбук страната, а во коментар е напишано дека таа информација не е точна. Повеќе од 500 граѓани самоиницијативно се организирале и заминале до полицијата и другите истражни органи во потрага на Тијана. Можно е Тијана да заминала со својот дечко, нејзиниот татко објаснил дека последен пат ја видел на нејзината матура.

-Јас ги замолувам граѓаните да не се организираат самоиницјативно и да не ја бараат мојата керќа, затоа што така можат да и наштетат на истрагата. Полицијата и надлежните служби прават се за да ја најдат мојата ќерка, а секоја информација и секој детал или било што кое би можело да и помогне на истарагата за да се најде мојата Тијана е многу важна. Помош за истрагата понуди и Министерството за внатрешни работи на Белгија, рекол Игор Јуриќ, татко на Тијана.

Со оглед на тоа што границата со Унгарија е многу блиску, надлежните веднаш стапиле во контакт со нивните надлежни органи и со Интерпол.