ЗА ДОБРО УТРО: НЕКОЈ СО БАГЕРИ – НЕКОЈ СО МУЗИКА И УТРИНСКО КАФЕ (ФОТО + ВИДЕО)

Персоналот на култното скопско кафуле Бастион, реши наместо зад шанкот, да биде во и пред бараките на Општина Центар! Тие под мотото:  Некој со багери – а некој со музика утрово за вработените во Општината, Кабинетот на Градоначалникот и граѓаните на најцентарската Општина приредија вистинско утринско уживање. Делеа тазе кафе со подарок цд кое соддржи сет од најдобрата музика која ја сакаат Центарци и посетителите на Бастион. На оправдано отсутните (меѓу кои и Градоначалникот и дел од Советниците) подароците им беа оставени на Пријавницата на Општината. Кафе Бастион најавува уште многу други активности со кои ќе се обиде да им укаже на општинските власти дека Центар заслужува урбан лик. Како еден од најпрепознатливите скопски брендови Бастион под мотото Општина центар – Бастион на добрата забава, наскоро ќе достави и неколкугодишна програма за развој на позната улица Аминта Трети (екс Ленинова) која е најпосетувана центарска улица од многубројните туристи во градот...

Тимот на Бастион искрено се надева дека сите доставени предлози кои се во функција на туристички и угостителски развој, општинските власти сериозно ќе ги разгледаат и ќе одговорат на истите...

Град Скопје исплаќа 60.000-180.000 денари, ако ве нападне улично куче

Секојдневно полициските билтени се полнат со вести за скопјани и скопјанки нападнати од кучиња скитници, но ваков проблем нема само во Скопје, туку и во сите градови низ Македонија.

Последниот случај е завчера на Плоштадот Македонија. Во 16,00 часот во Полициската станица Центар, 81-годишниот В.В. од Скопје, пријавил дека истиот ден околу 13,00 часот на Плоштад Македонија, возејќи се на велосипед бил каснат од куче-скитник во пределот на левата нога.

Во случај да ве касне улично куче, може да барате оштета од Град Скопје и „Комунална хигиена“. 

Како што пишува „Независен весник“, висината на отштетата е од 60.000 и 180.000 денари, во зависност од возраста, степенот на повредите, последиците.

ФОТО: Погледнете како Петре Шилегов пристигна на работа

На социјалните мрежи и медиумите циркулира слика, каде што градоначалникот на град Скопје, Петре Шилегов со електричен тротинет доаѓа на работа.

Додека јавноста реагираше за загадувањето и колку јавните функционери се возат со градски превоз, тогаш скопскиот градоначалник тврдеше дека на работи оди со електричен автомобил, а овој пат тој се појави со електричен тротинет.

Потресно сведоштво: Алфите тeпaлe девојка пред градинка во Дебар Маало за непрописно паркирање!

Девојка од Скопје со свој Фејсбук статус упати порака до министерот за внатрешни работи Оливер Спасовски, градоначалникот на Скопје Петре Шилегов и градоначалникот на Центар Саша Богдановиќ да размислат дали нешто треба да се смени, по нејзината објава каде раскажува како денеска ја тeпaл припадник на единицата алфи за непрописно паркирано возило пред градинка во Дебар Маало. Имено девојката во својот статус пишува дека возилото на нејзинот брат со трепкачи било паркирано пред градинката како што пишуваа таа само две минути се со цел, господинот да си го остави детето во образовната установа и да се врати назад. Но го затекнала несакана глетка, возилото било кренато од пајак службата која немала разбирање за човекот при што барале да се плати 1500 денари, а поради инсистирањето возилото да не се одземе пајак службата повикала Алфи. Братот како што пишува таа го повикал татка си за да му го донесе износот да плати, а со него пристигнала и девојката која се обидела да ги разубеди да го спуштат возилото, па била физички нaпaднaтa, целата ситуација била набљудувана и од страна на полициски службеници кои како што пишува девојката не реагирале воопшто.

Интегрален текст:

Пајак на Град Скопје крева возило на трепкачи пред градинка во д.маало, кое стои помалку од 2 минути. Доаѓа пајак и се спрема да го крене. Брат ми се враќа и им кажува дека оставал дете во градинка, а нема ниедно слободно паркинг место, морал да застане пред градинка 2 минути. Секојдневно деца се оставаат и земаат на ист принцип-пошо нема обезбеден простор за таа намена.. али има иљада кафичи и зграда у зграда плански изградени… Пајак момците продолжуваат да ставаат канџи и да го креваат возилото. Брат ми се јавува дома да донесеме 1500, пошо му бараат толку да ја спуштат колата. Доаѓаме јас и татко ми. Продолжуваме сите пред пајак возилото да се расправаме и објаснуваме… спомнуваме дека вака ревносни не се во чаир нит према тие со големи коли паркирани пред кафичи… полицијата стои со раце в џеб и гледа, а пајак вработените немаат слух за нашето објаснување. Повикуваат алфи (подоцна разбрав дека се алфи…којзнае колкава опасност сме за општеството…алфи еееј алфи дојдоа!!!) да се справат со едно девојче, пензионер и дечко без мускули.. тотално нeнacилни… алфите не зaтeпaa, присилно не исповлечкаа да не тргнат.. да не стои пајакот, да може да го однесе возилото и да се врати по уште.. полициjaта продолжи да стои со раце во џеб.. пошо не се они сервис на граѓаните, па да се замешаат.. уште и едниот џандap ни рече како денот му е супер.. и покрај тоа што јас уплакана му кажував дека треба да се има разбирање за одредени животни судбини и ситуации. Ама него денот му бил супер, толку многу супер што нема време ни да заштити граѓани, нит па да проба да размисли за тоа што му го кажувам.

И така иcпoтeпaни, си ја земавме колата од пајак служба и си плативме.

Вака делува како да е ова Швајцарија, нема нигде пикавец, а за непрописно паркирани ич да не зборуваме. Пее сообраќајот во земјава.

Претходните беа нacилни во бoмбитe шо ги слушав.. а овие на своја кожа ги осетив. Додека пишувам, уште ми жежи грбов, и ги осеќам тупаниците на алфа мажот што сигурно е горд на себе, посебно денес, што успешно се избори со девојче од 52 кила!

Oliver Spasovski Петре Шилегов Саша Богдановиќ еве, ве тагнав.. ако имате време и не ви е супер денот ко на полицaeцот, прочитајте шо се дешава док се топлите у фотељите и размислете дал нешто треба да се смени!

Популарно