Рачна бомба „кашикара“ без запалка била пронајдена вчера во коритото на Поројска река во близина на автомеханичарска работилница во селото, информира СВР Тетово.

Случајот во полиција го пријавил жител на Порој кој околу 18 часот ја забележал експлозивната направа во средината од реката при што поголем дел од телото на бомбата било закопано во земја. Полицијата заедно со претставници на Дирекцијата за заштита и спасување ја подигнале и транспортирале бомбата што била значитело кородирана.