Имам 25 години , ме праша постар човек зошто заминав во Америка: Му реков дека…

Во Македонија постојано можеме да најдеме текстови во кои младите, неретко и постари граѓани објаснуваат зошто планираат да го напуштат ова парче земја.

Можеме да се сетиме на една изјава на Татјана Каракамишева во која таа наведе дека младите заминуваат од Македонија во потрага по љубов, а не поради финансиска нестабилност во својата матична земја.

Па, да ги резимираме работите зошто всушност младите заминуваат од Македонија, без разлика дали е тоа во Америка, Европа, Австралија или на некое друго место.

Па, дами и господо кои седите во Собрание, и во кои веруваме дека се обидувате да направите нешто добро за обичниот граѓанин, слободно прочитајте.

Постојат млади во Република Македонија кои имаат финансиски проблеми и потешкотии во наоѓањето на својата работа која сигурно не е од соништата, но постои и друг дел од младите кои ја напуштаат Република Македонија во потрага по подобар живот.

Тој дел од младите е оној кој добро заработува, веќе обезбедил нешто за себе и одлично се снаоѓа, но главниот проблем не се парите, понекогаш проблемот е самото општество во кое живееме, луѓето и средината кои не опкружуваат.

Да објасниме, младите не сакаат да живеат во небезбедна држава, во држава во која главни се политичарите, се вложува во непостоечки или постоечки странски инвестиции кои не прават ништо добро, само ги искористуваат нашите робовски квалитети.

Кога ме прашаа зошто заминав во Америка, првото нешто беше џандарите, значи полициските службеници. Јас не сакам да живеам во држава во која џандарите се шерифи и во држава каде џандарите погрешно го имаат сфатено она “Да заштитувам, и служам”.

Да, тие им служат, и ги заштитуваат, меѓутоа не народот, туку политичарите, кои како марионети периодично се менуваат од власта.

Без сведок каде што џандар пиша човек, кој има катастрофална материјална и финансиска состојба, кој што е со малолетни деца, за кацига, среде зима.

Да им појаснам на шерифите со плави униформи, тој човек да имал пари, немало во зима да оди со моторче на работа. И да, потребна е опомена, но не ја влошувај неговата веќе очајна состојба.

За џандарите најголем успех е да фатат некој со џоинт, додека криминалци седат во фотељи и убијци шетаат на слобода.

Сакани мои, тоа не се работи така. Кога народот ќе види полицаец или џандар, тој не треба да се плаши, тој треба да се чувствува безбедно.

Во Македонија е обратно, народот се плаши од полицијата, ја одбегнува, бара начин како да ги избегне, бидејќи ако налета на нив, знае дека ќе треба да работи месец или повеќе, само за да ја плати казната.

А во Македонија, казните се повисоки од просечната плата. Но, тоа е само еден дел од Македонија кој не функционира.

Јас не сакам да живеам во држава, која има свое партизирано судство, полиција, здравство, сакам да живеам во држава во која сите ќе бидеме третирани како исто.

Не е соживот оној што го рекламирате по телевизии и прес-конференции, соживот е кога Македонци, Албанци, Срби, Роми и Божјанци и останати народи кои живеат во Македонија, ќе бидат задоволни и среќни што живеат овде.

Младите можат да се снајдат, на младите во Македонија не им требаат политичарите, на политичарите им требаат младите, но тие уште не сфаќаат. И отворено знаеме дека политичарите немаат капацитет да го сфатат ова, бидејќи пола млади, веќе ги фатија своите летови.

Во период кога Македонија доживеа револуција и кога сите се надевавме дека ќе се промени нешто, се урнаа сите надежи за подобар живот, се урнаа надежите дека младите утре ќе наоѓаат работа покрај своите квалитети, а не километрите кои ги претрчале за партијата и бројот на луѓе кои ги натерале да гласаат за нивната партија.

Додека има во Македонија партизирано судство, полиција, здравство, образование, нас другари нема да не биде. Да, си ја сакам Македонија, но не ги сакам политичарите кои ја водат, бидејќи во текот на нашата независност, ние не сме имале политичар кој знае да води држава, ние сме имале политичари кои само добро знаат да владеат со огромните граѓански маси, или сепак проблемот е во вторите?

Нема да глумам патриот, имам само еден живот кој сакам да го живеам со полна пареа, а не да ги решавам проблемите во државава кои ги создаваат луѓе во потрага по брз профит, таканареченото политичко крадење.

Епа, другари, кога ќе ја средите државата, јавете се, ќе се вратиме.

Ќи има ли вечер оро и ракија околу бадниковите огнови?

Овој Бадник без коледарски огнови, Градот Скопје  апелира до граѓаните да се воздржат од палење огнови на отворено по повод прославата на божиќните празници со цел да се заштити животната средина и амбиенталниот воздух. 

И овој викенд граѓаните кои се навикнати на маалски дружби ќе организираат бадников оган, иако без поддршка на општините и Македонската православна црква.

Апелот е усогласен со градоначалниците на сите скопски општини кои решија да се откажат од доделувањето дрва од општините за оваа намена, со цел да се спречи дополнително загадување на воздухот во град Скопје.

Отец Бобан: Не палете коледарски оган, дрвата дајте им ги на сиромашните

Не палете оган на 5 јануари, не играјте оро, не прејадувајте и не пијте алкохол. Таквиот обичај е спротивен на црковното учење, велат свештениците. Според нив коледарскиот оган е пагански обичај кој не е во контекст на вистинското празнување.

Во Евангелието се вели дека навистина пастирите стоеле покрај огнот чувајќи ги своите стада. Им се јави ангел господов којшто им ја соопшти радосната вест за раѓањето на спасителот на светот. Но седеле во мир и во тишина. А ние денес околу огновите правиме толку бука што и да ни се јават ангелите за да не израдуваат со некоја вест ние нема да ги слушнеме – вели Отецот Бобан од скопската епархија.

Отец Бобан потсетува дека целото тоа славје околу огновите се случува за време на строг пост, а ние за време на тој строг пост, преку паганскиот обичај, пуштаме музика, играме оро, се прејадуваме, пиеме алкохол.

Утредента треба да одиме во црква а никој од нас не е во црква. Затоа огновите, доколку сакаме да постојат, најдобро е да ги преместиме во самиот храм и притоа прво сите да присуствуваме на Бадник во самиот храм на вечерната богослужба, да излеземе надвор доколку се запали некаков оган и сите да заминеме дома во мир и тишина. Да нема прејадување, да нема алкохол, музики кои не се во контекст на христовото празнување. Па нели е пологично да има црковна музка, самите ние да пееме црковни песни, очекувајќи го празникот кој е поврзан со Бога и со раѓањето на спасителот – вели Отецот.

Отецот од скопската епархија запрашува зошто не направиме поголемо похумано дело давајќи ги дрвјата на сиромашните, наместо да ги трошиме за пагански обичаи.

Зошто трошиме толку дрвја на тој ден за ништо, кога можеме тие дрвја да ги дадеме на сиромашните да се згрејат во своите домови. Така правиме поголемо дело отколку што ќе играме ќе пиеме и јадеме вонконтекст на празнувањето на христијанските празници – апелира отец Бобан.

Македонската православна црква

Македонската православна црква во последните неколку години не му дава поддршка на бодниковиот оган и му даде карактер на пагански обичај. Ги повикува граѓаните да го одбележат празникот со присуство на литургија.

Црквата останува на повикот кон верниците од пред две години да го почнат процесот на конечно прекинување на оваа традиција меѓу народот која нема верски елементи на празнување. Дополнително МПЦ апелираше до своите верници на овој начин да спречат загадување на воздухот.

- Верниците од секое маало, секоја улица, секоја населба или град кои планираат да организираат коледарски оган, да не го прават тоа, туку да ги донираат дрвата. Исто така, на тој начин ќе покажеме и доволна граѓанска свест во време кога главниот град Скопје, но и другите градови се соочуваат со енормно ниво на загадување – нагласија од МПЦ.

Организаторите на бадниковите огнови

Организаторите на бадниковите огнови велат дека никој не може да го спречи нивното делување затоа што се работи за вековна традиција.

- И оваа година се организиравме. Веќе се собрани парите, купена е храната, попладне ќе почнеме со подготовките, ова што се собираме е традиција еднаш годишно и ја имаме од кога сум бил дете. Ептен ни е весело и убаво, не гледам зошто би се прекинала оваа традиција, вели Жарко од Бутел.

Додека чекала ред на Рамстор љубезно пуштила постара госпоѓа пред неа. Еве што се случило на крајот

Маалски Рамстор во Капиштец пред затворање. Една каса отворена, 20тина наредени. Тишина, нема музика… нема галама. Една девојка и вели на жената позади неа, одете пред мене имате помалку за наплата. Госпоѓата љубезно и се заблагодарува. Остануваме јас и едно момче позади девојката. Ми се врти и ми вели: Одете и вие имате само овошје и велам: Навистина нема потреба не се брзам, ви благодарам на љубезноста, но таа инсистира… одам и јас пред неа. Му се врти на момчето: Ако сакате одете и вие имате само млеко. Момчето некако посрамотен, вели: Не сепак ќе ве почекам.

Сите трогнати. Реагирам на глас: Ова е навистина чудно и едновремено пријатно чувство, не сме навикнати да си даваме предност едни на други, најчесто се случува спротивното. За момент помислив дека е скриена камера од оние психо – социолошки истражувања кога се мери пулсот и навиките на народот. Се создаде една убава атмосфера. Си заминавме сите насмеани.

Влегов во влез, а комшијата побрза да ми кидне со лифтот, иако ме виде. Толку од убавото чувство. А да, девојката, не беше скопјанка, комшијата е.

Фејсбук статус на Ивана Тасев

За кого џип, за кого мопед, злоупотреба на службени возила согласно чинот

До редакцијата на Лидер пристигна фотографија од полицаец кој вози девојка на службениот моторцикл. Трендот на злоупотреба на државни службени возила не запира.

Популарно