50. годишниот Роберто Карлос Фернандез, одел со својата ќерка по улица, кога одненадеж, од зад грб му долетала автомобилска гума и силно го погодила директно во глава.

Несреќникот паднал како покосен, а неговата ќерка Каролина останала во шок без да знае што се случило. Минувачите притрчале во помош, а десет минути не можеле да го освестат.

– Одевме дома кога слушнав автомобилска сирена и погледнав, но не видов ништо. Одненадеж сирената стана погласна, а кога сфатив што се случува, тркалото го погоди мојот татко во глава – рекла Каролина

Амбулантно возило веднаш пристигнало и на Фернандез му била укажана медицинска помош. За среќа, минал само со полесни повреди.