(ВИДЕО) Жена се соблече топлес и го навредуваше Земан на гласачко место

За да го спречи чешкиот претседател, Милош Земан да гласа на претседателските избори жена се соблече топлес. 

На видеото кое го објавија чешките медиуми може да се види дека жената ја соблекува горната облека и започнува да извикува погрдни зборови на англиски јазик против Земан.

Го споменува Земан, но и рускиот претседател, Владимир Путин. 

Феминистичката група „Фемен“ од Украина соопшти дека идентитетот на жената е Ангелина Дијаш, која по потекло е од Украина. 

Земан го напуштил гласачкото место, по што повторно се вратил назад и го остварил своето право на глас.

Повеќе од осум милиони Чеси денеска и утре ќе излезат на вторите директни претседателски избори.

Во првиот круг граѓаните имаат избор помеѓу девет кандидати меѓу кои, според предизборните анкети, најголеми шанси освен Милош Земан, во евентуалниот втор круг има и долгогодишниот претседател на Академијата на науки на Чешка, Јиржи Драхош, кој се залага за влез на Чешка во еврозоната.

Резултатите од првиот круг ќе се објават утре. 

Сите патници почнавме да паѓаме еден врз друг

Изутрината во 1:45 часот на автопатот кај Лесковац се случи тешка сообраќајна несреќа во која загинаа тројца македонски државјани – маж и две жени, а 32 се повредени.

Како што соопштија од српската полиција, несреќата се случила кога автобус со македонски регистарски таблички од струшката фирма Еуро Бус, кој патувал на линијата од Струга за Виена, излетал од патот пробивајќи ја заштитната ограда и се превртел кај клучката Печењевци во близина на Лесковац.

Автобусот со македонски патници тргнал од Македонија синоќа околу 20 часот и во него имало патници од повеќе места во Македонија, а еден од повредените изјави за медиумите дека не се сеќава на несреќата, бидејќи сите спиеле во тој момент.

– Јас седев назад, автобусот се занесе, нешто силно ме удри во главата и сите патници почнавме да паѓаме еден врз друг. Многу ми е жал за тројцата загинати, фала му на Бога што останавме живи. Брзата помош многу брзо дојде и мене ме префрлија во Ниш, па во болницата во Лесковац, ни изјави Ричард Малинковски од Прилеп, кој има повреди на главата и треба да се оперира во Македонија.

-Некои кажуваат дека возачот има заспиено. Но јас тоа не го видов. Наеднаш се свртевме и потоа два пати паднавме и доживеав шок, по што не се сеќавам на ништо друго, изјави Малинковски.

Во несреќата, еден маж и две жени – македонски државјани загинаа на лице место. Како што не информираа мажот е од крушевското село Бучим, а една од жените е од Кочани.

Сите лица се идентификувани, а четворица лица по укажаната помош самоиницијативно се имаат вратено за Македонија.

Во болницата во Лесковац изутрината медицинските екипи од Лесковац и од Ниш префрлија 28 луѓе, додека четири во болницата во Ниш.

Според началникот на Хирургија во Лесковац Небојша Димитријевиќ, во моментов осум  пациенти се згрижени во лесковачката болница, двајца со тешки повреди на главата и на ’рбетниот столб се во болницата во Ниш, а 12 лица, од кои две деца по укажаната помош се сместени во хотелот Апостоловиќ и чекаат со обезбеден превоз да се вратат за Македонија.

Увидот на терен го изврши нишката и лесковачката полиција, но уште не е соопштено како дошло до несреќата.

Возачот и совозачот не се повредени, но кажано им е дека не можат да даваат изјави за медиумите.

Во Лесковац вчера врнеше дожд, а од полноќ непрекинато врне снег, па се претпоставува дека лизгавиот коловоз е можна причина за несреќата.

Претставници од македонската амбасада во Белград се наоѓаат во Лесковац, каде од градоначалникот на Лесковац, д-р Горан Цветановиќ е пружена сета помош и организација на македонските патници.

Се очекува да пристигне македонска делагација предводена од генералниот секретар на Владата Драги Рашковски. 

Македонка треба да плати 40.000 денра на извршители, но не знае зошто

Семејството на велешанката Билјана Темелковска се соочува со апсурден проблем – да плати 40 илјади денари преку извршител, а не знае за што. Вистинско изненадување за неа било кога пред извесно време и стигнал налог за извршување. Прво помислила дека е грешка, оти ги платила сите трошоци од судскиот спор кој пред пет години го изгубила. За изненадувањето да биде поголемо, токму тој судски спор е наведен во налогот за извршување како извор на долгот.

 - „Јас знам дека треба да платам, а што плаќам и на кого му ги плаќам овие пари. Што направив јас за да ги платам овие пари?!“ - вели Темелковска за 24 вести.

 - „Јас ги немам видено тужителите што ме тужат најмалку пет години, затоа што од кога заврши таа приказна со пресудата јас не ни одам на таа нива, а они одат, газат таму, повеќе не ме ни интересира“ - вели Темелковска.

 Но, со ова не се согласува извршителот Крсте Трајковски. Во телефонски разговор објасни дека со пресудата не завршиле обрските на семејството Темелковски. На нивни трошок паѓало околчувањето на патот, па затоа соседите преку адвокат и извршител го побарале тоа. Вели дека оваа обврска произлегувала од пресудата. 

Што велли возачот: Вака дошло до сообраќајката

Џитон Иштрефи, сопственик на компанијата Еуробус Струга, вели дека возилото техники било исправно. Додава дека нема се уште информации што точно се случило, но од разговорот со возачот бил информиран дека во критичните моменти се појавило патничко возило поради кое се случила несреќата.

„Немам точни информации што точно се случило, бидејќи не знам ништо. Колку што знаете вие толку знам и јас. Се слушнав со возачот кој ми кажа дека коловозот бил лизгав, некој автомобил одненадеж се појавил од напред и тој изгубил контрола, само толку ми кажа. Во контакт сме постојано со луѓето во Србија. Испративме друг автобус да ги преземе патниците, друго не знам“, истакна во кусиот телефонски разговор Иштрефи.

Во автобусот се превезувале 35 патници. Најголемиот дел од нив во моментот на несреќата спиеле, јави РТС. На повредените први помош им пружиле вработени од „Путеви Србије“ и возачи на други возила кои во моментот поминувале тука. Повредените се хоспитализирани во болницата во Лесковац.

Несреќата се случи во услови на снежно невреме, а истрагата треба да ги утврди причините за истата.

Популарно