(ИНТЕРВЈУ) Катарина Ивановска: Ќе го носам Вања во Њујорк за да му раскажам за мојот живот

Естрада

на 10.2017

Катарина Ивановска, македонскиот топ-модел со интернационална кариера, пред пет месеци стана мајка. Бебето Вања сега е центарот на нејзиното внимание. Вели дека мајчинството ја разубавело однатре и ѝ создало нови навики.

За „Репортер“ таа реши да открие како се снашла во улогата на мајка, но и што планира понатаму со кариерата.

„Од моментот кога ќе го земеш бебето во прегратки безгрижноста што претходно си ја имал во истата секунда престанува и почнува еден нов и убав дел од животот, полн со слатки грижи“, вели Катарина.

Таа ни откри дека желбата за името била нејзина, но и дека многу му се допаднала на нејзиниот сопруг Цобе, па лесно се договориле.  „Јас навистина уживам во улогата на мајка, а Цобе е посветен и вреден татко. Сепак, ќе бидам искрена па ќе ви кажам дека и покрај обврските околу синот, имам време и за себе. И да излезам и да посетам некој од салоните за разубавување. Каде и да одам Вања го носам со мене, освен навечер.Тогаш татко му го чува сосе бабите“, ни открива топ-моделот и актерка од филмот „Трето полувреме“.

Катарина вели дека нејзиното синче било мирно бебе.

„Мирен е, постојано гуга и се смее. Не нè буди никогаш, спие спокојно. Кога го родив и го видов првпат си помислив како можев да родам бебе што е Цобе во мала форма. Ама сега веќе мислам дека го менува ликот и потсетува и на мене“, додава Ивановска.

Катарина во бременоста се здебелила само 6 килограми, па воопшто не ѝ било проблем набрзина да се врати во старата форма. Сега постојано е во вежбалница и вели дека никогаш нема да се откаже од вежбање.

Ја прашавме како во иднина ќе ги усогласува обврските со Вања и манекенската кариера:

„Уште не сум почнала да работам зашто уште го дојам Вања. Но, февруари е месецот кога ја почнувам годината со снимања, па се надевам дека така ќе биде и следната година. Речиси никогаш не работам во Македонија, и кога зборувам за работа, мислам за надвор од земјава. Снимањата се по 2-3 дена, така што Вања и Цобе ќе дојдат со мене“.

Катарина ни откри дека планира во мај следната година сите тројца да го посетат Сан Франциско, САД.

„А потоа одиме во Големото Јаболко за да му раскажам сè на бебушот мал за Њујорк и за мојот живот таму“, вели Катарина.

Александра Георгиев

(Видео) Мајката на Северина со моќна порака го честиташе роденденот на пејачката

Естрада

пред 4 дена

Северина Вучковиќ го прослави својот 52-ри роденден, а потоа објави емотивно видео од семејството и пријателите.

Северина на Инстаграм покажа колку за неа е значајна поддршката од најблиските.

Една од најемотивните честитки во видеото кое го објави е онаа од мајката на Северина, Ана, која особено ги трогна нејзините фанови.

„Драга моја ќерко, ти посакувам се најдобро во животот, за твојот 52 роденден и да продолжиме да живееме вака и ти благодарам за се што правиш за твојата мајка. А ти треба да бидеш најсреќната мајка на светот“, рече нејзината мајка барајќи совет и помош од оние кои ја снимиле.

Емотивното видео погледнете го во продолжение:

 
 
 
 
 
 
 
 
 
 
 
 
 
 
 

A post shared by Severina (@severina)

Аца Лукас: „На венчавката ја изневерив бремената сопруга – после тоа таа со насмевка ѝ честиташе на мојата жена“

Естрада

пред една недела

Во книгата „Ова сум јас“, Аца Лукас, меѓу другото, го опиша и својот прв брак. Светлана била првата голема љубов на пејачот, со која основал семејство.

“Цеца цветаше од среќа. Тоа лето во 1991 година отидовме на море. Тоа беше крајот на моето ергенство. Барем така мислев тогаш. Свадбата беше на сплавот “Лукас”. Имаше 200 сватови, моите пријатели свиреа, а јас повремено го земав микрофонот“.

„Денот почна по свадбениот протокол, кој прилично го намалив. Со пријател отидов да си ја пробам среќата на покер апаратите на свечениот ден. Кога се вратив дома, хармоникашот веќе на големо ги веселеше гостите. Пред зградата имаше трубачи, а со нив пееше и мајката на Светлана. Цеца беше во благословена состојба и само се смешкаше“.

“Не се сеќавам на многу детали од свадбата. Знам само дека од некаде се појави една моја бивша девојка од средно и дека се бакнувавме во тоалетот. Жените се чудо. Откако се љубеше со мене, таа и честиташе на мојата сопруга со насмевка за влегување во брачните води“.

„Денес само сфаќам колку кретен бев кон мојата прва сопруга, мојата прва, вистинска љубов. Вистински кретен! Умислував дека мојата сопруга не ме заслужува, дека сум нешто над неа. Таа страдаше. Сега знам дека во тоа време беше жена за мене, тивка придружничка на мојот подем, прекрасна мајка, обожавателка на моите родители.

(Фото) Вака изгледа љубовницата со која живее 15 години двоен живот

Естрада

пред една недела

Разводот на Џенан Лончаревиќ стана главна тема во медиумите, а сите дополнително се изненадени што пејачот решил да се разведе дури сега, со оглед на тоа што веќе 15 години живее со извесна љубовница Милица во Белград.

И додека неговата законска сопруга Самира Лончаревиќ изминативе денови се огласи во медиумите, невенчаната сопруга на Џенан со која живее и понатаму молчи.

Таа сега е снимена како го чека пејачот пред зграда кога тој се враќаше од настап, а со оглед на тоа што го „улови“ екипата на „Папарацо Лов“, сите имаа можност да ја видат на малите екрани.

Избраничката на Џенан на прв поглед не наликува на неговата сопруга со која е во брак 25 години. А сопругата на Џенан во исповед за медиумите последниве денови изјави дека се плаши да остане на улица:

– Во сето ова барам само да се почитува законот, не барам ништо повеќе. Впрочем, јас сум вработен во тој суд, ја водам кривичната канцеларија и знам како оди се. Барам да се закажат предметите пред мене, ако се итни тогаш моите нека бидат пред сите останати. Дали ќе биде утре, задутре или за еден месец, се додека го следи законот ќе биде во ред. Таа и нејзиниот адвокатски тим сега апелираат од сите страни да се забрза процесот за развод – изјави Самира.

– Најголем проблем е имотот, доживеав дека после 25 години брак сакаат да ме исфрлат од дома. Веднаш би го потпишал барањето за развод, веднаш, но проблемот е имотот, бидејќи се што купил е ставено на име на мајка му. Сега купил стан во Белград на име на таа жена, го ставил на нејзино име да не можам да добијам ништо. Тоа е проблемот – изјавила законската сопруга на Џенан, со која има два сина. Таа вели дека не се грижи за себе, но се грижи за децата.

– Нормално, никогаш не би си дозволила да разговарам со новинари доколку го немав овој проблем и сега немав каде да одам. Куќата во која живееме е половина негова, половина на брат му, а всушност по 25 години брак четвртина од куќата ми припаѓа мене затоа што се останато што го стекнал е ставено на туѓи имиња. Немам друг избор освен да се борам да им обезбедам на моите деца кои немаат ништо на нивно име – истакнува оваа жена и додава:

– Имам за себе, имам плата и би се снашла, но сакам да им обезбедам денес, утре, ако се случи нешто, што би направиле? Има добар однос со децата. Децата многу го сакаат. Доаѓа еднаш на 15 дена и тогаш ги гледа. Кога доаѓа во Пријепоље, останува во истата куќа каде што сум и јас, но не комуницираме. Нашата врска е нарушена. Нашите адвокати се слушаат, не сме разговарале од летото минатата година. Во февруари добив барање за развод – заклучи Самира Лончаревиќ.

И додека Самира реши да зборува, Џенан нема намера да зборува, туку својата ситуација целосно ја препушта на судот.

Популарно