СКАНДАЛОТ продолжува: Откриени нови вакцини со истечен рок

Нови вакцини со декларации со истечен рок се најдени при инспекцискиот надзор на терен во вакциналните пунктови, еден ден пред посетата на претставници од белгискиот производител „Глаксо Смит Клајн“ од Белград, објави „Независен“.

Директорот на Агенцијата за лекови и медицински средства МАЛМЕД, Ќахил Ибраими, не открива за колку вакцини МРП со погрешно аплицирани декларации станува збор и во кои здравствени домови и градови.

„Инспекторите во средата влегоа во компанијата „Македонија лек“, каде што и во текот на вчерашниот ден ја проверуваа документацијата. Треба точно да се утврди на колку вакцини им биле аплицирани декларации со истечен рок. Планираме денеска да ги имаме резултатите од контролата и да ги обелодениме. Се проверуваат и вакциналните пунктови. Ќе излеземе со точен број на вакцини што се најдени деновиве со декларации со истечен рок. Кај вакцините нема никаков проблем со рокот, сите се со важечки рок и се работи за сериозна фирма производител. Тоа што е направено со декларациите е техничка грешка. Ќе има санкции за компанијата увозник по ваквиот пропуст, тоа во моментов го разгледуваме. Во правилникот за дистрибутивна пракса разгледуваме да внесеме новини, да го прошириме за во иднина да се внимава како се дистрибуира лекот од увозникот и како се прима во здравствените домови. Да се следи дистрибутивниот синџир и точно да се дефинираат казните како за последната направена техничка грешка“, објаснува Ибраими за „Независен весник“.

ФОТО: Огромна колона автомобили стои на грчката граница

Долга колона автомобили стои на грчката граница, објави Фактор.мк

Луѓето кои се враќаат од продолжен викенд, велат дека стојат во место, и дека има застој на граница, пишува порталот и во продолежение објави фотографија.

Каква е ситуацијата во моментов можете да погледнете на камерите од граничните премини: Богородица и Меџитлија

ВИДЕО: СДСМ избра нов извршен одбор

Рената Дескоска, Драган Тевдовски, Фросина Ременски, Петре Шилегов ќе бидат членови на новиот Извршен одбор на СДСМ, одлучи партијата на седницата на Централниот одбор што се одржува во Охрид. Освен нив во Извршниот одбор ќе бидат и Стефан Богоев, Костадин Костадинов, Татјана Стојановска Иванова, Салија Љатиф Петрушовска и уште осум членови на партијата од другите градови.

На централниот одбор, како што пренесува медиумот, најверојатно нема да се расправа за избор на потпретседатели на партијата и тоа ќе биде одложено за наредна седница на Централен одбор.

Нов организационен секретар на партијата е Душко Весковски, актуелен генерален директор на скопски Водовод. Досегашниот советник во владата за меѓународна политика, Дане Талески ќе биде на функцијата секретар за меѓународна политика.

Богоевски: Марихуаната е во грамови, кокаинот исто, маслото е во кубици

- На телефон се карав многу вулгарно со моја блиска личност, и таксистот го искористил моментот да ме снима, но верувам дека не очекувал дека ќе ме сними како нарачувам масло од марихуана, тоа веројатно добро го наплатил, но сепак принципиелно го оправдувам објавувањето на снимки за функционери, тоа е во корист на општеството.

Екс претеникот и екс лидер на Шарена Револуција, Павле Богоевски во емисијата Стадион на радио Канал 77.

Популарно