Тони Михајловски изгуби верен пријател и дел од семејството

Џет Сет

на 2.2017

„Си замина, 17 години бевме најдобри другари“, со оваа реченица нашиот познат актер Тони Михајловски на Фејсбук ја соопшти тажната вест за загубата на неговата најверна пријателка и член во семејството.

„Патувај мирно Кеки “ – напиша Тони објавувајќи фотографии од неговата долгогодишна пријателка и миленичка, кучето Клеа.

Имено, како што напиша Тони, Клеа цели 17 години беше заедно со него, а следбениците сочувствуваа со неговата загуба и посакаа секое милениче да доживее возраст колку Кеки.

Убавите сеќавања никогаш не бледнеат, а веруваме дека Тони ги има многу такви кои постојано ќе го потсетуваат на своето милениче.

Бакингемската палата ја објави здравствената состојба на кралот Чарлс

Џет Сет

пред 4 дена

Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.

За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.

Следниот вторник кралот ќе започне со симболично патување во центар за лекување рак, пренесува медиумот.

Неговите летни планови вклучуваат државна посета, каде што ќе биде домаќин на императорот и царицата на Јапонија.

Во наредните недели, соопштија од палатата, тој ќе преземе неколку надворешни ангажмани.

(Видео) Инцидент на концерт на Ники Минаж

Џет Сет

пред 6 дена

На концертот на пејачката Ники Минаж во Детроит во саботата се случи инцидент.

Ники Минаж имала проблем со еден од обожавателите кој и фрлил пластично шише.

Меѓутоа, пејачката навреме го забележала тој човек, се отстранила да не ја удри шишето, а потоа го зела и го вратила на ист начин, што почнало да се шири на социјалните мрежи.

Вакви непријатни ситуации се случувале и порано, изложувајќи ги и изведувачите и публиката на одредена опасност.

Принцот Вилијам: „Жал ми е што не е тука со нас“

Џет Сет

пред 6 дена

При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.

Конечно се врати на обврските откако извесно време беше на пауза поради приватни причини.

Во разговор со член на персоналот, Вилијам накратко ја спомна сопругата Кејт.

„Жал ми е што Кејт не може да биде тука со нас. Таа сакала”, рекол Вилијам.

Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.

По Божиќ се повлече од јавноста, а во јануари имаше операција на абдоменот.

Популарно