Градоначалникот на Кавадарци се закани

Актуелниот Градоначалник на Кавадарци-Митко Јанчев пред да влезе во белиот дворец каде се гласаше на ИК и ЦК за тоа дали партијата ќе оди на избори или ќе гласа за амандманите во собрание даде интересна изјава.

„Кој можемене да ме исклучи од ВМРО ДПМНЕ, па тоа е мојот втор дом, баш сакам да го видам тој што мене ќе ме исклучи од мојата партија, тоа е како некој да ви дојде дома и да ве измава од вашата куќа“, изјави Јанчев.

Инаку градоначалникот на Општина Кавадарци и успешен бизнисмен веќе извесен период делува надвор од насоките на својата партија. Пример за тоа е и референдумот пред кој јасно и гласно порача дека ќе излезе на истиот и ќе гласа За.

Сведочење на убиецот на Саздо: Не сакав да го убијам, само да видам зошто ме гледа така!

Судењето за убиството на Никола Саздовски продолжи по паузата по барањето на адвокатот на обвинетиот Бесир Беља, Насер Рауфи, кој побара прво да се изврши реконструкција на настанот, а потоа да се врши вкрстено испитување на обвинетите, што беше одбиено од Судечкиот совет.

Прв сведочеше Беља, кој диреткно беше испитан од адвокатот, кој побара обвинетиот да каже дали кога давал исказ во ЈО бил испрашуван во врска со кривично дело убиство или насилство.

-Ме испрашуваа за насилство, односно за кривично дело насилство кое го признав, и за кое сакав да се спогодам со обвинителствотото, рече Беља.

Тој објасни дека критичниот ден околу 3.30 часот ги повикал Јетон и Скендер да одат на кафе или на јадење, па кога се собрале влегле во автомобилот, но не одлучиле каде да одат.

– Носев шорцеви црни или тегет, црна мајца и папучи бидеќи беше жешко. Јетон носеше фармерки и некоја сина мајца, а на нозете не се сеќавам ,а Скендер не се сеќавам како беше облечен. Потоа движејќи се кон автобуската станица ми се причини дека ја видов братучетка ми, па откако ја одминавме станицата застанав со автомобилот. Излегол од возилото и пеш се вратив кон станицата, но видов дека не беше братучетка ми и кога тргнав кон автомобилот го видов Саздовски како ме гледаше провокативно и почуствував како да сакаше да ми направи нешто. Јас му пријдов и му реков „кој си ти што ме гледаш“? Ме опцу и јас го опцув. Почна расправија и го видов Јетон како излегува од автомобилот и тргна кон нас со намера да не раздвои. После дојде и Скендер со истата причина и двајцата влегоа меѓу нас во расправијата. Во турканицата дојдоа и луѓе кои беа наоколу за да не смират и после тргнавме кон автомобилот за да си одиме- рече Беља.

На прашање на адвокатот Рауфи дали некој го удрил Саздовски, обвинетиот рече дека на почетокот имало удари и од него и од Саздовски.

-Кога се тепавме и кога се доближуваа Јетон и Скендер, Саздовски почна да се повлекува и тогаш падна. На местото видов дрво и лисја наоколу, кутија не забележав. Видов дека му се заплеткаа нозете и падна на задниот дел на главата. Откако падна се доближија други луѓе, не пцуеја, а ние заминавме кон возилото. Не забележав дали Саздовски е свесен или не, рече обвинетиот.

Беља рече дека веднаш си заминале, но и дека не забалежал дека некој од нив со нога го газел Саздовски.Кажа дека не му побарале лична карта, но кога му се доближил видел дека држи лична карта во раката.

-Немав намера да го убијам, многу ми е жал за сето ова. Јас само се доближив до него да видам зошто ме гледа така. Не го познавав по лик, го знаев само по име и презиме бидејќи ме има опцуено на Фејсбук. Јас не сум член на „Шверцери“ туку симпатизер. Помеѓу мене и други навивачки групи имало таква случка,тепачка кога ми се пуштија да ме тепаат.

На прашањето на адвокатот на Демири, Беља потврди дека со Скендер и Јетон биле другари од деца и дека секојдневно оделе на кафе.

-Скендер седеше на задното седиште, а Јетон напред. Автомобилот е марка „мерцедес С“ сива боја, јас го возев, а е сопственост на мојот вујко, кој му го даде на татко ми за семејни потреби и порано го користевме. Скендер и Јетон дојдоа да не раздвојат и не видов дека некој од нив го удри Саздовски, рече Беља.

Каменос: Заев го прекрши „Преспанскиот договор“

Лидерот на Независни Грци (АНЕЛ), Панос Каменос е во право кога тврди дека договор меѓу Македонија и Грција за името не може да има без потписот на претседателот Ѓорге Иванов на Преспанскиот договор, вели за Пресинг ТВ, д-р Јован Донев, член на Советот за национална безбедност на Република Македонија.

-Без указот на претседателот Иванов договорот не може да има правно дејство. Токму за тоа зборува Каменос, а верувам дека за ова добро се брифирани и грчките пратеници. Ова добро го знаат и во Европската комисија, но, сепак, најмногу штета од ваквата состојба име и ќе има Република Македонија. За жал состојбата е таква и не знам зошто Владата не собра сили за да го надмине овој проблем. Сепак, да почекаме и да видиме како ќе се гласа во грчкиот парламент и што потоа ќе следува – вели Донев.

Лидерот на „Независни Грци“ пред најавеното гласање на Договорот од Преспа го повтори својот став дека доколку тој не биде потпишан од претседателите на двете земји договор не може да има.

Според Каменос, доколку претседателот на Грција Павлопулос го потпише Преспанскиот договор кој не е потпишан од претседателот на другата страна ќе учествува во уставно прекршување.

„Премиерот Заев веќе го прекршил договорот, кој во секој случај не може да влезе во сила бидејќи нема потпис на претседателот на БЈРМ … кога претседателот на друга земја не се согласува, не може да се потпише договор“ – вели Каменос, пренесе вчера Катимерини.

Без потписот на Иванов практично Преспанскиот договор е на климави нозе и тој може да биде сериозно нападнат и на домашен терен, доколку на некои наредни избори убедливо победи некоја друга политичка опција. А, тој Договор може сериозно да биде предизвикан и во Грција.

-Мислам дека е повеќе од сигурно дека лидерот на Нова демократија, Киријакос Мицотакис, ќе стави сериозни блокади. И под претпоставка дека во почеток нема да тргне да го урива Препспанскиот договор, тој најнапред ќе постави блокада на некое од поглавјата кое евентуално би го отворила Македонија со ЕУ – смета Донев.

Поскапеа горивата - ова се новите цени!

Регулаторна комисија за енергетика ја донесе одлуката за нови цени на бензините.

Со денешната одлука на Регултароната комисија за енергитка, малопродажните цени на нафтените деривати согласно Методологијата за формирање на цените, се зголемуваат во просек за 7,41%. Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 2,50 ден/лит, во однос на цените утврдени со Одлуката од 08.01.2019 година и со тоа малопродажната цена на ЕУРОСУПЕР БС-95 изнесува 61,00 ден/лит, додека малопродажната цена на ЕУРОСУПЕР БС-98 изнесува 63,00 ден/лит.

Малопродажните цени на дизелот ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 3,50 ден/лит, односно за 4,00 ден/лит, во однос на цените утврдени со Одлуката од 08.01.2019 година и со тоа малопродажната цена на дизелот ЕУРОДИЗЕЛ (Д-Е V) изнесува 58,50 ден/лит, додека малопродажната цена на Екстра лесното масло за домаќинство (ЕЛ-1) изнесува 47,50 ден/лит. Малопродажната цена на мазутот М-1 НС се зголемува за 3,573 ден/кг во однос на цената утврдена со Одлуката од 08.01.2019 година и со тоа цената на мазутот М-1 НС изнесува 29,522 ден/кг.

Популарно