Денеска е четврток 2 јули, 183-от ден во 2015 година. До крајот на годината остануваат уште 182 дена.

Денот трае 15 часа и 12 минути.

Сонцето во Скопје изгрева во пет часот и една минута, а заоѓа во 20 часот и 13 минути.

Месечината ќе зајде во пет часот и 29 минути, а повторно ќе изгрее во 20 часот и 18 минути.

Временска прогноза

Времето во Македонија ќе биде сончево и потопло со мала до умерена облачност. Ќе дува слаб до умерен северен ветер.

Утринската температура ќе се движи од девет до 17 степени, а дневната од 25 до 32 степена.

Во Скопје слично време, сончево со умерена облачност и со слаб до умерен северен ветер. Утринската температура ќе се спушти до 13, а дневната ќе се искачи до 29 степени.

УВ-индексот ќе изнесува 8.

И натаму следува период на претежно стабилно и потопло време, со слаб до умерен северен ветер, а температурите ќе бидат без поголеми промени.