Бегалците ги искористуваат децата на другите луѓе за полесно да ја минат границата.

Имавме случаи каде што луѓето се преправаат дека се чичковци на тие деца. Тоа го спречувавме, а децата се згрижени од страна на центрите за социјална работа, изјави Остојиќ, во интервју за Дојче веле.

Министерот за внатрешни работи Ранко Остојиќ, во интервју за Дојче Веле ја потврди приказната дека помеѓу бегалците имало и такви кои експлоатираат деца за да дојдат до подобар живот.

Тој коментирал во врска со случајот за изгубеното девојче која со денови била во паркот во Велика Горица.

- Згрижена е. Најдена е во Велика Горица. Претпоставуваме дека дошла со првиот бран. Социјалните работници се обидоа да разговараат со неа и не добиле никаква информација. Сега веројатно преку разговор ќе успееме да дознаеме нешто што ќе ни открие чие е ова дете - рече министерот.

Хрватска за бегалците троши два милиони куни на ден. Тој исто така додал дека Хрватска се уште не ја добила финансиската помош од Брисел.

- До денес, низ Хрватска поминале повеќе од 320.000 луѓе. Целосната грижа за бегалците Хрватска ја чини најмалку 2 милиони куни на ден. Веќе 50 дена се ослонуваме на нашите сопствени шатори, опрема, луѓе. До овој момент не сме добиле ниту еден цент европска помош. Нашите стоковни резерви, волонтери, Црвен крст, сето тоа е на сметка на даночните обврзници. Добивме ветување и чекаме да се потврди. Меѓутоа за сите бевме подготвени, имавме шатори, кревети, и се што требаше - рече тој.