Тој ден требаше да се венчаат, а таа ја облече венчаницата и отиде на гробишта

Трогателна и помалку морбидна приказна пристигна овие денови од САД.

Џесика Паџет отишла на гробот на својот вереник Џејмс Марфи во венчаница и со „сватови“ на денот кога требало да се венчаат и клечејќи на неговиот гроб му одаде почест.

Нејзиниот вереник, инаку пожарникар, загина минатата година во сообраќајна несреќа која ја направил неговиот колега пожарникар кога тргнувале на интервенција.

Возачот кој бил  пијан се забил во три паркирани автомобили. Џејмс загинал, додека неговиот колега останал неповреден. Џесика собрала сили и на 29 септември ја одржала церемонијата на „венчавање“ заедно со потесното семејство.

Го зела противпожарната облека на Џејмс, а кумата и неговиот кум одржале говор.

Потоа запалиле лампиони и ги пуштиле во небо над гробот на Џејмс.

Фотографиите од „венчавката“ брзо се проширија на социјалните мрежи.

Едно лице го загуби животот во сообраќајната несреќа на патот Кичево-Охрид

Попладнево се случи  сообраќајна несреќа на магистралниот пат Кичево-Охрид, при што  едно лице загина, а има и повредени лица.

Околу  14 часот на магистралниот пат Кичево-Охрид во близина на селото Добреноец се случи тешка сообраќајна незгода во која учествувале две возила со кичевски ознаки, едното е „фолваген пасат”, а другото е „сузуки марути”. Во сообраќајката едно лице го загуби животот, а има и повредени. Во моментов се врши увид предводен од јавен обвинител и полициски екипи. Има застој во сообраќајот во двата правци и се прави напор сообраќајот да се пушти барем во еден правец“, изјави портпаролот на СВР – Охрид, Стефан Димоски.

Хрватска бара работници

Македонците, млади и повозрасни не го губат интересот за работа во странство, особено за сезонска од неколку месеци во земјите од регионот и во Европа. Според агенцијата „Коузон“ најатрактивна е Хрватска  во овој период на летна сезонска работа во угостителството.

Како што објаснува менаџерот во Агенцијата, Ирена Петреска, Хрватска е атрактивна поради поволните услови и платата што ја нудат рботодавците.

– Поволната плата почнувајќи од 600 се до над 1000 евра за работа во угостителството ја прави Хрватска атрактивна овој период за сезонска работа за младите и повозрасните Македонци. Хрватските работодавци според договорот, нудат работа за сите кои не се од земјите во ЕУ, меѓу кои е и Македонија. Тие нудат и работни дозволи, бесплатно сместување и храна, солидни плати и комплетни услови, особено со платен превоз назад за ангажираните работници. Лани се одеше во Бугарија, но годинава, дефинитивно е атрактивна Хрватска за сезонска работа од три и повеќе месеци, објаснува Петреска.

За работа се бараат и многу искусни и работници со занимање, атрактивни за оние на возраст од преку 30 години.

– Не ретко за работа во хотелиерството и во угостителството овој период во Хрватска се бараат оние со над 30 години возраст, па се до 50-ина години, кои се сметаат за искусни, луѓе со занимање и стабилност, вели Петреска.

За студентите овој период за работа во странство остануват Германија, Малта и европските земји. Се уште не стивнува интересот за работа на брод, но работодавците сега имаат повисоки критериуми. Ексклузивно е што во последно време се бараат пожарникари.

– За работа на брод се подигнати критериумите на работодавците и тоа е препорака за младите да имаат одредени познавања, занимања, искуство, и многу е битно, домашно воспитување и кредибилитет. Необично е што во псоледно време се бараат пожарникари на прекуокеанските бродови кои, додека се обновува бродот, се грижат за заштита од пожари и други опасности. Тие работат интензивно 20-ина дена, па се враќаат и повторно се ангажираат по потреба. Тоа е добредојдено за сите да се зголеми домашниот буџет, смета Петреска. 

ФОТО: На матура отидоа со маички имитација на кошула и вратоврска, а парите ги донираа

Наместо скапа облека, матурантите од Сообраќајното и електро училиштето, ученици на III-3 смер електроничари и електричари одлучиле вечерва на матурската забава да облечат црни маички со имитација на кошула и вратоврска, а парите со кои требало да купат костуми да ги донираат во хуманитарни цели.

18 момчиња денеска го завршија своето средно образование. Идејата е на Тарик медиќ, а ја прифатиле неговите колеги со ки поминал три години во училишните клупи.

- Парите од нашата облека некому му се многу попотребни отколку нам и тогаш на класот им предложив да ги донираме парите, а тие се согласија и донацијата беше исплатена на Вања Манијловиќ. Успешно собравме 750 конвертибилни марки и драго ми е дека успеавме, изјави Медиќ и додаде дека Вања се лекува од леукемија и е мајка на малолетно девојче.

Сакавме парите да му ги дадеме на некој од Добој, и за среќа немаше болни деца, вели Тарик.

Даниел Поповиќ рече дека сите 18 другари се сложиле вечерва да не облечат костуми туку маички, а реакциите на нивните врсници кои се дотерале за овој ден беа позитивни.

- Беа многу зачудени, но и среќни бидејќи во нашиот град сеуште постојат хумани деца, хумани ученици и горди се на нас што имаат вакви другари, кои направија еден хуман гест, раскажува Поповиќ и со гордост додава дека тие се први во Добој кои одлучиле да се разликуваат од останатите матуранти.

Да се жртвува костумот за маичка со имитација на кошула и вратоврска не беше тешко, искрен е Лука Цвијановиќ, кој заедно со другарите госро позираше пред средношколскиот центар.

- Најдов на интернет шаблон и им предложив на другарите тоа да го отпечатиме на маичките, вели Цвијановиќ.

Класниот раководител Жељко Тодоровиќ облекол костум и се присети како беше некогаш да се биде матурант.

- Ние воопшто немавме матурска вечер тогаш, тоа беше во 1973 година. Ние сме првата генерација кој излезе од ова училиште, матурската прослава се воведе подоцна. Во наше време немаше ниту матурска екскурзија, се сеќава Тодоровиќ.

Популарно