И јавните личности се вклучија во иницијативата на здруженијата за права на живоните, со свои фото пораки. Во проилог освен фотографиите ви го доставуваме и целосниот текст и барањата на овие здруженија.

ПРАВДА ЗА ЖИВОТНИТЕ - иницијатива поддржана и од нашите јавни личности!

Во Македонија, од страна на институциите (Агенција за храна и ветерина) е поднесена Предлог промена на Законот за заштита и благосостојба на животните, но истата не ги задоволува стандардите за адекватна заштита на животните. На тој предлог закон „Анима Мунди„, „Мали Херои„, „Гласот за животните„, „Асоцијација на активисти за права на животните„, „Фауна„, имаат поднесено бројни Амандмани, коментари и барања и очекуваме истите да бидат сериозно изпрерцепирани и уважени. Без уважување на барањата на здруженијата, Законот ќе ја изгуби својата основна цел и етичка димензија а тоа е заштитата на животните. Нашите предлог Амандмани се усогласени со стандардите на европската легислатива и во нивното изготвување се директно вклучени наши бројни соработници – претставници од најсилните интернационални здруженија за заштита на животните, како и правници од Европската мрежа на адвокати и комисионери за права на животните во ЕУ и финализирани од представник на ОИПА интернешнал, г-дин Едоардо Гандини (застапник/лобист за правата на животните во ЕУ и ЕК).

НАШИТЕ ОСНОВНИ БАРАЊА СЕ:

1) ЗАКОНСКА ЗАБРАНА ЗА ЕУТАНАЗИЈА НА БЕЗДОМНИТЕ ЖИВОТНИ - (зошто над 70% од животните во Македонија се убиваат). Предлогот на институциите е да секое бездомно животно може да биде усмртено по 30 дена од неговото заловување – што е во целост неетично и неприфатливо)

2) БАРАМЕ ПОСИЛНА ЗАШТИТА НА ФАРМСКИТЕ ЖИВОТНИ И ИСФРЛУВАЊЕ НА ОСНОВНИОТ КАФЕЗЕН СИСТЕМ ЗА ЧУВАЊЕ КОКОШКИ НЕСИЛКИ ПО ПРЕОДЕН ПЕРИОД ОД ЕДНА ГОДИНА, ЗОШТО НЕ ЗАДОВОЛУВА ОСНОВНИ СТАНДАРДИ ЗА ПРИРОДНО ОДНЕСУВАЊЕ НА ЖИВОТНИТЕ (кафез А4 формат, каде птиците не можат ни да ги рашират своите крилја, страдаат од трауми, вирози, болести и депресија;

3) БАРАМЕ ЗАБРАНА ЗА ОДГОЈ НА ЖИВОТНИ ЗА КОЖА И ПЕРДУВИ;

4) ЗАКОНСКИ ОВЛАСТУВАЊА И ИНВОЛВИРАЊА НА ЗДРУЖЕНИЈАТА ЗА ЗАШТИТА НА ЖИВОТНИТЕ ВО СИТЕ ПРОБЛЕМАТИКИ КОИ ГИ ЗАСЕГААТ ЖИВОТНИТЕ (членување пред се во етичката Комисија која ќе се воспостави од институциите, зошто без инволвирањата на оние кои се залагаат за животните етичката димензија на Комисијата сериозно се доведува во прашање,

5) ЗАБРАНА/РЕДУЦИРАЊЕ НА ЕКСПЕРИМЕТИ ВРЗ ЖИВОТНИ СЕКОГАШ КОГА НЕ Е НУЖНО И/ИЛИПОСТОИ АЛТЕРНАТИВА,

6) ЗАКОНСКО ВОВЕДУВАЊЕ НА ЕДУКАТИВНИ ПРОГРАМИ ЗА СЕНЗИБИЛИЗАЦИЈА НА НАСЕЛЕНИЕТО ВО ОДНОС НА ЖИВОТНИТЕ И ПРОМОВИРАЊЕ НА НИВНАТА ЗАШТИТА И БЛАГОСОСТОЈБА

7) СЛУЖБА ЗА ПРЕВЕНЦИЈА, ЕВИДЕНЦИЈА И САНКЦИОНИРАЊЕ НА НАСИЛСТВО ВРЗ ЖИВОТНИТЕ Ве повикуваме сите вас да не поддржите и ги направите повидливи и гласни предлог законските барања на Анима Мунди со кои животните ќе добијат конкретна заштита, а нивното мачење ќе биде осудено и санкционирано!

ПРАВДА ЗА ЖИВОТНИТЕ!!!

Повеќе фотографии на официјалната страна на здружение за заштита на животните Анима Мунди