(ВИДЕО) Ибрахимовиќ: Тој се удри во мојот лакот! Кој ли да поверува во ова?

Спорт

на 3.2017

Напаѓачот на Манчестер Јунајтед Златан Ибрахимовиќ денеска беше во центарот на вниманието на натпреварот меѓу Црвените ѓаволи и Борнмут.

Освне што промаши пенал, за Ибрахимовиќ се зборува и поради дуелот со фудбалерот на Борнмут Тајрон Мингс, со кој Златан денеска беше во „војна“ на теренот.

При крајот на првото полувреме, Мингс веројатно намерно го нагази Ибрахимовиќ додека лежеше на тревата, но минута после тоа стигна одмазда.

Во еден воздушен дуел, Ибрахимовиќ со лакт го удри својот денешен противник, но судијатља поради тоа не му покажа втор жолт картон, со оглед дека еден веќе претходно доби.

На крајот на натпреварот, Ибрахимовиќ во свој стил го опиша спорниот детал.

„Сите имате телевизор и можете да видите што се случило. Скокнав, и тоа високо, а Мингс скокна на мојот лакт“, објасни Швеѓанецот.

Златан Ибрахимовиќ веројатно ќе се соочи со казна од ФА поради овој инцидент, а за тоа повеќе ќе дознаеме во наредните денови.

Zlatan Ibrahimovic Fights vs Tyrone Mings in... by jackeddine

Митревски блескаше на голот во португалското дерби

Спорт

пред 5 дена

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред една недела

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот