На годинашната свеченост за доделување на музичките награди „Греми“ во центарот на вниманието беше Бијонсе.
Имено, ова беше нејзиниот прв јавен настап по објавата дека очекува близнаци, а во текот на нејзиниот настап во „Стејплс центарот“ во Лос Анџелес, пејачката направи сè за јасно да покаже дека е бремена. Всушност, таа на сцената настапи во проѕирен златен фустан, а самата објави и фотографии на кои носи златни бикини.
Во текот на нејзиниот настап поддршка од публиката ѝ даваа и нејзиниот сопруг Џеј Зи, како и ќеркичката Блу Ајви, додека пак нејзината мајка Тина Ноулс ја најави изведбата.
Иако настапот на Бијонсе предизвика најголемо внимание, сепак, пејачката дома си замина само со една статуетка „Греми“, а што се однесува до бројот на освоени награди, целосно доминираше нејзината колешка Адел. Сепак, британската пејачка освоената награда за албум на годината ѝ ја посвети на Бијонсе, а покрај тоа откри дека тајно стапила во брак со Симон Конецки, со кого има дете.
Во продолжение погледнете ја целосната листа на наградени.
Песна на годината
Адел, Хелоу
Спот на годината
Адел, Хелоу
Албум на годината
Адел, 25
Најдобар нов изведувач
Ченс д Рапер
Најдобра соло изведба
Адел, Хелоу
Најдобра изведба на поп-дуо/група
Твенти уан пајлотс, Стресд Аут
Најдобар поп-вокал на албум
Адел, 25
Најдобар денс-спот
Чејнсмоукерс, Донт лет ми даун
Најдобар денс/електронски албум
Флум, Скин
Најдобра рок изведба
Дејвид Боуви, Блекстар
Најдобра метал изведба
Мегадет, Дистопија
Најдобра рок-песна
Дејвид Боуви, Блекстар
Најдобар рок-албум
Кејџ д Елефант, Тел ми ај ем прити
Најдобар алтернативен музички албум
Дејвид Боуви, Блекстар
Најдобра аренби-изведба
Соланж, Крејнс ин д скај
Најдобра аренби-песна
Максвел, Лејк бај д Оушн
Најдобар албум на современа музика
Бијонсе, Лемонејд
Најдобрите аренби-албум
Лала Хатавеј, Лала Хатавеј лајв
Најдобра рап-изведба
Ченс д Рапер, Но проблем
Најдобра рап-песна
Дрејк, Хотлајн блинг
Најдобра рап-изведба
Дрејк, Хотлајн блинг
Најдобар рап-албум
Ченс д Рапер, Колоринг бук
