НАЈДИНАМИЧНИОТ RANGE ROVER SPORT ГИ ПРЕЧЕКА УЧЕСНИЦИТЕ НА ‘‘САМИТОТ НА МАКЕДОНИЈА 2025’’

Аутомобили Гроуп, официјалниот импортер и дистрибутер за Jaguar и Land Rover во Македонија го поддржа “Самитот на Македонија 2025” кој се одржува во хотел Мериот од 7 до 10 ноември, а за време на истиот во надворешниот дел од хотелот го изложи најдинамичниот модел Range Rover Sport.

Тридневниот самит е најавен како водечка регионална платформа за споделување на последните светски трендови во бизнисот, инвестициите, технолошките иновации и одговорното лидерство. За време на самитот ќе бидат спроведени дебати, за развој на Македонија во регионален центар за паметни технологии и значењето на странските инвестиции. Покрај тоа на настанот ќе бидат разработени и најдобрите практики на економски успешните мали земји. Најавени се повеќе од 400 учесници на самитот Македонија 2025 меѓу кои дипломати, бизнисмени, директори, академици и деловни експерти од дијаспората, претставници на меѓународните организации, како и банки.

Токму затоа најдинамичниот Range Rover Sport ќе ги пречека учесниците на самитот, бидејќи  е дизајниран за да импресионира. Возилото ќе биде изложено пред хотел Мериот Скопје за време на целиот самит, a доколку сакате уште подобро да го запознаете или пробате овoj модел, направете го тоа веднаш кај овластениот увозник – Аутомобили Гроуп на ул. Скупи бр.8, 1000 Скопје.

За јакната на Мајкл Џексон издвоил 298.000 долари!

Во саботата на акција за предмети на музичките легенди како Принс, Мадона и Џон Ленон, легендарната црна јакна на Мајкл Џексон била продадена за 298.000 долари. Цената е три пати поголема од првата побарувачка.

Аукциската куќа „Julien’s“, најпрво барала износ од 100.000 долари за јакната која Џексон ја потпишал со траен сребрен маркер, а ја носел во текот на целата светска концертна турнеја.

Тоа е едно од најлегендарните парчиња на покојниот музичар, со црвено-белата јакна од спотот „Thriller“, кое било продадено за 1,8 милиони долари на аукцијата во 2011-та година. Јакната „Bad“, ја продал бизнисменот и филантроп од Тексас, Милтон Верет, заедно со речиси 10 други предмети од својата богата рокенрол колекција.

„Bad“ е седмиот студиски албум на Џексон, кој во 1987-ма година го објавила дискографската куќа Епик. 

ВИДЕО: Овој ТВ водител ќе работи 24 часа дневно, цела година и без годишен одмор...

Зошто да плаќате вистински водител, кога вестите ќе може да ги води виртуелен водител со вештачка интелигенција кој ќе може да работи по цели денови, без пауза, со години и години.

Кинеската новинска агенција “Xinhua” го претстави својот прв робот кој на гледачите ќе им чита вести. Во соработка со “Soguo”, развиен е првиот “AI” телевизиски водител на светот, а направени се две верзии, еден за кинескиот пазар и еден кој што зборува на англиски јазик, при што, базирани се на вистински лица.

Благодарение на напредната технологија, се што треба да се направи е да се вметне текстот во компјутер и софтверот ќе започне да го изговара текстот, при што движењата на лицето и устата ќе го следат изговорениот текст, па искуството ќе наликува речиси како и да гледаме реален телевизиски водител.

Сепак, експертите иако имаат пофални зборови за ваквиот обид на кинеската новинска агенција, тие тврдат дека доколку подолго време го гледаме водителот, сето тоа ќе стане премногу досадно.

Професорот по роботика и вештачка интелигенција на Шефилд, Ноел Шарки, вели дека ова е сепак добар прв обид кој што со текот на времето сигурно ќе се подобрува.

Илон Маск објаснил зошто сè почесто има испади во јавноста

За американскиот иноватор и милијардер Илон Маск, разликата помеѓу "разумниот" и "лудиот" работен распоред е некаде помеѓу 80 и 120 часа неделно.

"Ако работите 120 часа неделно, мора малку да полудите ... Имаше времиња кога спиев по неколку часа, работев, спиев, работев и така седум дена неделно. Некои од тие недели сигурно имаа 120 часа работа", изјавил Маск. 

Илон кој е сменет од позицијата на претседател на управниот одбор на "Tesla" (но се уште е на функцијата директор), вели дека 80-90 работни часа неделно се "сосема разумни".

"Додека 80 часа се прилично одржливи, страдањето кога работите повеќе од тоа е драматично. Нивото на болка експоненцијално расте. Над 80 е веќе нелинеарно", додал милијардерот.

Тој досега имаше неколку "испади" во јавноста за кои подоцна се оправдал преку напорната работа. Откако на една конференција за новинари во мај, Маск се пожалил за "глупавите и здодевни прашања", на следната се извинил за тоа.

"Нема извинување за лошото однесување, ги прекршив и сопствените правила во таа смисла. Но, има причина за тоа - не спиев и работев 120 часа неделно. Сепак, нема изговори", изјавил тогаш Илон.

Недолго потоа, иноваторот во август признал дека зема таблети за спиење.

"Кога се наоѓате под екстремен стрес, не можете да заспиете", вели тој.

Маск, кој освен со "Tesla", управува и со компаниите "Space X" и "Boring Company" признал дека големиот број работни часови не се добри за неговото здравје, иако смета дека нема друг избор.

Популарно