(ФОТО) Поп-пејачката Симона Попоска се омажи во уникатна венчаница: Два месеца ги везевме украсите и деталите од мониста и бисери

Шест месеци се договарала, а три месеци во модното студио на Златко Јовановски рачно се везела уникатната венчаница на поп-пејачката Симона Попоска, која изминатиот викенд направи свадба со својот избраник, бизнисменот Крис Сињори во Струга. Двојката склучи граѓански брак минатата година во септември, а сега направија само прослава во ресторан. Еден од сведоците, односно старосват на пејачката и беше мејкап-артистот Бобан Тодоровски кој, пак, бил задолжен и за нејзиниот изглед.

- Да се дизајнира за Симона беше голем предизвик затоа што ние многу пати сме соработувале заедно за низа големи проекти, настапи и фотосесии, па од една страна е полесно бидејќи кога дизајнирате за некој кој го познавате лично и приватно е полесно, но од друга страна беше за мене и притисок бидејќи сега од мене односно од нас се очекуваше најмногу! Но сега кога ги гледам сликите, ја постигнавме целта, раскажува Јовановски, кој е препознатлив по сексапилните и луксузни венчаници во земјава и регионот

Признава дека идејата да бидат два фустана во еден била на Симона и морал да ја испочитува како таква - што и му се допаднало. Деталите, украсите, сјајот, раскошот биле оставени на него.

- Колку време?! Мххм - Многу! Искрено, ние зборуваме уште пред Нова година околу венчаницата, но официјално почнавме да ја изработуваме пред три месеци. Тогаш и стигнаа специјално нарачаните материјали од странство. Фустаните како крој би излажал ако кажам дека долго ги правевме, но од друга страна, пак, оставивме околу два месеца за везењето на украсите и деталите. Морам да додадам дека сите тантели беа рачно аплицирани, ниту еден орнамент на венчаницата не е случајно таму - вели Златко.

Како основа користеле мат сатен со текстура, што и бил единствен материјал кој е сошиен на машина, сѐ другото било рачно везено.

- Јас и мојот тим мислевме дека нема да има крај рачната работа бидејќи широката венчаница имаше шлеп долг 3,5 м, на неа беа везени краевите во кордонска бурдура, а на задниот дел два вида тантела со провидни мониста. На фустанот сирена крој, пак, беа везени тантели со стаклени мониста и шлепот беше во форма на детелина. На него имаше 12 м бурдура која рачно ја полневме со 4 вида мониста. Од професионален агол, вкупно искористивме 6 метри еден вид  тантела, 3 метри друга тантела. 11 метри тантела без флорални орнаменти, 4 метри висока бурдура со стакла, 12 м бурдура која ние ја полневме со мониста и бисери и 14 м тантела од свилен конец за велот. Дури зад и копчињата беа природни бисери. И уште многу помошни материјали за комплетирање на моделот -објаснува Јовановски.

Вели дека било задоволство да се соработува со една дама со стил и притоа згодна и убава.

- Каква венчаница да облечеше ќе беше прекрасна, но затоа што Симона носеше ЈЗЈ - блескаше. Како гостин на свадбата тврдам дека беше прекрасна ноќ што ќе се памети, а на младите им посакувам сѐ што сакаат да им се исполни. Цената? Ајде не е фер да ја рушиме оваа магија со бројки и цифри. Најбитно е дека изгледаше како милион долари - вели дизајнерот Златко.

Лејла Сабит

ВИДЕО: Сека Алексиќ се потсети на починатиот татко и се расплака пред камерите

Пејачката Сека Алексиќ беше гостинка во емисијата „Магазин ин“ каде што заедно со гостите зборуваше за најразлични теми.

При крајот на емисијата, кога водителката праша кој им недостига за време на овие празници, на кого би сакале да им го честитаат, а таа личност  не е тука, Сека се потсети на нејзиниот татко.

Непријатната случка се случила на Бадник, а таа вели дека пречувствувала.

„Мојот татко почина на Бадник, а јас како да знаев. Се роди Јаков, а татко ми беше болен неколку месеци, не можеше да патува. Јаков беше мало бебе, невакциниран и јас како мајка гледав да го зашитатам додека не се вакцинира. Кога почувствував дека татко ми ќе умре, го донесовме дома и го виде Јаков“ низ солзи изјави Алексиќ.

ФОТО: Слаткар и Сања им приредија изненадување на пријателите

За време на новогодишните празници, луѓето се трудат да ги изненадат своите најблиски и пријатели со интересни подараоци. Неважно дали се скапи, важен е секако гестот.

Марко Слаткаристика и неговата сопруга, Сања Николиќ се одлучиле да им приредат изненадување на своите соседи, па пред врата им оставиле пакетчиња.

Фотографијата од изненадувањето Слаткар ја сподели на социјалните мрежи.

ВИДЕО: Легендара Андруш уште еднаш ги воодушеви сите

Андруш Ангелковски кој се прослави преку видеото во кое ја пее песната „Оди ѕвездо“ од Наум Петрески, во многу наврати досега знае да ни ги стопли душите, да не насмее, да не мотивира и да покаже дека преку песна можеме да пренесеме љубов и се што сакаме. ТНего македонските песни му лежат најмногу, но знае да запее и многу песни од соседството. Сепак, оваа песна е она кое може навистина да ве расположи во еден ваков ден, а тоа е песната „Облаче ле бело“.

Инаку, Андруш имаше изјавено дека тој и Наум се големи пријатели и дека истиот го чувствува како брат.

„Навистина сме блиски и на секое мое враќање дома го посетувам“, откри камионџијата, кој во неколку наврати до сега има потенцирано дека повеќе милува кога го ословуваат со доктор.

За да не ви раскажуваме, а за да слушнете како звучи и како изгледа кога легендата Андруш ја пее песната Облаче ле бело, кликнете на видеото и уживајте во неговата изведба.

Популарно