„Миротворец“ пишува на големо знаме со ликот на рускиот претседател Владимир Путин, кое се вее на мостот Менхетн во Њујорк.

Транспарентот со димензии шест на девет метри бил поставен во вчера 14:30 часот по локално време, пренесува телевизијата CBS. Денеска Путин го прославува 64-от роденден.

Претставници на градските власти набрзо го симнале транспарентот. Полицијата ги проучува снимките од камерите за видео надзор, за да дознае кој е автор на оваа неодобрена активност.

Инаку ова не е првпат на мостот Менхетн да се постави некое знаме, откако во 2014 година активисти поставија знаме на Палестина за време на маршот во знак на поддршка за населението во Газа.