Демант од Влада: Финансираме лубриканти, бидејќи тие ја намалуваат можноста кондомот да се скине

Засе.мк денеска објави дека владата распишала тендер за набавка на лубриканти за ЛГБТ здруженијата, а како извор на статија го наведовме Лидер.ком.мк. До нас пред малку стигна демант од владата на Република Македонија, кој во целост ви го пренесуваме.

Платформата за одржливост на сервисите за превенција и поддршка во врска со ХИВ најстрого ја осудува објавата со наслов „Бизарно: Владата финансира набавка на лубриканти – распишан тендер!“ во електронскиот медиум lider.com.mk (управител и раководител Љупче Златев), објавена и на други портали, која изобилува со невистини, како и тенденциозни, партиско-политички мотивирани и стигматизирачки наводи.

Медиумот ја дезинформира јавноста со тврдењето дека „лубрикантите немаат никаква врска со заштита од ХИВ вирусот“. Напротив, лубрикантите претставуваат основно средство за превенција и од нив зависи ефективноста на кондомите, бидејќи тие ја намалуваат можноста кондомот да се скине. Светската здравствена организација препорачува дека кондомите како средство за превенција ЗАДОЛЖИТЕЛНО треба да се промовираат и направат достапни заедно со лубриканти, со цел успешна превенција на ХИВ за клучните популации засегнати од овој вирус.

Ја информираме јавноста дека во Република Македонија, лубрикантите се дел од основниот пакет за превенција, во согласност со светските стандарди пропишани од Програмата за СИДА на Обединетите нации (УНАИДС) уште од 2005 година. Во таа насока лубриканти се набавуваат во континуитет од страна на Министерството за здравство повеќе од 12 години наназад и се дел од сите национални стратегии за ХИВ на Република Македонија.

Во објавата грубо се менуваат факти, со тоа што за пакувања со количество од 3 до 5 мл (кои служат за еднократна употреба) се тврди дека се шишиња, и покрај тоа што медиумот се повикува на самата тендерска документација во која прашањето е прецизно специфицирано.

Неточно е и тврдењето дека оваа година е евидентирано енормно зголемување на трошењето за оваа програма, која лани се финансирала со 11 милиони денари. Имено, во последните 5 години трошењето во рамките на Програмата за ХИВ на годишно ниво се движело од 116 милиони денари во 2014 година до 150 милиони денари во 2016 година, додека мината година изнесувало 65,4 милиони денари.

Во објавата се користи партиско-политички мотивиран и стигматизирачки јазик. На пр. „Набавувач е ова здружение кое е непознато на пошироката јавност, а со парите кои ги има добиено од Владата ќе ги “подмачкува“ хомосексуалците и лезбејките од Скопје“. Здружението ЕГАЛ е долгогодишен имплементатор на програми за ХИВ уште од 2008 година, како дел од националната стратегија и програма. Во таа смисла зачудени сме што еден современ електронски медиум како lider.com.mk, кој е близок на ЛГБТ заедницата, не е запознаен со основните, универзални и докажани алатки за превенција на преносот на ХИВ по сексуален пат и си дозволува за истите да дезинформира и да придонесе за стигматизација на ЛГБТ заедницата. Дополнително, стигматизација се врши и на граѓанскиот сектор кој повеќе од една деценија спроведува теренски програми за тешко-достапни популации.

Истакнуваме дека програмите за превенција на ХИВ кај клучните засегнати популации се во континуитет поддржани од сите влади од 2004 г. до денес, преку Министерството за здравство. Во периодот од 2005-2017 г. тие беа кофинансирани од Глобалниот фонд за борба против СИДА, туберкулоза и маларија, а почнувајќи од 2018 година се целосно финансирани од националниот буџет во согласност со преземените обврски на државата. Од минатата година Република Македонија е препознаена од Светската здравствена организација и други релевантни чинители како земја пример во регионот и пошироко за успешно одржување на програмите за превенција од ХИВ и партнерство помеѓу институциите и граѓанскиот сектор.

Предупредуваме дека неодговорното и тенденциозно известување за ова социјално и јавно-здравствено прашање сериозно и наштетува на превенцијата на ХИВ кај сите граѓани, а особено ранливите групи.

Граѓанската платформа за ХИВ бара од електронскиот медиум lider.com.mk веднаш да ја отстрани во целост заведувачката содржина и да го објави нашиот демант. Во спротивно ќе ги употребиме сите законски механизми што ни стојат на располагање за санкционирање на ваквото дезинформирање на јавноста и наштетување на програмите од јавен интерес.

ДИМИТРОВ: Не треба да се плашимe од тоа дека сме помлади од други балкански нации

Министерот за надворешни работи, Никола Димитров во вечерашното гостување на Канал 5 изјави дека за Гоце Делчев читал многу записи деновиве, во пресрет на посетата на Бугарија и тврди дека делото на Гоце Делчев може да биде мостот кој ќе ги поврзе Македонија и Бугарија.

Димитров додава дека не треба да се плашиme од тоа дека сме помлади од други балкански нации, но и дека достоинството е црвената линија.

Сепак, што ќе пишува во учебниците за ликот и делото на Гоце Делчев вели дека за тоа ќе одлучат комисиите кои разговараат.

Борисов: Гоце Делчев е бугарски Че Гевара

Премиерот на Бугарија Бојко Борисов во Пловдив зборувајќи на економскиот форум го спореди Гоце Делчев со Ернесто Че Гевара.

Борисов рече дека Делчев е цел на коментари, што како што рече, било жално.

– Затоа што тој е еден бугарски херој, кој сакал, кој се жртвувал, кој вложил се што има за слободата на Македонија. На истиот начин, еден Че Гевара, кој по националност е Аргентинец отишол да војува за слободата на Куба, рече Борисов.

Бугарскиот премиер, изрази надеж дека со колегите, како што рече, од С. Македонија во Комисија за историјата, најбрзо што може, ќе се усвојат неопходните заклучоци, за да можело да се почитува Договорот за добрососедство и да продолжеле да ја поддржуваат Македонија за членството не само во НАТО, туку и во ЕУ

Инфомакс: Албанскиот јазик станува зaдoлжитeлен за СИТЕ основци во трето одделение

Дали албанскиот јазик станува задoлжителен за основците, ова е прашањето кое редакцијата на „Инфомакс“ му го поставило на заменик министерот за образование во ocтавка, Петар Атанасов, откако на социјалните мрежи се појави шпeкyлација дека од трето одделение, основците зaдoлжитeлно ќе го изучуваат во училиштата албанскиот јазик без разлика на нивната етничка припадност.

-На социјалните мрежи се појавија шпeкyлации дека ќе има измени на Законот за основно образование, а со измените албанскиот јазик станува задолжителен за сите ученици од 3 оделение. Ова прашање е упатено кон вас со оглед на тоа што коментарите велат дека ова е една од причините поради кои вие поднесовте ocтавка. Однапред Ви благодарам, гласело прашањето кое било упатено до Атанасов.

Заменик министерот во ocставка, ја посочи токму изработката на Законот за основно образование во која како што вели, тој не учестувал, како една од причините за ocтавката. Дополнително споменувајќи многу нejaсни решенија, меѓу кои и тоа дали основците зaдoлжитeлно ќе го изучуваат албанскиот јазик, без разлика на нивната етничка припадност, пренесува Инфомакс.

-Јас сум во ocтавка поради неколку причини, но и затоа што нe бeв дел од процесите за изработка на Законот за основно образование. Позната ми е работната верзија на законот во која има многу нejaсни решенија. Ова што го спомнувате е дел од тие нejaсни решенија. Одговор за тоа што се нуди како peшение може да дадат само министерот и неговите советници кои работеа на овој предлог на закон, одговорил тој.

Од анализата која ја направи Инфомакс на нацрт Законот за основно образование која е објавена на датум 05.06.2019 година, индикaтивен е Членот 6 во кој се наведува:

-Pазвивање на писменоста и способностите на учениците за разбирање, информирање и изразување, покрај на македонски јазик и неговото кирилско писмо, и на јазик и писмо на припадниците на заедниците кои зборуваат јазик различен од македонскиот јазик.

Во моментов со министерството за образование и наука раководи, Арбр Адеми кадар на ДУИ.

Популарно