Инстаграм – мрежа на живот каков немаме

„Шмајл“ (Shmile) е позата што ќе биде вистински хит на Истаграм, читам на странските медиуми. Се работи за фотографија на задоволно лице, кое има широка насмевка, а затворени очи.

Значи, толку уживате, што немате поим дека некој ве слика. Во тотален ескапизам сте од задоволство. Но, ете баш се погодило во моментот да трепнете или да ги затворите очите од убавини и да излезе “неодолива“ Инста фотографија.  Сосема „случајно“.

Називот е пак кованица од „Затворени очи“ и „насмевка“ (shut eye+smile=shmile).

Ова можеби и би имало некаква приказна и смисла, доколку на Истаграм не се појавија селфи шмајл фотографии. Навистина? Уживате додека се сликате сами, така “спонтано“?

Тоа е само уште една потврда колку ние секојдневно глумиме среќа и колку истата ни недостасува.

Листајќи ги социјалниве мержи, ќе се доведете во ситуација да се запрашате дали животот што го живеете е со доволен квалитет, можеби е досаден, како со толку работа не успевате да мрднете од вашиот град, максимум одите до соседниве држави, зошто немате време, како на другите им успева...

Луѓето почнаа да се дистанцираат од Фејсбук и „жалопојките“ на другите од него и се префрлија на Инстаграм, кој изобилува со фотографии. Но, една слика – илјада зборови.

Стана социјален медиум кој всушност воопшто не е социјален. Освен ако под социјален не разбирате дека сопствената осаменост ја „лечите“ со вклопување на нормите за Инста фотографија.

Уште поинтересно е како таа Инста фотографија воопшто и не е „инста“ туку долго осмислувана, ни најмалку спонтана, вештачка... Ако мислите дека оваа социјална мрежа ќе ви помогне да се вклопите, размислете уште еднаш и уште повеќе - во што се вклопувате.

Инстаграмот е мрежа на клонови, на исти пози, на извештачен изглед. Инстаграм е мрежа на маски, на лаги, на фејк живот, чест на исклучоците и/или на оние што од тоа прават пари.

Што ако на вашите „вмрежени“ пријатели им покажете насмевка, која после трите секунди откако ќе го притиснете копчето за фотографирање, ја снемува?

Што ако на сите ни покажете колку вкусни колачи имате пред вас, кога после истите три секунди, ги тргнувате од маса, бидејќи не смеете да си го дозволите?

Што ако на себе ставите тон шминка, ни покажете колку ви е супер деколтето или задникот, кога после трите секунди ќе се погледнете во огледало и знаете дека не е така?

Што кога ќе дојде време да се соочат Инстаграм профилот и профилот од реалниот живот? Што ќе се случи тогаш? Ќе ве прифати ли некој? Ќе имате ли храброст да се соблечете пред некого, или да се појавите без шминка? Ќе имате ли храброст да го покажете целулитот или тоа дека забите и не ви се баш совршени?

Лажната среќа е еден од најлошиот облик на тага и осаменост.

Тогаш ќе сфатиме колку се лажеме себе, а не другте. На крајот од денот, секој се соочува сам со себе и секој останува сам со себе. Социјалните мрежи создаваат дополнителен притисок, особено кај младите генерации, кои мислат дека така ќе ја добијат самодовербата, а таа всушност никогаш и не била пониска.

Задоволството и среќниот живот не се создаваат виртуелно. Прифатете ја реалноста и работете на себе. Прифатете се себеси. Тогаш нема ни да ви треба Инстаграмот за да бидете прифатени од другите или да правите фотгорафии по шаблон, бидејќи ќе имате живот за живеење. Вистински живот, во кој “шмајл“ ќе биде ваше секојдневие, само нема да имате потреба да го направите “инста производ“, бидејќи навистина ќе уживате.

Автор: Бети од трети

Зоран: Заев е пед*р!

„Секако дека нема да дозволам неколку криминалци, еден суетен новинар и нека ми извини ЛГБТ заедницата, и еден педер, да ја симнат Владата од власт. Не!“, рече синоќа премиерот Заев пред камерите и македонската јавност.

Подоцна на Твитер се дообјасни:

- Тој збор го употребив за да дадам карактерна особина, а не да означам сексуална припадност.

ОК, има две опции.

1. Премиерот лаже и се правда, иако потајно е хомофоб. Во прилог на оваа опција оди неговото извинување до ЛГБТ пред да го употреби зборот „педер“. Тука нема што да се анализира, освен можеби едно прашање: Од каде Заев ја знае сексуалната определеснот на Боки13? Како и да е,  „Едно општество за сите“ било само ПР фраза, а битката за фотељи вистината за „револуцијата“. 

2. Навистина го употребил зборот „педер“ со улично, скопско значење. Заев не е скопјанец, но еве нека е така.

Јас сум роден и цел живот го жиевам во Скопје и го имам употребувано зборот „педер“ како карактерна особина. Како веќе „зрел“ скопјанец можам да му објаснам на премиерот, ако му треба објаснување, што подразбира таа карактерна особина.

„Педер“ во Скопје се употребува за личност која игра двојна игра. Педер е (обично машко) лице кое ти се прави другар, а зад грб и се пушта на девојката која ти се допаѓа. Педер е лик кој не те вика во кафана, поготово кога има интересно женско друштво. Кој те остава на цедило коа ти треба. Педер е лик кој го интересира само својот ќар и својата агенда, но тоа јавно не го искажува, туку глуми фин момак. Исто така, педер е човек кој избира претседател на собрание на нелегален и незаконски начин и до ден денеска не ги прикажува стенографите од таа „седница“. Педер е лик кој ти ветува дека нема да смени име, ако дојде на власт, а одма го мења спроти вољата на граѓаните искажана на референдум. Педер е лик кој лаже дека не постои „Тиранска платформа“, а ги исполнува сите нејзини точки. Педер е лице кое се колне во бетониран идентитет, а менува историја по мерак на соседи. Педер е лик кој празнува Илинден, ама не го кажува името на државата. Педер е човек кој секогаш ја бара вината кај другите, додека се извинува од срце зошто бил искористен. Педер е човек кој не чувствува вина, ниту срам, кога цел свет му се смее. Педер е премиер кој лаже дека народот го донел на власт, иако не победил на парламентарни избори! Педер е човек кој не сака да си оди од власт и ја срами цела држава, само за да си тера свој кеиф... Мислам дека доволно добро објаснив, иако да бидам искрен можам уште долго да набројувам.

Ако, премиерот во овој контекст го употребил зборот „педер“, тогаш ја погодил сржта на значењето во карактерна смисла. Добро што не спомна име, затоа што ќе требаше да каже: Заев е педер!(во карактерна смисла)

Во тој случај следнава изјава има повеќе смисла:

„Секако дека нема да дозволам неколку криминалци, еден суетен новинар и нека ми извини ЛГБТ заедницата, и еден педер, да ја симнат Владата од власт. Не!“, бидејќи ДА, Заев е тој што ја руши својата влада.

Не е Боки13. Што може сам јаден Боки? Не е ниту Катица Јанева, таа нема капацитет да смисли нешто вака големо како „Рекет“. На сите ни е веќе јасно дека во аферата има умешано високи владини преставници, судии, истакнати членови на СДСМ. Заев морал да знае за сето ова и да реагира на време, а не сега да се вади дека тој бил првиот што го пријавил случајот во ЈО. Секако усно, за да нема доказ дека тоа се случило!

Пред неколку дена пишував колумна во која Заев го означив како „политички мртов“, вчерашниот ден само го потврди тоа. Изјаваата на премиерот, доаѓа по телефонскиот разговор со Јоханес Хан, а неговата нервоза јасно укажува дека што и да зборувале, го извадило од баланс. Во само неколку минути, Зоки нападна „некој“ новинар (односно го нарече суетен), некого нарече „педер“, а однесувањето на Катица Јанева го нарече „Идиотско“. Конечно и Заев сфати дека од Рекет и сите претходни афери, враќање нема. Нема начин што дава барем ронка надеж дека СДСМ ќе остане на власт. Прашање е само кога ќе има избори, а мојата проценка е дека тоа ќе се случи многу порано од желбите на премиерот или некаде во Април 2020 година.

До конечниот пад на оваа влада скандалите ќе се редат како на филмска лента, а народот редовно ќе биде шокиран. Некогаш „шарените револуционери“ полека ќе ја напуштаат позицијата на СДСМ и Заев. Веќе читаме и слушаме колку се дел од нив изненадени, па дури и запрепастени. Таков ефект врз мене Заев нема и не може да има. Мене лик кој за себе изјави дека Бог го црпнал од нива од Муртино за да ја води Македонија, не може да ме изненади! Уште тогаш знаев дека е „педер“(во карактерна смисла на зборот).

Автор: Пацифист

Ставот изразен во текстот е на авторот и не мора да се совпаѓаат со ставовите на редакцијата на Засе.мк.

Катица Јанева - „Богињата“ која сите ја напуштија!

Девети месец 2016 година:

Ова не е прв текст за обвинителката, но десега никогаш не сум и се обратил. Не сум чувствувал потреба, ниту капацитет од другата страна да го разбере следново. ДАЈ СИ ОСТАВКА!!! СЈО ќе најде нова обвинителка и ќе продолжи по истиот пат и без тебе. Неуставно, исполитизирано, со подршка од навивачка група „Шарени“. Ништо нема да се смени, освен твојот и животот на твоите деца. Верувај, на подобро.

Седми месец 2019 година, Катица Јанева ме послуша и си даде оставка. Односно излажа дека си даде оставка, затоа што ја поднесе само усно. Дури и да беше вистинска оставка, задоцнета е!

Осми месец 2019 година, фрштат бомби за случајот „Рекет“, а Јанева е блиску да се најде од другата страна на обвинителен акт. Тој момент ќе дојде, само прашање е дали прво ќе падне владата на Заев или таа! Со себе, најверојатно ќе го повлече и својот син.

Искрено, кога го пишував текстот во 2016 година, не мислев дека Јанева волку ќе заглави. Уште помалку дека во целата алчност ќе го вмеша и сопствениот син, но од друга страна, само две работи се вечни на овој свет...

Уште од самото појавување на Јанева и нејзиното застанување на СЈО, институцијата од која голем дел граѓани очекуваа правда (не и јас), се увиде дека станува збор за човек со капацитет за берење детелинки. Специјалната освен што не знаеше да склопи проширена реченица, во неколку наврати не увери дека не знае ни да чита! Мене не ми беа чудни шестките во нејзиниот индекс, туку како воопшто дипломирала?! Еве уште не ми е јасно! Нејзиниот избор беше намерен. Не се бираше способна личност, туку послушник! Но, оние кои ја одбраа, заборавија на еден многу важен детал. Нема ништо страшно во ограничен (да не речам глупав) човек, но многу е страшно кога таков лик ќе добие речиси неограничена власт! Нема да помине долго пред да помисли дека е БОГ! Поготово, ако до него се појави ликче како Боки13. Уште еден ограничен лик, но со џетсетерски, мегаломански, криминални идеи! И ете, се случи! Катица поверува дека е богиња! Недопирлива! Несопирлива! Но...

Далеку дека Македонија е држава, т.е. дека има функционале правен систем, но дури и нашиов систем има некакви лимити. Еве и да ги нема, СЈО не беше македонски проект, туку странска идеја. Сега странците нема да дозволат ваков срам и одговорност мора да има и ќе има.

Иако, од досега презентираните видое и аудио бомби од италијанскиот новинар (како ли стигнаа кај него?) нема докази за директна вмешаност на Јанева во изнуда на пари преку Боки 13, реакциите на засегнатите јасно укажуваат дека Катица е оставена сама на себе. При почетокот на истрагата, на денот на (наводната) оставка на Јанева, на пресконференција на СЈО, Ленче Ристеска јасно укажа дека СЈО не е Јанева и со тоа се огради од својата шефица. Денеска Стефанова отиде и подалеку, па кажа дека Катица барала укинување на притворот, враќање на пасошот на Камчев и само парична казна за сите обвинети во Империја. Обвинителката од СЈО јавно, на сајтот на институцијата соопшти дека таа не се сложила со Јанева, но дека шефицата си терала по свое. Ова укажува на две работи. Прво, дека Катица била вмешана во изнудата на милиони и воторо, дека СЈО нема да се обиде да ја штити!

Јанева пак, во своето соопштение вели дека „Рекет“ е монтиран случај за неа поради најновите истраги отворени во СЈО:

- Во тие истраги се осомничени и се надевам дека ќе бидат обвинети многу поранешни и сегашни функционери во власта и значајни личности во партиите,  па од таму е јасно зошто некој со сите сили и со невидена медиумска хајка се обидува да го загрози мојот и кредибилитетот на СЈО како и на сите други обвинители, а со тоа се обидува да ги уништи кривичните предмети  кои се водат во обвинителството.

Обидувајќи да се „исчисти“ пред јавноста, Катица всушност им се закани на сите политичари. Оваа пракса Катица ја има уште од доаѓање на позицијата, но само кон ВМРО ДПМНЕ, а сега истата ја примени и врз СДСМ. Доказ дека специјалната е оставена сама! Колку нејзините закани се опасни за Заев и дружината, ќе дознаеме најдоцна до Октомври, но и премиерот нема некој избор. Ако рекет не се расчисти, Македонија нема никакви шасни за датум за преговори во ЕУ (оној истиот што го добивме лани де), а без датум Заев е завршен политичар. Доколку пак Рекет се расчисти, СДСМ нема да постои, и повторно Заев е завршен политичар. Всушност, за Заев приказната заршува исто,  без разлика што и да се одлучи. Тој веќе не е премиер и никогаш нема да биде, само не знам дали некој му кажал.

Катица од друга страна, веројатно сеуште има избор. Не да ја спаси својата позиција, ниту парите кои веројатно ги изнудила. Не може да ја зачува ни својата слобода, но верувам дека може да го спаси својот син од затворска казна. За да се случи ова, треба да престане да се сонча и масира во Грција, да си дојде во Македонија и на пресконференција да каже СЕ! Дали ќе го направи тоа? НЕ! Зошто? Недостаток од капацитет!

Автор: Пацифист

Героски без милост: Јавна порака до Фрики и Кики

Лидерот на СДСМ, Зоран Заев, изјави дека тој не ги познава Фрики и Кики. Го разбирам потполно. Еве, сосема накусо, ќе се обидам да појаснам некои нешта.

Фрики и Кики се вистински ликови, високо позиционирани во СДСМ и во власта. Тие се блиски до ликот кого јас го именував како Коки и за чии рекетарски подвизи пишував со езоповски јазик, во неколку продолженија.

Како се блиски? Еве вака, друже Заев.

Фрики е госпоѓа, висок функционер и во невладината организација на Коки, која служела за формално покривање на милионскиот рекет. Самиот тој факт ја прави госпоѓата објективно одговорна за овие злодела.

И тоа ќе го дообјаснам. Една работа е некому да се обрати некоја обична невладина организација со барање за поддршка (па и со рекетарска уцена), а друго е тоа да го стори НВО во чиј врв стои така проминентна личност, со неспорно политичко влијание и со блискост со премиерот и со сите министри и со други државни функционери.

Кики беше висок функционер во СДСМ. Самиот Коки, во последното интервју на својот медиум, го нарекол „добар пријател“ или „другар“. Е сега, не е исто да си обичен рекетар што стасува до половно „БМВ“ и да си фраер кој за другар го има високиот партиски функционер Кики, а за соработник високата државна функционерка Фрики, која згора и му пеела на журка.

Ниту сум напишал ниту тврдам дека Фрики и Кики рекерирале и дека лично се офајдиле од рекетот. За тоа не знам. Тоа треба да го провери истрагата. Но, неспорно е дека и Кики и Фрики му овозможувале на Коки да остварува контакти при неговите рекетарски обиди, а тој ја (зло)употребувал блискоста со нив, но и со други луѓе во СДСМ, за да биде поуспешен во своите походи.

Во најмала рака, Фрики, Кики и другите биле фацилитатори на милионскиот рекет, за што мора да сносат морална и политичка одговорност. А за нивната евентуална кривична соодговорност одлучува истрагата, која не смее да се попречува.

Затоа, госпоѓо Фрики и другар Кики, да сум на вашето место, јас под итно би сторил две работи.

Прво, би му се јавил на Заев и би му го кажал следново:

– Шефе, свесен (свесна) сум дека со мојата блискост и со контактите со Коки, како и со тоа што го препорачував кај други луѓе, му овозможив да ги засили своите рекетарски позиции. Така се искомпромитирав себеси, но и тебе, шефе, како и нашата партија. Во духот на декларацијата што ја донесовме пред некој ден, прифаќам политичка одговорност за својата непромисленост. Поднесувам оставка на сите функции.

Второ, би му се јавил на надлежниот обвинител и би му го кажал следново:

– Обвинителе, јас имав блиски контакти со лицето Коки и ви стојам на располагање за сите потребни информации во врска со милионскиот рекет. Моја граѓанска должност е да соработувам со истрагата, дури и во случај да бидам осомничен (осомничена).

Госпоѓо Фрики и другар Кики, јас најдругарски ви предлагам ова да го сторите без одлагање, во следните 48 часа. Тоа му го должите на Заев, но и на СДСМ, а пред сė на граѓаните на оваа земја. Ако размислите добро, ќе сфатите дека тоа си го должите и себеси.

Героски за Плусинфо.мк

Популарно