ФОТО: По ова момче жените лудуваат!

Во 2008-ма година Сем Руен беше победник во третата сезона на реалното шоу „Најголемиот губитник“ каде учесниците добиваат парична награда според бројот на изгубени килограми.

Сем, кој тогаш имаше 19 години, тежеше 154 килограми кога го почна шоуто, а го заврши со 71 килограм. Сега има 29 години и работи како пожарникар и модел.

Тој во изминативе 10 години продолжи да го негува здравиот начин на живот и целосно го трансформира неговото тело. Сем вели дека е посветен на здрав живот и редовно вежбање, но додава дека темата на самодоверба во врска со неговиот изглед уште е чувствителна за него.

Неговата приказна е инспирација за многу луѓе кои се борат со вишокот килограми и прекумерна дебелина.

Неговиот совет е: „Може да си стигнат на дното, но со напорна работа и упорност, може да си го свртиш животот наопаку и да ги оствариш своите соништа.“

Колку треба да трае денот за жените да ги завршат сите обврски?

Научниците дошле до заклучок дека на денешните жени им е потребен ден кој ќе трае 28 часа, за да ги завршат сите обврски.

Шест од десет жени рекле дека им е потребен подолг ден, и тоа за 3 часа и 36 минути. На тој начин би успеале да ги завршат сите работни и семејни обврски, а исто така и социјалниот живот да не им биде запоставен.

Половина од жените кои учествувале во ова истражување, односно 2.000 од нив, рекле дека ги жртвуваат часовите кои се предвидени за спиење, за да можат да исполнат некое лично задоволство, како што е вежбањето или дружбата.

Како што пренесува порталот „The Sun“, тоа значи дека многу жени спијат само по шест часа, наместо препорачаните осум.

Жените кои работат, работното време воглавно им е од 9 до 17 часот, а голем број рекле дека не се случува да излезат од работа пред 19 часот.

Половина од жените изјавиле дека стануваат пред шест часот наутро, а не легнуваат да спијат пред полноќ.

Сето ова предизвикува состојби како што се заморот, проблеми со концентрација, подочници и заморна кожа.

Жените кои биле дел од ова истражување, изјавиле дека доколку има ден кој трае 28 часа, повеќе би се дружеле со пријателите и партнерот, би се посветиле на готвење и пробување нови рецепти и би поминувале подолго време вежбајќи. 

За јакната на Мајкл Џексон издвоил 298.000 долари!

Во саботата на акција за предмети на музичките легенди како Принс, Мадона и Џон Ленон, легендарната црна јакна на Мајкл Џексон била продадена за 298.000 долари. Цената е три пати поголема од првата побарувачка.

Аукциската куќа „Julien’s“, најпрво барала износ од 100.000 долари за јакната која Џексон ја потпишал со траен сребрен маркер, а ја носел во текот на целата светска концертна турнеја.

Тоа е едно од најлегендарните парчиња на покојниот музичар, со црвено-белата јакна од спотот „Thriller“, кое било продадено за 1,8 милиони долари на аукцијата во 2011-та година. Јакната „Bad“, ја продал бизнисменот и филантроп од Тексас, Милтон Верет, заедно со речиси 10 други предмети од својата богата рокенрол колекција.

„Bad“ е седмиот студиски албум на Џексон, кој во 1987-ма година го објавила дискографската куќа Епик. 

ВИДЕО: Овој ТВ водител ќе работи 24 часа дневно, цела година и без годишен одмор...

Зошто да плаќате вистински водител, кога вестите ќе може да ги води виртуелен водител со вештачка интелигенција кој ќе може да работи по цели денови, без пауза, со години и години.

Кинеската новинска агенција “Xinhua” го претстави својот прв робот кој на гледачите ќе им чита вести. Во соработка со “Soguo”, развиен е првиот “AI” телевизиски водител на светот, а направени се две верзии, еден за кинескиот пазар и еден кој што зборува на англиски јазик, при што, базирани се на вистински лица.

Благодарение на напредната технологија, се што треба да се направи е да се вметне текстот во компјутер и софтверот ќе започне да го изговара текстот, при што движењата на лицето и устата ќе го следат изговорениот текст, па искуството ќе наликува речиси како и да гледаме реален телевизиски водител.

Сепак, експертите иако имаат пофални зборови за ваквиот обид на кинеската новинска агенција, тие тврдат дека доколку подолго време го гледаме водителот, сето тоа ќе стане премногу досадно.

Професорот по роботика и вештачка интелигенција на Шефилд, Ноел Шарки, вели дека ова е сепак добар прв обид кој што со текот на времето сигурно ќе се подобрува.

Популарно