По снежниот ДАВИД следуваат поларни температури и под -15°C!

До крајот на денов врнежи од снег од локален карактер ќе има во западните и во југозападните предели. додека на скијачките центри Попова Шапка и Маврово веќе снегот достигнува и до еден метар.

Потоа за време на викендот кој следува ќе имаме претежно стабилно и суво време но ќе биде многу студено, минималните температури понекаде повторно ќе се спуштат и под -15 степени додека максималните на повеќе места ќе бидатг околу па и под нулата.

Под влијание на нов влажен бран во понеделник ќе имаме нови врнежи од снег со слаб до умерен, понекаде и со умерен интензитет со што ќе дојде до понатамошно зголемување на снежната покривка, сепак накратно на некои од пониските места ќе има услови за врнежи од дожд и снег или влажен снег.

Во вторник пак ќе дува засилен, ПОВРЕМЕНО силен ветер од северен правец а многу ниските температури ќе продолжат и следната недела.

Подготви: Славчо Попоски

Пристигна циклонот - Македонија под дожд и СНЕГ!

Времето во Македонија ќе биде претежно облачно со повремени врнежи од дожд, а на повисоките места и на планините од снег. Повеќе врнежи ќе има попладне и во текот на ноќта кон четврток, особено во јужните делови. Ќе дува умерен југоисточен ветер.

Утринската температура ќе се движи од минус два до шест, а дневната од два до осум степени.

Во Скопје слично време, претежно облачно со повремени врнежи од дожд. Повеќе врнежи се очекуваат попладне. Ќе дува умерен југоисточен ветер.

Утринската температура ќе се спушти до два, а дневната ќе достигне до шест степени.

Во текот на неделава ќе има повремени врнежи од додж и снег на пониските места и само снег на планините. Повремено врнежите ќе бидат пообилни, особено во јужните и западните делови каде на планините покривката ќе се зголеми. Ќе дува умерен, повремено засилен ветер од југоисточен правец.

Попоски:Циклон МАРКО над Македонија – очекувајте поинтензивни дождови и снегови и зголемување на снежната покривка

Под влијание на изразениот циклон Марко во текот на следните денови времето ќе биде претежно облачно со повремени врнежи и тоа со променлив интензитет, на ниските места ќе бидат од дожд додека на повисоките и планинските места ќе бидат од снег со што ќе има понатамошно зголемување на веќе постоечката снежна покривка.

Повремено врнежи од дожд и од снег ќе има и на некои од пониските места особено на запад и на север од државава.

Локално врнежите ќе бидат поинтензивни и во текот на следниот период се очекува да наврнат над 40 л/м3 воден талог, ќе дува умерен ветер од југоисточен правец кој повремено на некои места ќе засилува на интензитет.

Од четврток поради продор на постуден воздух од север ветерот ќе го промени правецот во северен и веќе од петок врнежи од снег ќе има и на повеќе пониски места со што има услови за формирање на снежна покривка.

Од петок максималните температури ќе опаѓаат и ќе се искачуваат во интервалот од -1 до 9 во поток и веќе во сабота ќе биде уште постудено со максимални температури од -3 до 5 степени.

Подготви: Славчо Попоски

Ново невреме во Македонија: Утре доаѓа силниот циклон „Марко"

Циклонска активност со центар во јужните делови на Европа ќе услови од утре и во текот на неделава да има повремени врнежи од дожд и снег на пониските места и само снег на планините. Повремено врнежите ќе бидат пообилни, особено во јужните и западните делови каде на планините снежната покривка ќе се зголеми. Ќе дува умерен, повремено засилен ветер од југоисточен правец.

Прогноза за 23.01.2019

Минимална температура: 2°C до 6°C

Максимална температура: 4°C до 9°C

Променливо облачно со повремен дожд, а на планините со снег. Ќе дува умерен до засилен ветер од југоисточен правец.

Прогноза за 24.01.2019

Минимална температура: 1°C до 5°C

Максимална температура: 3°C до 9°C

Облачно со повремени врнежи од дожд и снег во пониските места и од снег на планините.

Прогноза за 25.01.2019

Минимална температура: 0°C до 5°C

Максимална температура: 1°C до 7°C

Облачно со повремени врнежи од дожд и снег во пониските места и од снег на повисоките места и на планините.

Популарно