Зошто автомобилот постојано ви се расипува?

 Кои лоши навики во расипуваат вашиот автомобил создавајќи ви непланирани трошоци?

Одморање на раката врз менувачот

Многу луѓе имаат навика да ја одморат десната рака врз менувачот додека возат. Ова треба да се избегнува од неколку причини. Првата и најочигледна е затоа што двете раце треба да се на воланот. Следната причина е тоа што овој притисок врз менувачот, иако мал, прави вибрации во истиот и ги разместува синхронизациите и брзините, а ова со тек на времето доведува до проблем при менување на брзините.

Дополнување на гориво дури кога резервоарот ќе се испразни целосно

Кога вашиот автомобил е во мирување, во резервоарот се акумулираат нечистотии од горивото и на дното се формира талог. Овие нечистотии навлегуваат во пумпата за гориво и филтрите и предизвикуваат штета. За време на зимските месеци осигурајте се секогаш да имате барем половина полн резервоар, за да избегнете формирање на големи количини на кондензат. При температури на мрзнење, присуството на вода во резервоарот може да доведе до деформација на истиот и други слични проблеми.

Често кочење

„Одржувајте пристојна оддалеченост и возете во склад со густината на сообраќајот“ е нешто на што постојано ве учат при обуката за возење. Но ако постојано кочите без потреба ќе треба да издвоите голема сума од вашиот буџет на замена на кочниците. За да го избегнете ова запомнете често да ги менувате цревата за хидраулична течност за кочниците и да внимавате нивото на истата да биде секогаш во нормалата.

Игнорирање на необични звуци кои доаѓаат од возилото

Мало крцкање и останати необични звуци може да бидат знак дека нешто не функционира како што треба. Многу луѓе ги игнорираат овие знаци и како резултат на тоа често пати им се случува да им се расипат возилата на сред пат. Доколку забележите чудни звуци од вашиот автомобил веднаш однесете го на сервис за да се види каде е проблемот.

Не користење на рачната кочница

Кога го паркирате автомобилот на нагорнина во брзина, целиот товар на автомобилот го трпи менувачот. Кога паркирате на нагорнина секогаш прво дигнете ја рачната кочница, а потоа полека отпуштете ја ногата од кочницата.

Развивање на висок број на вртежи на незагреан мотор

Најголем дел од новите мотори немаат потреба од загревање, но добро е да се запамети дека додека мерачот за температура не покаже оптимална температура, не би требало да развивате повеќе од 2000 вртежи. При временски услови на мрзнење се препорачува моторот да работи 1-2 минути пред да тргнете со автомобилот.

Држење на ногата на кочницата додека возите по надолнина

Голем дел од возачите настојуваат да ја држат ногата на педалата за кочење додека се спуштаат по надолнина за да можат постојано да прикочуваат. Ова може да доведе до прегревање на кочниците и брзо трошење на дисковите и гуртните. Вистинскиот начин да се спуштите по надолнина е да смените во пониска брзина и да го користите моторното кочење.

ФОТО: Возачот на автобусот 50. застана

Возачот на автобусот со број 50. во Србија застанал и не сакал да тргне, а цел автобус потоа му аплаудирал за тоа.

Возачот застанал во Белград поради патка со мали шатчиња.

Оваа слика стана хит на Интернет.

Кажете си ги овие зборови кога ќе бидете под стрес: Веднаш ќе се опуштите!

Наједноставните и воедно најделотворните методи на медитација се оние кои можеме да ги практикуваме каде било и кога било. Шери Мелвани, клиничка психотерапевтка и голема љубителка на јога и медитација, смислила една медитациска техника која може да ја пробате кога ќе бидете под стрес, кога сте напнати или фрустрирани.

Обрнете внимание на вашето дишење. Концентрирајте се на стомакот, дозволете му да се опушти и да стане мек додека го продлабочувате дишењето.

Зборувајте си во себе: „Со секое вдишување се смирувам. Со секое издишување се смеам“. Повторувајте го ова како мантра, колку што ќе ви биде потребно, сè додека не почувствувате промена во себе.

Ќе забележите дека краевите на усните почнуваат да ви се движат нагоре. Ќе забележите дека дишењето ви се изедначува и продлабочува. Оваа суптилна насмевка ќе ве опушти и ќе им порача на телото и умот дека сè ќе биде во ред.

Раат од комшии на 40 метри висина: Спокојна изолација на „Столбот на животот“

Природниот варовнички монолит Качи, познат и како „Столбот на животот“ се наоѓа во грузиското село Качи, на запад во Грузија.

Висок е околу 40 метри, а на неговиот врв се наоѓаат остатоци од црквата Свети Максим Исповедник, која потекнува од 9 или 10 век.

Целиот простор на врвот на карпата, кој опфаќа и вински подрум и остатоци од некогашното уредување на црквата, зазема само 150 метри квадратни, а во однос на тоа дека не постои лифт, до него можете да се искачите само со помош на рацете, нозете и малку среќа.

Поради тоа, не е ниту чудно што објектите кои се наоѓаат на самиот врв долго време беа сосема запуштени.

Првото забележано качување на овој врв се случи во 1944 година, кога двајца планинари на врвот пронајдоа тело на претходен жител.

Се претпоставува дека ова било место било наменето за молитва, односно дека го користеле лица кои сакаат да се одделат од остатокот од светот.

Поинтензивни истражувања се спроведени во периодот помеѓу 1999 и 2009 година, кога обејктите беа обновени со помош на Националната агенција за зачувување на културно богатство во Грузија.

Моменталниот жител на ова место има 62 години. Станува збор за свештеникот Максим Кавтарџе, кој креираше импровизирани скалила по кои два пати неделно се спушта и качува по „Столбот на животот“.

Популарно