Работнички останува во прва лига, но има суспензии за Докузовски, Србиновски и Геровски

Спорт

на 11.2014

Арбитражната комисија го врати овој случај на повторно разгледување кај Јосифовски откако одлучи дека во првата негова одлуката имало пропусти, по што тој попладнево донесе нова и конечна одлука, со која најтрофејниот кошаркарки колектив во Македонија, Работнички (14 шампионски титули и 8 Куп трофеи) го задржува статусот Прволигаш.

Според истата, клубот нема да заработи казна како што беше првичната одлука со префрлување во најнизок ранг на натпреварување, но дисциплинска постапка ќе биде поведена против Марин Докузовски, Марјан Србиновски и Горан Геровски.

Работнички ќе добие казна од еден натпревар играње без публика и губење со службен резултат на средбата со МЗТ Скопје.

Двата клуба добија и парични казни, а суспензија на четири натпревари доби и делегатот Баже Поповски.

Оваа одлука доаѓа по враќањето на предметот кај Комесарот од Арбитражната комисија и само еден ден откако самиот Јосифовски изјави дека само клубовите можат да донесат одлука за останување на Работнички во Првата лига.

Митревски блескаше на голот во португалското дерби

Спорт

пред една недела

Македонскиот голман повторно блескаше во дресот на Порто кој триумфираше на гостински терен во дербито на португалското ракометно првенство против Спортинг со 37:35.

Нашиот чувар на мрежата придонесе во победата со девет одбрани.

На табелата Спортинг има 40 бодови, пред Порто со 38, следуваат Бенфика (34) и Брага (28).

Македонија има нов светски шампион

Спорт

пред една недела

Македонија има нов светски шампион! Бобан Илиоски го победи Берк Дузенли во првата професионална битка за појас во „ВАКО Про АФН 9“ и по аматерските трофеи, се закити со признание и во професионалните води. Илиоски во борбата во дисциплината К1 успеа да ја исполни зацртаната цел и стана професионален кик-бокс шампион.

Илиоски во пет рунди беше подобар од турскиот ривал на големиот светски настап кој се одржа во СЦ „Јане Сандански“. Македонецот имаше проблеми против Дузенли кој беше расположен во првите неколку рунди, меѓутоа потоа успеа да воспостави контрола. Илиоски добро се бранеше, го одби противничкиот налет и со удари од дистанца собра доволно бодови.

Откако немаше нокаут во петте рунди, одлуката остана на судиите, а спикерот го прогласи Илиоски за победник на одушевување на присутните во салата. За македонскиот кик-боксер ова е најголем успех во досегашната кариера, откако претходно стана светски и европски првак во ВАКО аматерските натпреварувања.

Пред одлично пополнети трибини во скопската сала Македонија доби нов првак на професионално ниво. Во поддршка на својот другар Бобан Илиоски дојдоа и навивачите на Вардар, верните „Комити“ во солидна бројка.

Лазаров доби нов помошник во репрезентацијата

Спорт

пред една недела

Поранешниот репрезентативец Стојанче Стоилов ќе биде дел од стручниот штаб на машката репрезентација на Македонија.

Тој и претходно беше дел во неколку наврати од подготовките на националниот тим откако ја заврши репрезентативната кариера, но сега ќе биде во улога на асистент.

Ова е четврти екс репрезентативец кој влегува во стручниот штаб на селекторот Кире Лазаров по Бранко Ангеловски, Ацо Јоновски и Филип Миркуловски.

Машката репрезентација ја очекува двомеч со Фарски Острови за пласман на СП 2025 година во Хрватска, Данска и Норвешка.

Првиот натпревар се игра во Торшавн на 8 мај од 20:00 часот, додека реваншот е во Скопје на 12 мај од 19:00 часот