(ФОТО+ВИДЕО) Влезете во светот на најмоќниот човек во фудбалот: Богатството на неговото семејство се проценува на 630 милијарди евра

Богатството на неговото семејство се проценува на 630 милијарди евра. Јахтата му ја позајмувал на и на Леонардо Ди Каприо. Цената на највредниот автомобил во неговата колекција е 3,5 милиони евра.

После 17 кола неговиот тим Манчестер Сити е уверливо на врвот. Граѓаните досега запишаа 16 победи и едно реми, 1:1 со Евертон. Најзаслужни за сјајната низа на Сити и рекордите кои ги рушат од натпревар во натпревар се играчите, Пеп Гвардиола и неговиот стручен штаб. Меѓутоа, човекот кој сите ни ги собра на едно место е сопственикот на клубот Шеикот Мансур.

Освен што е сопственик на Манчестер Сити, Мелбурн Сити, Њујорк Сити и Ал Џезеира, противникот кој го измачи Реал во полуфиналето од Светското клупско првенство, Мансур ја извршува и должноста заменик премиер на ОАЕ и министер за претседателски работи. Членот на владејачкото семејство на Абу Даби благодарејќи на својата фирма (International Petroleum Investment Company) заработил повеќе од 19 милијарди евра, а според податоците од 2014 година, неговото богатство се проценува на 32 милијарди евра.

Мансур дел од своето богатство го вложи во спортски клубови (франшизи). Прво во 2008 година го купи Манчестер Сити за отприлика 260 милиони, со што на клубот му беа обезбедени средства за најдобрите играчи на светот. Пет години подоцна, Мансур стана сопственик на МЛС клубот Њујорк Сити, тим каде играа играчи како Андреа Пирло, Френк Лампард, додека се уште игра и капитен на тимот е Давид Виља.

После европскиот и североамериканскиот пазар, Мансур со купувањето на Мелбурн Сити во 2014 година се прошири и на австралискиот пазар.

Освен фудбалските клубови, шеикот ја поседува и една од најголемите јахти на светот, хотели, многу автомобили…

Топаз е шеста најголема јахта на светот. Долга е 147 метри, а направена е во 2012 година во Германија. Има осум ката, два хелиодроми, три базени, теретана, џакузија и кино. Непосредно пред Светското првенство во Бразил, Мансур јахтата му ја позајми на оскаровецот Леонардо Ди Каприо, кој на неа организираше забава за дваесетина пријатели.

Медиумите пренесоа дека Мансур за време на одморот на турскиот брег, на пристаништето во Мармарис потрошил повеќе од 440.000 евра на гориво за јахтата (танкер од 730.000 литри), а процесот за надополнување на горивото траел повеќе од 5 часа.

Мансур во 2005 година купи пет проценти од акциите на Ферари што му го олесни патот за носење на Формула 1 во Соединетите Арапски Емирати. Освен на Ферари, Мансур има и 9,1 процент од акциите на Даимлер. Во приватната колекција, Мансур помеѓу останатите автомобили поседува и: Мерцедес СЛР-МекКларен (400 илјади евра), Ламоргини Ревентон (950 илјади евра) и Ферари Енцо (2,8 милиони евра).

Како и Флојд Мејведер, Мансур е голем заљубеник во Бугати Вејрон, па во својата колекција има пет примероци. Меѓутоа највредниот примерок е Порше 911 ГТ1, чија вредност се проценува на 3,5 милиони евра.

Покрај движниот имот, Мансур во својата сопственост има и бројни недвижности. Во 2016 година за 50 милиони фунти си купи вила која се простира на 80 квадратни километри. Приватниот посед под назив Лос Куинтос де Сан Мартин се наоѓа на југозападот на Шпанија(Valencia dea las Torres).

Заедно со своето семејство шеикот во 2005 година ја финансираше изградбата на палатата(The Emirates Palace), која многумина ја опишуваат како единствен вистински хотел со седум ѕвезди. Палатата има 394 соби, вклучувајќи 92 апартмани и 22 претседателски апартмани, а мебелот внатре главно е од мрамор и злато.

Икарди го реши Милан во последните минути

Миланско дерби во рамките на 9. коло од Серија А заврши со гол на Икарди во последната секунда и голема победа на Интер (1-0). Во натпревар кој беше осуден на реми без голови, една грешка на Џиџо Донарума, скапо ги чинеше миланезите.

ербито започна агресивно и Интер беше првиот тим кој се закани. По десетина минути игра Икарди ја затресе мрежата на Донарума, но заради офсајд водството на „сино-црните“ оправдано беше поништено. Политано со соло пробив во 18. минута се закани, но Ромањоли ја исфри топката во корнер во последен час.

Судијата Ирати имаше полни раце работи, а Наинголан и Биглиа први влегоа во неговиот бележник. По половина полувреме Перишиќ со глава го натера Донарума да се истегне и да ја исфрли топката во корнер. По неполн половина час, Спалети го замени повредениот Наинголан и го внесе Борха Валеро

По половина час Икарди ја погоди пречката од гостинскиот гол, а седум минути подоцна задоцни по центаршутот на Вршаљко. најблиску до водство беше во 40. минута, кога Мусакио со глава биеше крај голот. Истиот фудбалер постигна гол во 42. минута, но заради недозволена позиција оправдано беше поништен.

Вториот дел започна многу потактички. Пак Интер беше поактивен, посебно преку Политано, но зрели шансо скоро и да немаше. Едно невнимание на Донарума можеше скапо да ги чини „росонерите“, но младиот голман стигна навреме да интервенира.

Кеита Балде влезе по еден час игра и на Весино му подготви добра можност, но неговиот удар заврши во блокот. од волеј биеше премлако во 81. минута во најзрелата можност на Милан во вториот дел. Ниту влегувањaтa на Антонио Кандрева и Бакајоко во самиот финиш не донесoa емоции. Но, кога сите очекуваа крај на натпреварот, Мауро Икарди во судискто надополнување со глава, по грешната проценка на Донарума, донесе голема победа на Интер со 1-0.

ВИДЕО: Новак се соблекол гол и трча по Италија...

На видео снимка која ја објавил на Инстаграм Ноле напишал “див и слободен“ Ваква сцена не се гледа често. Нова Ѓоковиќ навистина е цар. Се соблекол гол и трча по Италија. Снимката која на социјалните мережи се појави, ја исфрлил Ноле на Инстаграм, со што го запали интернет.

На снимката напишал „див и слободен“

Голем успех на џудистите од Струга на турнирот во БиХ

Во период од 12 до 14. 10.2018 г .Џудо Клуб Дрим од Струга  учествуваше на нов меѓународен турнир кој го носи името ,,BORSA OPEN EUROPEAN TOP JUDO TOURNAMENT” во Мостар,Босна и Херцеговина. На овој масовен настан учествуваа 31 земја со над 140 клубови и преку 1000 натпреварувачи.

Македонскиот Џудо Клуб Дрим од Струга зеде учество со 5 натпреварувачи. Со медал и тоа златен се закити Христијан Глигороски во категорија +66 килограми. Во одлично светло се покажаа и останатите, односно, Марио Нелоски, Александар Шулески, Андреј Чакароски и Анамарија Стојмиловска кои за жал не успееја да се закитат со еден од медалите иако имаа квалитетни борби.

Популарно