Имам 25 години , ме праша постар човек зошто заминав во Америка: Му реков дека…

Во Македонија постојано можеме да најдеме текстови во кои младите, неретко и постари граѓани објаснуваат зошто планираат да го напуштат ова парче земја.

Можеме да се сетиме на една изјава на Татјана Каракамишева во која таа наведе дека младите заминуваат од Македонија во потрага по љубов, а не поради финансиска нестабилност во својата матична земја.

Па, да ги резимираме работите зошто всушност младите заминуваат од Македонија, без разлика дали е тоа во Америка, Европа, Австралија или на некое друго место.

Па, дами и господо кои седите во Собрание, и во кои веруваме дека се обидувате да направите нешто добро за обичниот граѓанин, слободно прочитајте.

Постојат млади во Република Македонија кои имаат финансиски проблеми и потешкотии во наоѓањето на својата работа која сигурно не е од соништата, но постои и друг дел од младите кои ја напуштаат Република Македонија во потрага по подобар живот.

Тој дел од младите е оној кој добро заработува, веќе обезбедил нешто за себе и одлично се снаоѓа, но главниот проблем не се парите, понекогаш проблемот е самото општество во кое живееме, луѓето и средината кои не опкружуваат.

Да објасниме, младите не сакаат да живеат во небезбедна држава, во држава во која главни се политичарите, се вложува во непостоечки или постоечки странски инвестиции кои не прават ништо добро, само ги искористуваат нашите робовски квалитети.

Кога ме прашаа зошто заминав во Америка, првото нешто беше џандарите, значи полициските службеници. Јас не сакам да живеам во држава во која џандарите се шерифи и во држава каде џандарите погрешно го имаат сфатено она “Да заштитувам, и служам”.

Да, тие им служат, и ги заштитуваат, меѓутоа не народот, туку политичарите, кои како марионети периодично се менуваат од власта.

Без сведок каде што џандар пиша човек, кој има катастрофална материјална и финансиска состојба, кој што е со малолетни деца, за кацига, среде зима.

Да им појаснам на шерифите со плави униформи, тој човек да имал пари, немало во зима да оди со моторче на работа. И да, потребна е опомена, но не ја влошувај неговата веќе очајна состојба.

За џандарите најголем успех е да фатат некој со џоинт, додека криминалци седат во фотељи и убијци шетаат на слобода.

Сакани мои, тоа не се работи така. Кога народот ќе види полицаец или џандар, тој не треба да се плаши, тој треба да се чувствува безбедно.

Во Македонија е обратно, народот се плаши од полицијата, ја одбегнува, бара начин како да ги избегне, бидејќи ако налета на нив, знае дека ќе треба да работи месец или повеќе, само за да ја плати казната.

А во Македонија, казните се повисоки од просечната плата. Но, тоа е само еден дел од Македонија кој не функционира.

Јас не сакам да живеам во држава, која има свое партизирано судство, полиција, здравство, сакам да живеам во држава во која сите ќе бидеме третирани како исто.

Не е соживот оној што го рекламирате по телевизии и прес-конференции, соживот е кога Македонци, Албанци, Срби, Роми и Божјанци и останати народи кои живеат во Македонија, ќе бидат задоволни и среќни што живеат овде.

Младите можат да се снајдат, на младите во Македонија не им требаат политичарите, на политичарите им требаат младите, но тие уште не сфаќаат. И отворено знаеме дека политичарите немаат капацитет да го сфатат ова, бидејќи пола млади, веќе ги фатија своите летови.

Во период кога Македонија доживеа револуција и кога сите се надевавме дека ќе се промени нешто, се урнаа сите надежи за подобар живот, се урнаа надежите дека младите утре ќе наоѓаат работа покрај своите квалитети, а не километрите кои ги претрчале за партијата и бројот на луѓе кои ги натерале да гласаат за нивната партија.

Додека има во Македонија партизирано судство, полиција, здравство, образование, нас другари нема да не биде. Да, си ја сакам Македонија, но не ги сакам политичарите кои ја водат, бидејќи во текот на нашата независност, ние не сме имале политичар кој знае да води држава, ние сме имале политичари кои само добро знаат да владеат со огромните граѓански маси, или сепак проблемот е во вторите?

Нема да глумам патриот, имам само еден живот кој сакам да го живеам со полна пареа, а не да ги решавам проблемите во државава кои ги создаваат луѓе во потрага по брз профит, таканареченото политичко крадење.

Епа, другари, кога ќе ја средите државата, јавете се, ќе се вратиме.

(ВИДЕО) Не е патека за сељаци!

Џабе велосипедска патека, џабе ступчиња за да не се паркираат на неа, џабе сè. Му се сака нему на улица па тоа ти е. И ќе „пушта жмигавци“ и ќе се пика кај тоа колите и некој ќе го залупа и некој ќе го жали....

Во ВЕРО ЏАМБО и ВЕРО Маркетите откриен небезбеден производ од Кина

Агенцијата за храна и ветеринарство ги информира потрошувачите за отповикување на небезбеден производ „златни пластични вилушки“ произведени во Кина, со лот бр. AZ-161224. Информацијата за небезбедниот производ е добиена преку системот РАСФФ на ЕУ.

– Производот е небезбеден заради наод на високо ниво на вкупна миграција. Веднаш по добиеното известување, надлежен Државен инспектор за храна изврши вонредна инспекциска контрола кај увозникот и согласно презентираната документација за следливост констатирано е дека производот не е најден во промет. Сите потрошувачи кои што го купиле небезбедниот производ може да го вратат на местото каде што го купиле, велат од АХВ.

Скопјанка два пати измамена од ист човек: И земал пари за лек за канцер, па уште 1 000 евра за да и ја регулира …

Скопјанка пријавила во полиција дека била измамена од сограѓанин кој ѝ продал лек за рак за кој се сомнева дека е со сомнително потекло. Исто така, тој ја убедил да му даде пари за да ѝ го реши статусот со пензијата.

Според информациите на МВР, вчера во 9:45 часот во полициската станица Карпош, В.Г.(58) од Скопје пријавила дека во мај минатата година во два наврати била измамена од лицето К.Ј. од Скопје, при што била оштетена за сума од 86 000 денари.

Првата измама ја сторил за набавка на лек за лекување канцер. К.Ј. од пријавителката побарал и зел 400 евра за лекот. Тој го набавил лекот, но пријавителката се сомнева дека лекот бил со сомнително потекло. По тоа, К.Ј. во разговор со оштетената дознал дека не ѝ решен статусот за пензија и ја убедил да му даде 1 000 евра за да може во најкраток рок да ѝ го реши проблемот.

Од тогаш па до денес пријавителката неколку пати стапила во контакт со К.Ј. и тој ѝ кажал дека требало да помине одреден временски период за целосно завршување на работата и други разни изговори дека бил многу зафатен, по што заклучила дека е измамена.

Популарно