Јоци: Ниту одев по улици за ова, ниту имам намера да ве гласам пак

Поранешната новинарка, која беше дел од „шарената раволуција“, Јорданка Ивановска - Јоци, многу брзо се разочара од новата власт на централно и локално ниво. Своето незадоволство го изрази преку статус на ФБ.

Заев: Дуел со Мицкоски во секое време, но...

Премиерот Зоран Заев денеска уште еднаш повтори дека прифаќа телевизиски дуел во кое било време и во кој било медиум со лидерот на ВМРО-ДПМНЕ Христијан Мицкоски само доколку тој претходно се изјасни дали е за членство во НАТО и ЕУ преку прифаќање на Преспанскиот договор, а ако не е за тоа, треба јасно да го каже и да понуди алтернатива.

-Подготвен сум во секое време и на секое место да дебатирам со Мицкоски, но чесно е тој да го каже својот став-дали е за членство во ЕУ и НАТО со поддршка од Договорот од Преспа и ако не е да ја каже алтернативата. Тогаш нека го избере медиумот, денот и терминот. Јас сум подготвен за соочување зашто тоа  е демократски чин, изјави Заев по националната конференција за децентрализација.

Одговарајќи на новинарски прашања, премиерот рече дека Законот за амнестија, што веќе се дебатира, ќе се комплетира до крајот на оваа или почетокот на идната недела и со него јасно ќе се разграничи што значи учество во насилство, кревање рака, организација и осмислување упад во Собранието. Казни ќе има, но ќе се стави дистинкција на тоа што значи судска, а што политичка одлука.

-Конечната цел е да донесе помирување, подавање рака меѓу Собранието, но со тенденција тоа да продолжи и на вертикално ниво, и кај навивачките групи, и во општините и кај подмладоците во партиите,…истакна Заев.

Според него, Законот за амнестија ќе испрати порака на помали казни, и амнестија за сите што не учествувале во насилството и не биле организатори.

-Членовите во законот што ќе доведуваат до идно казнување нема да бидат тероризам со над 10 години казни, туку ќе бидат помали почетни казни. Но, казни ќе има. Со законот ќе се испрати пораката, казнувањето мора да постои, но и најважната порака е да нама мешање во правосудството, потенцира претседателот на Владата.

Заев порача грчкиот министер Каменос да му даде шанса на Преспанскиот договор, а бенефитите од неговата имплементација, истакна,  ќе се видат веднаш, по неколку месеци.

Во врска со ситуацијата во здравството, премиерот најави дека на 24 или 25 декември ќе има средба со ресорниот министер и синдикатите на кој ќе бидат отворени сите актуелни прашања.

Во врска со ситуаициата на Косово, Заев нагласи дека на регионот не му се потребни нови тензии. Тој воедно апелира до своите колеги, премиери, како што рече, да внимаваат на своите чекори.

-Да ја унапредиме економската соработка, да постигнеме траен мир, раст, развој и членство во ЕУ, порача Заев.

КОМИТИ: Полицијата секојдневно упаѓа во домови на наши членови!

Навивачката група „Комити“ на официјалната ФБ страница се пожали дека нејзини членови се под засилен полициски притисок, дека се вршат упади во нивните домови, претреси, приведувања, им се изрекуваат астрономски парични казни под сомневање за наводно поседување и пуштање во промет на психотропни супстанци или оружје и распрскувачки материјали…

Репресивниот режим е пуштен на најјако!

Секојдневно добиваме информации за упади во домовите на наши членови, каде очигледен таргет е да се пронајдат капацитети за производство на оружје и распрскувачки материјали?!?

Се бара производство и пуштање во промет на опојни дроги и психотропни супстанции?!?!?!

Толку многу упади, повторени и повторени но ниту еден единствен пат не е пронајдено ништо...Како тоа одеднаш имате такви сомнежи, и од каде таа упорност? На што се темели сето тоа?

Толку сте отуѓени од нас Македонците што нималку страно не ни е помислата дека следно што ќе направите е да подметнувате за да ги оправдате ресурсите кои ги трошите каде непријател на Македонија не постои, туку само непријател на непријателот...

Истовремено судовите штанцаат од ракав пресуди, па на тенденциозните пресуди каде наши членови се инволвираат без никакви докази, се додаваат и калемат дополнителни пресуди од граѓански парници со неверојатни суми! Зарем самите поверувавте во лагите кои упорно ги лиферувавте за Руските рубљи канализирани преку ваши блиски соработници од Солун? (или по ваше тесалоники), па сега 'овие комитиве имаат пари да го полнат буџетот' и да скапуваат по станици!?!

Се мешаат луѓе од военото разузнавање при носењето судски одлуки?!?

Ќе престане ли некогаш оваа тортура која селективно и константно се спроведува врз нашето членство? И зошто нема?

Македонецот е осудуван од Македончето кое го контролира репресивниот систем, затоа што првиот едноставно се чувствува така без никаков деминутив или комплекс на ниска вредност...

Зарем мислите дека сликата поставена како насловна на оваа страна е само текст напишан на најлонска фолија без никакво значење, затоа што 'хартија трпи се'? 

Уф, зарем толку многу ја промашувате суштината?

#Мобилизација #ЦрвеноЦрнаРеволуција #ЗаМакедонија

Искочи од притвор точно на денот за гласање за уставни промени и гласаше ЗА, а брат му заработи милиони!

Над 58 милиони денари или околу 950 илјади евра е вкупната вредност на тендерите кои вевчанската фирма Атриум, водена од братот на обвинетиот пратеник Крсто Мукоски ги има потпишано со државни органи во последните 5 месеци. Податоците се јавни и се впишани на сајтот на Бирото за јавни набавки.

Проблемот е што токму против таа фирма во тек е предистражна постапка за тендерот за варосување и дополнителни градежни работи на на скопскиот стадион пред одржување на европскиот супер куп и натпреварот на Реал Мадрид и Манчестер Јунајтед. Поради сомнежи дека зад итност на постапката за стадионот се кријат високи и напумпани цени за фарбање на квадрат ѕид и за градежни преправки, владата поднесе пријава, а финасиската полиција се уште го истражува случајот.

Досега финансиската полиција има побарано и добиено документација за тендерот од ПУИГ, од Акционерското друштво за стопанисување со станбен и деловен простор. И додека таа зделка се истражува, Атриум доби уште најмалку 5 тендери од кои последниот пред само една недела од Станбен и деловен простор (АДСДП). Тој тендер е во вредност од околу 700 илјади евра со ДДВ и се однесува на градежни работи на повеќе канцеларии и простор на агенцијата. Иако е познато дека има постапка против фирмата Атриум, компанијата не е на листата фирми со негативни референци и нема никаква законска пречка за учество на тендери.

„На денот на јавно отварање на понудите немаше објавено негативна референца на сајтот на биро за јавни набавки, со што немало никаква законска пречка за учество на фирмата во јавното наддавање, одговараат од АД за изградба и стопанисување со станбен и деловен простор“.

Атриум и на претходниот тендер за истата намена имал понуда, но во април оваа година тендерот е поништен поради пропусти во постапката, стои на сајтот е-набавки. Сегашниот договор вреден околу 700 илјади евра го потпишал Бобан Мукоски, братот на обвинетиот пратеник Крсто Мукоски кој на Крвавиот четврток ги отвори вратите и го отпочна насилниот хаос во Собранието, а сега чека амнестија од колегите. Повеќе медиуми објавија дека и пратеникот е еден од основачите на фирмата Атриум која и во претходната власт победуваше на тендери за градежни зафати.

Популарно