Нашиот евровизиски претставник, Даниел Кајмакоски, веднаш по победата на „Скопскиот фестивал“ замина за Белград на снимањето на спотот за носечката песна за филмот „Ќе бидеме светски прваци“.

Музиката за песната е на Kики Лесендриќ, фронтменот на „Пилоти“, кој беше член на жирито во шоуто „Х-фактор“.

Со оглед на тоа дека дејството на филмот се одвива во 1970-та година, затоа не е изненадувачки тоа што стајлингот на Даниел е сосема поинаков. Со мустаќите кои обично не му се толку изразени, неодоливо потсетува на популарниот Бали Бег од серијата „Величествениот“.

Мора да признаете, изгледа навистина интересно и му стои. Даниел денеска се врати во Македонија по престојот од само ден и половина во Србија, каде ќе почне со евровизиските подготовки.