Грција во наредниот период може да се соочи со целосно губење на ликвидноста на државата за исплаќање на обврските, враќањето на долговите и функционирање на економијата, што може да доведе до излез од еврозоната и враќање на домашната валута драхма, но со тоа значително ќе опадне вредноста на економијата и стандардот.

Граѓаните на Грција на денешниот референдум со над 60 проценти од гласови се изјаснија со „не“ за предложениот пакет мерки на штедење и кратење на социјалните бенефиции и државни субвенции, со што премиерот Ципрас доби мала предност пред постигнувањето на договор со кредиторите кои ќе треба да ја почитуваат волјата на грчкиот народ.

Кредиторите и финасиерите може да го остават Ципрас одреден период сам да се мачи со сите економски предизвици се додека опоцизијата не побара нови избори и постигнување на нов договор за отплата на долгот во кој ќе бидат опфатени и строгите мерки на штедење за кои се стравува дека значително ќе го успорат економскиот раст во наредните години, а ќе предизвикаат огромни социјални проблеми и можна побуна на народот.