Големиот хит на Тоше „Соба за тага“ во себе крие тажна приказна

Денеска се навршуваат 11 години од смртта на Тоше Проески.

Еден од најголемите хитови на нашиот Тоше Проевски е музичката нумера насловена „Соба за тага“. До сега, оваа музичка нумера не ја следеше никаква историја зад нејзиното смислување, но во последно време полека се откриваат вистинските легенди околу текстот на оваа песна.

На кратко, пред се би ве потсетиле на рефренот од истиоимениот текст, а потоа ќе ви ја откриеме и целата вистина на авторот кој стои зад трагичните зборови.

„Помеѓу врати и прозорци

на кревет спомени лежат

тука се моите чекори

но како олово тежат

Моја си замка паднав и спијам

сите си мислат дека се кријам

нема да пројде само од себе

се ме боли после тебе !“

Се зборува, дека оваа песна ја напишал маж и тоа за време на одлежувањето на неговата казна за убиство на љубовникот на нејзината сопруга.

Стиховите стигнале до менаџерката на Проевски, која внимателно ги проследила и заклучила дека ќе бидат хит.

Кружат гласини и дека затвореникот – текстописец, воопшто не барал никаков паричен надоместок за направеното ремек дело. Единствено, сакал да стои посвета во оригиналниот албум, што и навистина се случило

Но, секогаш постојат два правци, две приказни, две вистини, две легенди. Втората приказна е сепак малку поблага помалку драматична. Таа објаснува дека сепак станува збор за затвореник, но тој не одлежувал казна за убство, туку за кражба на банка. А песната била напишана за неговата девојка.

На што ќе верувате вие тоа останува на вас самите.

Кери Андервуд: "После три спонтани абортуси потфрлив психички"

Кантри пејачката Кери Андервуд во последните две години имала дури три спонтани абортуси. Ова го призна во интервју за BBC, напоменувајќи дека се плашела дека ќе доживее и четврт. Тогаш вели дека психички потфрлила и била многу лута за тоа што го поминува во животот.

"Плачев и се прашував зошто останувам бремена ако не можам да имам дете. Му се налутив на Бога и му реков нека ми даде дете или нека ја затвори вратата. Тоа беше прв пат кога искрено зборував со Бога и му кажав што мислам и како се чувствувам. Тоа беше во сабота, а во понеделник отидов на доктор очекувајќи дека повторно ќе ми каже дека имам абортус. Но, во болница ми рекоа дека се е добро", рекла 35 годишната пејачка која со сопругот Мајк Фишер го очекуваат вториот син.

Покрај немилите настани кои ѝ се случиле, пејачката била и во центарот на вниманието на медиумите поради критики од јавноста кои не можела да ги разбере, имено сите коментирале за тоа дека пејачката е премногу стара за на 35 години да роди уште едно дете по природен пат.

Кери токму поради тоа размислувала да посвои дете. Многумина ја пофалија нејзината намера на некое дете да му пружи топол дом, меѓутоа имаше и такви кои ја критикувале поради тоа.

Кери во август соопшти дека го очекува второто дете со сопругот, со кој веќе го има три годишниот син.

Нова музичка авантура на Стотројка

Две и пол години по незаборавниот концерт на Psychic TV, што ја одбележа 25-годишнината на радиото, Канал 103 најавува ново уникатно искуство во вид на музичкиот фестивал - 103 ГЕНЕРАЦИИ.

Инспирирани од својата улога на „први во колоната" на патот кон повисока (музичка) свест, искра светлина во мрачните лавиринти на македонската независна реалност, Стотројка реши повторно да ја „измести" од неа публиката со еден супер современ музички настан. И тоа во духот на 27-годишниот процес на создавање автентична контра-стварност, духовна агора во којашто се пронаоѓаат и дејствуваат нови и нови напредни и храбри протагонисти на својот автентичен поглед на светот - 103 генерации. Во слава на музиката, слободниот дух и градот. Против стравот од промени и напредок, доминантната општествена глупост и примитивизам, омраза, национализам и разноразни теории на заговор. 

Станува збор за целовечерен настан што ќе се одржи на 24ти ноември во МКЦ на два стејџа со четири исклучително квалитетни бендови и артисти од Велика Британија, Шведска, Албанија и Македонија, сите со актуелни албумски изданија во 2018 година. Фоајето на кино Фросина ќе биде резервирано за традиционалниот настап на диџеите на Стотројка. 

THE OSCILLATION се повеќе процес одошто бенд во класична смисла на зборот или можеби најточно, збир од сонични излети на извонредниот музички ум на Demian Castellanos. Оформени се во Лондон во 2006 година и во различни постави до денес имаат издадено 6 албуми, сите со цврста аудио-визуелна доследност и идеолошка дисциплина во музичка смисла. Нивниот звук можеме да го опишеме како модерна space rock психоделија отсвирена без компромиси и без поза, можеби совршена музика за шашавиот танц на Тереза Меј додека ги убедува британците за благодетите на Брегзит. Во Скопје доаѓаат како трио за да го промовираат фуриозниот Wasted Space LP кој излезе овој септември, а кој британската музичка критика го прогласи за нивно најдобро остварување досега. 

THE FIELD е псевдонимот под кој настапува Axel Willner, шведски електронски музички мастермајнд кој живее и работи во Берлин. Некогашен фан на Dead Kennedys и Misfits кои го инспирирале да направи панк бенд, за подоцна My Bloody Valentine, Slowdive и Seefeel да му ја откријат магијата на британскиот шугејз звук и можноста за негова електронска трансформација. Тоа и го издвојува The Field како автентичен и повеќедимензионален артист пристапен и за друга условно не-електронска публика и покрај неговиот суптилен минималистички техно звук. Уште од ултра успешното деби From Here We Go Sublime LP од 2007 година што критиката го вброи меѓу најдобрите 100 електронски албуми на таа декада до денес се наоѓа во самиот врв на електронската музичка сцена, а неговите 6 албуми, сите издадени за престижната германска етикета Kompakt се најдобра потврда за ова. Овој септември излезе успешниот и многу фален од критиката Infinite Moment LP, а во Скопје настапува првпат и тоа како дел од неговата европска промотивна турнеја во големите градови. Вистинска гозба за уши за фановите на сериозна авторска електронска музика. 

I TPAME I TVRAME се дарк/минимал/колд вејв дуо од Тирана составено од Franc Kurti и Dina Hajrullahu. Постојат само две и пол години, а во јуни веќе го издадоа третиот по ред албум Ikin Vijnë LP со кој им се отворија вратите за успех и надвор од границите на Албанија. Негуваат дистописки мрачен, но современ електронски звук во кој суптилно се испреплетуваат синтовски и гитарски текстури врз кои одлично „вози“ етеричниот вокал на Dina Hajrulahu. Идеална атмосфера за внатрешен танц по ивиците на балканскиот 21 век. 

SUSIJAT се четворка од Скопје. Деан Змејкоски, Тодор Караколев, Лазар Дарковски и Никола Дрвошанов се заедно од 2014 година, за наредната да го издадат нивниот првенец Safety in Numbness LP за Шарла. Негуваат комплексен и повеќеслоен звук во кој доминираат влијанијата на американската андерграунд сцена од 80те и раните 90ти години или во слободен стилски опсег од пост хардкор до пост рок. Минатата година имаа сплит-изание со Portron Portron Lopez со кои беа на концертна турнеа низ Франција. Овој ноември им излегува вториот албум ZAD кој е драстичен стилски исчекор од својот претходник, а насловот е инспириран од една француска анархо комуна која се бори за својот опстанок. Нивниот настап воедно ќе биде и албумска промоција. Одлични музичари од старата школа - топла препорака за сите амбициозни инди фанови. 

Боите на Стотројка, на вториот (електронски) стејџ, ќе ги бранат диџеите:Виолета Качакова, Илина Ангеловска, Ивана Драгшиќ и Мирко Попов. 

Билетите се веќе пуштени во продажба во: Југотон Рекордс, МКЦ и во продажната мрежа на МК Тикетспо цена од 350 ден. На денот на одржување на фестивалот, билетите ќе чинат 500 ден. 

Познатиот рокер започнал да се гуши после настапот во Њујорк

Гитаристот на рок групата Аеросмит, Џо Пери итно бил пренесен во болница откако колабираше после настапот во Медисон Сквер Гарден, Њујорк, пишува CNN.

68 годишниот Пери со Били Џоел ја изведувал песната "Walk This Way", а после зад сцената започнал тешко да дише па со Брза помош бил пренесен во болница, каде го снабдиле со кислород со помош на посебни цевки кои му ги прочистиле дишните патишта за да дојде до воздух.

Негов претставник за медиумите потврди за USA Today дека пејачот моментално е при свест.

Ова не е прв пат на гитаристот да му се слоши за време на настап. Пред две години заврши во болница откако настапи со бендот Hollywood Vampires, чии членови се Алис Купер и Џони Деп.

Пери овој месец требаше да настапува на турнеја, а неговиот гласноговорник потврди дека нема да се појави на планираните настапи оваа недела во Флорида, но дека кон крајот на месецот ќе биде подготвен за враќање на сцена.

Популарно