Кога Шеридан Лескиен би го претставила своето девојче до пред неколку месеци одговорот би бил речиси секогаш ист: "Колку прекрасно име", "Звучи навистина моќно", "Многу е необично, што значи?", "Од каде потекнува?"...

Луѓето се восхитувале на името кое родителите го позајмиле од египетската божица и му го дале на своето девојче - ИСИС. Тоа е грчкото име за Изида, божицата која се одбележува како идеална мајка и сопруга, заштитничка на природата и жена, пријателка на робовите, грешниците и мајсторите - која ги слуша нивните молитви. 

"Секој ден постои некоја нова вест во медиумите во врска со дивјаштвото на милитантите на ИСИС и за тоа какво зло се ИСИС. Се плашам дека нашата ќерка ќе стане мета на навреди и напади", срамежливо изјавила мајка и' за News.com.au.

"Оваа моментална состојба го уништува нашето семејство, како и иднината на нашата Исис. Сочувствувам со сите семејства кои се погодени од акциите на Исламската држава, со новинарите, со сите оние кои страдаат, но страда и моето семејство", тврди мајката и додава дека нивната 8-годишна ќерка моментално се' уште не е свесна за злото со кое е поврзано нејзиното име, но како семејство кое живее во Сиденј, ќе го почувствува тоа за некое време.