Што да направите ако не ви/му се дига?

Постојат три видови на ерекција, а некои од нив можат да бидат непријатни. Повеќето пениси се искривени наместо прави, а пенисот е „најголем” по стимулација со орален секс.

Стимулација која го прави најголем
Постојат три видови на ерекција – рефлексна која настанува поради вистински контакт, психосоматска поради аудиовизуелна стимулација и ноќна ерекција. Според истражувањето на угледниот магазин Journal of Sexual Medicine, силината на стимулот влијае врз силата на ерекцијата и самата должина на пенисот. Пенисот е најдолг после орален секс, во просек дури до 0.3 цм подолг отколку без таквата стимулација.

На повеќето мажи пенисот не им е прав
Опуштениот пенис крие тајни кои излегуваат на виделина во состојба на ерекција – па тогаш, повеќе од 70 отсто од мажите имаат благо искривен пенис. Тој најчесто е искривен кон левата страна и најчесто кон горе, но тоа не се смета за проблем се’ додека не предизвикува болка. Што се однесува до големината, таа во опуштена состојба не е вистински показател за мерката – кај две третини од мажите пенисот расте околу три сантиметри, додека кај една третина од нив може да порасне и повеќе од пет сантиметри.

Кондомот влијае врз ерекцијата
Иако тоа не важи за сите мажи, на околу 80 отсто од нив презервативите навистина лошо влијаат врз ерекцијата, тврдат експертите. Тие објаснуваат дека тоа првенствено е последица на навиката, но и на други проблеми со ерекцијата, како воспаление на простатата и послаба циркулација и пониско ниво на тестостерон, па поради тоа ерекцијата потешко се одржува. Исто така, мажите претеруваат со мастурбација и често не „чувствуваат” доволно преку кондом.

Но, и мастурбацијата…
Ако мажот немал сексуален контакт или мастурбирал неколку дена, тоа ќе се одрази и врз неговата ерекција, објаснуваат експертите. Таа ќе биде поцврста, а пенисот нешто подолг поради зголемениот проток на крв. Но, ако мажот редовно односно секојдневно мастурбира, голема е веројатноста тогаш и самиот секс да биде значително пократок поради посилната стимулација и поголемата возбуда.

Цигарите ја скратуваат ерекцијата
Пушењето е штетно за сите органи, па така и за пенисот. Никотинот лошо влијае врз циркулацијата, која е клучна за ерекцијата. Со тек на време, последица е дури намалување на пенисот, а студиите покажуваат дека редовното пушење на цигари може да резултира со пенис пократок и до 1 сантиметар.

(ВИДЕО) Била пијана – Тоа што го направи момчето пред камерите ќе ве остави без зборови

Девојката била пијана – Тоа што го направи момчето пред камерите ќе ве остави без зборови

Момче и девојка кои беа во алкохолизирана состојба завршија во иста соба, но тоа што го направи ова момче ќе ве остави без зборови. Ова видео има силна порака: Вистинските мажи не искористуваат девојка.

Погледнете…

Како да му кажам на партнерот дека имам сексуално пренослива инфекција?

Како се облекувате за состанокот на кој планирате на партнерот да му соопштите дека имате неизлечива сексуално пренослива болест? Отидов во тенки кожени чевли, кои брзо ќе ме одведат до автомобилот откако ќе ми каже: „Веќе не можеме да се гледаме“, темносини панталони и стара маица со пруги, со мали дупки околу јаката, побелена и истрошена, како што сигурно ќе се чувствувам подоцна во ноќта. Да беше некој друг ден, сигурно ќе се потрудев повеќе. Ќе нанесев серум за исправување на косата и дефинитивно ќе ставев некоја сенка на очите. Ќе носев кошула што нема дупки од молци околу вратот. Но зошто да се мачам кога секако ќе ме отфрли?

Порано бев оптимистична во однос на излегувањата со момците. Никогаш немав чиста десетка во самодоверба, да бидам искрена, бев солидна седумка, но имав доволно верба дека некое момче со текот на времето ќе ги занемари моите мани. Моето хронично доцнење? Нема проблем. Мојата секојдневна загриженост за сè и сешто? Па, не е толку лошо… Но ХПВ е поинаков. Не е нешто што може да се објасни и да се засака со текот на времето. Тоа е болест со симптоми на непријатност, но и со смртоносни последици во некои случаи. Генитални брадавици, високоризични соеви, можен карцином на грлото на матката. Некои третмани за оваа болест можат да доведат до неплодност. И како кулминација – заразно е.

Соочување

Кога ми соопшти гинекологот дека имам два соја ХПВ, нискоризичен (брадавици) и високоризичен (предизвикувач на рак), останав без зборови. Тоа беше дента по мојот 24-ти роденден. Треперев на гинеколошкиот стол, туткајќи го памучниот фустан и притискајќи ги колената едно до друго, додека образите ми гореа. Како се случи ова? Моите партнери можам да ги избројам на прстите од едната рака. Сепак, во некои мигови на секој од нив му верував до таа мера што неколкупати прескокнавме употреба на кондом. Еден од нив не знае дека е заразен… Значи, стојам пред аптеката, борејќи се да гледам низ заслепувачките сончеви зраци, а во чантата имам скапа туба со маст, која би требало да ги убие грубите клетки на кожата во мојот најнежен дел на телото.

Исчекување

Четири недели по мрачната дијагноза паднав во мрачно расположение. Земајќи ја предвид статистиката, ќе помислите дека не би требало да се чувствувам толку осамено. Повеќето сексуално активни возрасни лица во некој миг добиваат некоја заразна болест. Речиси 60 милиони жени, што е 38% од целата женска популација, се заразени во некој период од животот. Но иако 90% од ХПВ-инфекциите исчезнуваат во рок од две години по дијагностицирањето и никогаш не покажуваат симптоми, мојата, за жал, не е таква. Малите белузлави израстоци во внатрешноста на вагината, кои се појавуваат секои три недели, и абнормалните папа-наоди ме доведоа до две болни биопсии, со помош на кои ми се откриени претканцерогени клетки. Морав да мрморам за да не го слушам звукот додека гинекологот со долги ножици ми кинеше делови од грлото на матката. За време на седумте дена, додека ги чекав резултатите, ми се формираа виолетови сенки под очите, а ноктите ги изгрицкав до корен.

На тенок мраз

Поттикната од љубезното барање на мајка ми да има внучиња, како и од советите на моите пријатели, одлучив да го освежам профилот на една мрежа за запознавање. Набргу почнав да се допишувам со Марко, кој е програмер и кој ми призна дека е слаб на помфрит и на ретки видови птици. По долгиот телефонски разговор, ми кажа дека не би му пречело дури и да имам две глави. „А што мислиш за сексуално пренослива болест“, си помислив.

Да признаеш или да избегаш

Ми се допадна уште на првиот состанок, во еден мал ресторан во центарот на градот, кога нарача туна, ракчиња во бел сос и предложи да се замениме на половина оброк. Му ја ставив раката на подлактицата, а со другата ги допрев неговите големи кафени кадрици. По вечерата, излеговме од ресторанот, и се бакнувавме секои десет метра, буквално… Следниот ден, во мојот мозок се јавуваа ужасни визии врзани за нашата заедничка иднина. Како што брановите се удираат од карпите на брегот, така и моите желби се удираа со фактот дека имам сексуално пренослива болест. „Ова е најдобриот состанок досега“, рече Марко. „Чекај“, си помислив. Планиравме да се сретнеме и следната вечер. Немам избор, ќе мора да му кажам дека сум заразена. Можеби сум му привлечна, но дали ќе сака да спие со мене?

Зад болеста стои изградена личност

Додека паркирав пред неговата зграда тоа попладне, чувствував дека на рамениците носам два тега од по 2 тона. Кога влегов во станот, се извинив и побрзав во тоалетот. Се гледав во огледалото и го вежбав мојот израз на лицето „немој да плачеш“. Излегов, седнав на каучот и почнав: „ОК, мора да разговараме.“ Кимна со главата неколкупати со едно „мм-хммм“, потоа ја стави раката на моето колено, ме привлече кон себе и ме прегрна. „Тоа што си прекрасен кон мене ми ја отежнува целата ситуација“, му кажав, очекувајќи дека ќе ме прегрне за крај. Но неговата следна реченица ме изненади: „Ако не успееме, тоа ќе биде поради реални причини, не поради ова.“ Растоварена, ја нурнав главата меѓу неговиот врат и рамото. „Дали е непријатно“, ме праша. (Не е). „Дали ќе исчезне со текот на времето?“ (можеби, којзнае!). Сепак, не ме осуди. Сакаше и понатаму да се гледаме, можеби и почесто. Ова сценарио дефинитивно не го очекував.

Сега сме свршени и често се сеќавам на таа вечер. Бидејќи сме моногамни, веќе не користиме кондом. За среќа, мојот ХПВ не влијаеше врз способноста да имам деца, така што можно е наскоро и да забременам. Сепак, сè уште се сеќавам како се криев зад косата додека му соопштував дека сум заразена. Очите му се задржаа на она што го гледаше: загрижена девојка полна со љубов, топла, жива и комплетна личност. Гледаше во личност што закрепнува од болест. Драго ми е што и јас го видов тоа, конечно.

Овие жени доживуваат оргазам додека вежбаат – еве зошто и како!

Оргазмите кои се стимулирани со вежбање во научната литература се спомнуваат повеќе од 50 години, а се викаат корегазми.

Прв пат овој термин го употребил сексологот Алфред Кисеј во 1953-та година во книгата за сексуално однесување кај жените.

Тој заклучил дека само 5 проценти од жените тоа го доживуваат.

Многу од нив ќутат за тоа поради тоа што им е непријатно со што тој податок сигурно е многу повисок.

Истражувањето кое е објавено во 2012-та година во кое учествувале 530 жени покажало дека 246 од нив доживеале оргазам за време на вежбањето.

Второто истражување кое е спроведено на Универзитетот во Индијана открило дека најголема шанса за жената да доживее оргазам е додека вози велосипед, вежба јога, дига тегови или трча.

Најчесто тоа се случува кога се прават вежби со подигнување на ногата.

Фитнес инструкторите и личните тренери истакнуваат дека жените сигурно нема да истрчаат до нив за да им кажат дека доживеале оргазам, па затоа и не знаат дали има такви случаеви.

Доцент Горан Арбанес доктор, психијатар и сексуални терапевт истакнува дека постои една ретка состојба во која во текот на денот жените можат да доживеат оргазми.

„Некои се предизвикани од сексуален однос, а некои се случуваат и без никакви сексуални стимулации“.Ова беше таков случај, жената да доживее оргазам вежбајќи во теретана, еројатно во некоја посебна положба која кај жените предизвикува оргазам.

При тоа нема никакви сексуални стимулации, рече тој.

Тоа всушност е комбинација од активирање на мускулите кои се споени со меѓуножјето и ендорфинот кои се ослбодува за време на вежбањето.

До оргазмот доаѓа кога телото повеќе не може да го поднесе интензивен притисок од протокот на крвта низ гениталиите.

Ослободувањето на жената од напнатоста е пропратено со контракцијата на мускулите во вагината.

Доколку жената е среќна може да доживее и повеќе оргазми, доколку стимулацијата продолжи.

Популарно