Тероризира, тепа, упаѓа во домови, краде и киднапира

Докторот Радосав Милутиновиќ завчера попладнето во неговиот стан покрај амбулантата, во селото Бадовинци, бил ограбен откако А.Г. му се заканил со нож, кој само 4 дена пред инцидентот токму поради разбојништво бил во затвор, а полицијата повторно трага поп него.

Имено, околу 16 часот, докторот кој работел втора смена, бил во својот стан, додека во амбуланатата била неговата колешка. Слушнал бука како некој да го скршил стаклото.

-Веднаш го препознав, бидејќи не беше маскиран. Беше вооружен со нож, избезумен. Видов дека не е при себе, најверојатно затоа што беше дрогиран. Реков дека се ќе му дадам, и дека и претходно сум му давал лекови. Го зема паричникот и сите пари, мојот мобилен телефон - кажал докторот.

-Мештаните се згрозени од овој напад, бидејќи јас важам за доктор кој го почитуваат, ценат и коментарот за инцидентот им беше „па зарем и него“? Повторувам дека сум добро, но сакам разбоиникот да го стигне правдата. Исто така се надевам дека ќе биде осуден на подлг временски период или испратен на лекување, бидејќи е наркоман кој го тероризира целото село, а јас сум последната жртва во низата - напоменува доикторот Милутиновиќ.

Го викнал да му врати пари и ладнокрво го изрешетал

Основното јавно обвинителство Скопје до Основниот суд Скопје 1 Скопје достави Обвинителен акт  против едно лице поради постоење основано сомнение дека сторило кривично дело – Убиство од член 123 став 1 од Кривичниот законик.

По спроведување на сеопфатна истражна постапка, надлежниот јавен обвинител утврди дека обвинетиот  со умисла го лишил од живот сега починатиот Н.Д. од Скопје, на 28.12.2018 година, на улица „Шарпланинска“ во Скопје. Обвинетото лице, пред да го изврши убиството, од домот на неговиот дедо земало ловечката пушка марка Црвена застава Крагуевка и ја скрило во грмушките на улицата Шарпланинска. Потоа му се јавил на сега починатото лице за да му каже дека на возилото БМВ му се јавил дефект на конкретното место, но дека со себе ги носи неговите 850 евра кои му ги должи. Откако оштетениот пристигнал на договореното место со неговото возило Фолксваген пасат, сторителот пришол и седнал на совозачкото седиште. Во разговорот кој го воделе, обвинетиот му рекол на сега починатото лице дека парите кои ги носи се во валута евро и дека треба да ги сменат во менувачница.

Пред да заминат, сторителот излегол од возилото и ја оставил вратата од страна на совозачот отворена. Го замолил оштетениот да го почека, при што отишол до грмушките, го зел оружјето од таму се вратил кај возилото и дирекно испукал еден куршум кон сега починатиот.  Вториот смртоносен куршум од оружјето бил испукан во грбот на оштетениот, откако тој направил обид да излезе од возилото.

Едновремено со поднесување на обвинението, надлежниот јавен обвинител до судот достави и посебен предлог за продолжување на мерката притвор за обвинетиот поради постоење на опасност од криење и бегство.

УШТЕ ЕДНО ИСЧЕЗНАТО ЛИЦЕ: Се бара Марика од Маџари!

Марика Гиовска од скопската населба Маџари е исчезната.

Нејзиното семејство  информира дека госпоѓата го напуштила домот рано утрово.

83-годишната Марика има здравствени проблеми и не знае сама да се врати дома.

Доколку некој ја види или има било какви информации, ве молиме да ја исконтактира Елизабета на телефонскиот број 071-329-292

МВР ги најде заљубените малолетници кои избегаа заедно

Двајцата малолетници за кои беше пријавено дека се оддалечиле од дом во Велес, се пронајдени и вратени дома, соопшти денеска Министерството за внатрешни работи.

Како што претходно соопшти МВР, на 15.03.2019 во 22.00 часот во Полициската станица во Куманово, 44-годишниот Р.Х. пријавил дека неговата 14-годишна ќерка А.Х. се оддалечила од домот, а вечерта во 21 часот и 20 минути 40-годишниот Т.Ј. од Велес пријавил дека околу 19 часот, во неговиот дом дошла токму А.Х. која била во љубовна врска со неговиот син А.Ј. (15). А.Х. неколку пати претходно доаѓала во куќата.

Двајцата малолетници му кажале на Т.Ј. дека сакаат да живеат заедно, по што Т.Ј. им кажал дека ќе ги пријави во полиција затоа што се малолетници и не сака да има проблеми со полицијата. По тоа малолетниците излегле од домот.

Веднаш се преземени мерки и активности од полициски службеници на СВР Велес за пронаоѓање на А.Х. и А.Ј. и синоќа малолетниците се вратени во домовите, додава МВР во соопштението. 

Популарно