Понеделник, а веќе ја имаме сликата на неделата – водителот Марко Новевски со вентилатор го чистеше воздухот во центарот на Скопје. Дали се работи за нов телевизиски проект на кој работи или нешто сосема поинакво?

„Не се работи за нов ТВ проект, се работи за МОЈОТ ГРАД! Воздух полн честички вдишуваме секојдневно, несвесни дека всушност и самите можеме да придонесеме кон заштита на околината во која живееме. Па затоа, се одлучив за „ваква форма на чистење” – па ако е потребно, секој ден ќе го правам истото! Нашиот град – од мене зависи! Од сите нас зависи! ”, истакна Марко кога го прекинавме во неговата „генералка”.

Веруваме дека храброста на Марко и пред сѐ, неговата посветеност за почисто Скопје, ќе ги инспирира Скопјани да размислат за начин на кој можат да му помогнат на градот. И не само да размислат, туку истиот да го применат!