(ВИДЕО) Заев: Талат Џафери го прекрши уставот со поставувањето на Албанското знаме во канцеларијата

Претседателот на СДСМ, новиот мандатар и многу веројатно новиот премиер на Република Македонија, Зоран Заев во интервју за српската телевизијата  „Н1“ завчера, изјави дека непријатен е начинот како Србија коментира за политичките случувања во Македонија. Според Заев, непријатно е соседите да зборуваат за Македонија.

– Премиерот на Србија, Александар Вучиќ, говореше за македонско сценарио. Непријатно е како нашите соседи зборуваат за Македонија,  рече Заев во интервјуто, додавајќи дека во Македонија на сите им е преку глава од кризата.

Прашан за наводите за „голема Албанија“, Заев рече дека малку луѓе зборуваат за таква идеја и дека иднината на Западен Балкан е „отворени граници и мобилност на граѓаните“.  На прашањето што мисли за тоа што на масата на новиот претседател на Собранието, Талат Џафери, стои знамето на Албанија, Заев рече дека тоа не е по Уставот на Македонија и дека таму наместо знаме треба да стои фотографија од децата и сопругата.

– Верувам дека Џафери ќе ги почитува Уставот и деловникот за работа на Собранието, рече Заев.

Еве колку ќе изнесува минималната висина на К-15 за 2017 година

И годинава вработените во Македонија во приватниот сектор имат право на регрес за годишен одмор, популарно наречен К-15. Според пресметките минимална висина на К-15 годинава ќе изнесува 8.900 денари.

Досега дел од фирмите веќе им го исплатија овој регрес на работниците, а оние кои што тоа не го сториле треба тоа да го направат најдоцна до крајот на декември.

Право на регрес имаат сите работници кои работеле кај истиот работодавец најмалку шест месеци во календарската година.

Законската регулатива вели во случај да не го исплатат регресот за годишен одмор предвидени се затворски и парични казни за работодавците.

Така износот на К-15 се одредува во висина од најмалку 40% од просечната месечна нето плата по работник во Република Македонија исплатена во последните три месеци.

За минатата година, тој износ беше најмалку 8.909 денари, а најмногу до 13.116 денари 40% од просечна бруто-плата објавена во тековниот месец која беше 32.789 денари.

Работодавачите појаснуваат дека бидејќи последните месеци од годинава ќе има зголемување на минималната плата од 10.080 на 12.000 денари, се очекува да има и значаен раст на просечната бруто и нето-плата по вработен во Македонија.

Токму овие промени ќе овозможат до крајот од годината да добијат поголем износ во однос на оној што го примиле во декември 2016 година.

Како на пример, ако се направи пресметка според последните податоци на Државниот завод за статистика објавени за август, може да се согледа дека регресот за годишен одмор ќе изнесува 9.123 денари, а тоа е 40% од износот на просечната нето-плата по вработен која во јуни достигна 22.808 денари, односно максимум до 13.403 денари, што пак е 40% од износот на просечната бруто-плата по вработен 33.509 во јуни.

Според колективниот договор, останува правото на фирмите со финансиски тешкотии да исплатат помалку од минимално утврдената сума. Но постоечкиот колективен договор содржи и одредени нејаснотии во делот дали еден работник кој шест месеци работел во една, а потоа уште шест месеци во друга фирма во иста календарска година, треба да добие К-15 од двете или само од едната фирма.

И годинава вработените од јавниот сектор ќе останат без К-15. Како што појаснува Пеце Грујовски, претседател на Синдикатот на работниците од Управата и правосудството (УПОЗ), во јавниот сектор нема ни колективен договор, а со новата Влада, која е работодавец на овие работници ќе се отворат преговори за негово носење, а со тоа и за правото на овие вработени, конечно, да добиваат регрес за годишен одмор.

ФОТО: Заеви на прием кај Трамп и Меланија

„Дипломатскиот прием организиран од претседателот Трамп во чест на 72. Генерално Собрание на ОН е убава можност за зацврстување на пријателствата и остварување идни соработки во интерес на нашите држави“, напиша македонскиот премиер Зоран Заев на својот фејсбук профил.

(ВИДЕО) Антонио Милошоски: Пратеници на власта земале пари да гласаат за законот за јазици

Во моментот кога пратеникот на ВМРО ДПМНЕ, Антонио Милошоски се обиде да ја објасни потребата од носењето на законот за двојазичност дека е со цел да се сокријат криминалите и неспособноста на ДУИ пред своите гласачи, Талат Џафери најпрво започна да му упаѓа во дискусијата за на крај во неколку наврати да му го исклучи микрофонот. Сепак на крајот му дозволи да се доискаже.

Популарно