(ФОТО) Љубов пред камери: Ова е сопругот на Јелена Јованова

Нашата позната актерка Јелена Јованова која моментално е актуелна по улогата на Јелена од Драчево во серијата „Преспав“, веќе три години е во среќан и хармоничен брак со колегата од Хрватска – актерот Стјепан Периќ.

Нивната љубов се случи пред камери во 2014 година кога заедно ја снимаа серијата „Тајни“, каде Јелена ја имаше главната улога. Денес тие живеат во Хрватска, а Јелена во Македонија најчесто доаѓа поради професионални ангажмани, а не ретко со неа е и сопругот Стјепан.

Во едно интервју за хрварскиот 24 сата.хр, Стјепан пред неколку години откри како се чувствува како македонски зет и како знаел дека Јелена е вистинската жена во неговиот живот, но и за тоа кој е подобар актер, тој или таа.

Имав прилики да ја запознаам Македонија и прекрасните Македонци и пред да бидам со Јелена. Иако е тешко да се генерализира, но би го дале последното парче леб за гостите, отколку сами да го изедат“, вели Стјепан и продолжува за тоа кој е подобар актер, Јелена или тој, а како вистински кавалер одговара:

Машко и женско сме, па тешко е професионално да се споредиме. Но, ако морам да изберам, ја избирам неа, одговара Периќ.

Во една прилика кажавте: „Иако дојде време кога не е „ин“ да бидеш со некој засекогаш, јас верувам дека тоа постои и се надевам дека ќе запознаам жена со која ќе бидам среќан цел живот. Таа мора да биде вистинската и тоа ќе го знаете и почувствувате кога ќе ја најдете“ – Дали Јелена е таа? –прашува новинарот.

Да, Јелена е таа, завршува актерот за кого хрватските медиуми пришуваат дека потешко може да го добијат за изјава.

Инаку, Стјепан Периќ како дете не ни сонувал дека ќе се занимава со актерство. Првин студирал право од кое подоцна се откажал и завршува глума во Лондон.

Сепак, судбината поинаку си поиграла со професионалниот живот на Стјепан, па станува актер, а како животна партнерка избира токму актерка – нашата Јелена Јованова –Периќ.

Шакира не запира - Повторно удри по Пике, поради него ја занемари кариерата

Колумбиската пејачка Шакира неодамна откри дека долго време ја ставила својата кариера во мирување за да го поддржи својот поранешен партнер, фудбалерот Жерар Пике.

Во интервју за The Sunday Times, пејачката отворено проговори за жртвите што ги направила за љубовта и за одлуките што ги донела да биде таму за нејзиниот партнер додека тој играл фудбал.

Шакира истакна дека имало многу жртви, но дека тоа било нејзина одлука од љубов кон Пике. Двајцата беа во врска од 2011 до 2022 година, а во тој период добија и две деца – Милан (11) и Саша (9).

Пејачката откри дека се откажала од деловните можности за да биде со фудбалерот, и дека поголемиот дел од времето го поминувала на одгледување на своите деца во Барселона.

По разделбата со Пике, Шакира реши да и се посвети на кариерата. Таа објави многу нови песни, а на 22 март ќе го промовира својот нов албум наречен „Las Mujeres Ya No Lloran“ (Жените не плачат повеќе).

Овој албум го претставува нејзиното враќање на музичката сцена по пауза од седум години, а фановите со нетрпение ќе го очекуваат новиот материјал од оваа талентирана пејачка.

Иако Шакира откри дека имало многу жртви за љубовта, таа сега е фокусирана на кариерата и грижата за своите деца по разводот. Нејзиниот нов албум сигурно ќе го привлече вниманието на публиката, а преку новите песни можеме да очекуваме пејачката да ја покаже својата емотивна и уметничка еволуција.

Алек Болдвин побара отфрлање на обвиненијата против него

Адвокатите на американскиот глумец Алек Болдвин побараа од Судот да ги отфрли обвиненијата за убиство од небрежност против него.

Правниците т​​врдат дека обвинителите изнеле неосновани тврдења и обвинувања против Болдвин.

Станува збор за несреќното пукање кон кинематограферката Халина Хачинс во 2021 година, за време на снимањето на филмот „'Рѓа“, при што таа го загуби животот, а режисерот Џоел Соуза беше ранет. Судењето е закажано за 10 јули во американската сојузна држава Ново Мексико. Барањето на Болдвин уследи откако поротата ја осуди Хана Гутјерез-Рид за убиство од небрежност во одвоено судење. Гутјерез се соочува со затворска казна до 18 месеци.

И на Болдвин му се суди за убиство од небрежност. Според познавачи, пресудата на Гутјерез-Рид може да биде олеснителна околност за актерот, оти тој на 31 јануари годинава повторно се изјасни невин.

Судот во Ново Мексико повторно ја отвори кривичната постапка против него на 19 јануари, повеќе од две години по инцидентот и девет месеци откако беше првично обвинет за смртта на Хачинс. Претходните обвиненија против него беа отфрлени минатиот април кога обвинителите соопштија дека на виделина излегле нови информации што налагаат натамошна истрага.

Немилиот настан со исход - убиство се случи во октомври 2021 година, кога Болдвин вежбал пукање со пиштол за потребите на филмот. Глумецот тврди дека не знаел дека пиштолот бил наполнет со вистински куршуми.

(Фото) 84-годишниот Чак Норис: Се чувствувам како да имам 48 години

Популарниот американски актер кој многумина го паметат по неговите исклучителни способности пред камера, Чак Норис, неодамна наполни 84 години.

Која е тајната на неговото (не)стареење?

-Можеби имам 84 години, но се чувствувам како да имам 48 години, изјави Чак Норис на својот Инстаграм профил, додавајќи дека продолжува да спортува и води активен живот.

Својата виталност во деветтата деценија од животот ја должи пред се на физичката активност.

Актерот служел војска во Јужна Кореја, а по враќањето во Америка отворил училиште за боречки вештини.

На неговиот Инстаграм профил можете да видите како и на 84 години се уште боксува.

Она што многумина ги интересира е што јаде Чак Норис, а изгледа како да има половина од неговите години.

Пред четири години доживеал два срцеви удари, а лекарите им рекле дека „двапати починал по 47 минути“.

Чак Норис успеал не само да го преживее сето ова, туку толку брзо се опоравил што за неколку дена бил пуштен од болница.

Ова е списокот на намирници кои Чак Норис ги јаде, пишува LeafyDo.

1. Риба и говедско месо

Оваа храна е полна со протеини, кои се добри за обновување на мускулите. Протеините помагаат и во производството на колаген, што ја прави вашата кожа без брчки и ја зголемува еластичноста.

2. Брокула и спанаќ

Антиоксидансите помагаат во борбата против слободните радикали произведени во телото, особено стареењето, поради што храната како брокулата и спанаќот се есенцијални извори на витамин Ц, витамин Е и бета-каротин.

3. Бадеми и чиа семиња

Антивоспалителните својства помагаат да ја одржувате вашата кожа здрава. Затоа се препорачуваат чиа семки, бадеми и ореви бидејќи содржат омега-3 масни киселини.

4. Бобинки

Флавоноидите се присутни во речиси сите бобинки (како што се боровинки, јагоди и малини), кои се видови на антиоксиданси. Нашата кожа страда од оксидативен стрес, а поради овие бобинки се подобрува еластичноста на нашата кожа.

5. Вода

Хидратацијата е важна за целокупното здравје, по што се води Чак Норис. Со помош на вода, токсините се исфрлаат од телото и ја прават вашата кожа хидрирана.

Во интервју за магазинот The Healthy, Чак Норис еднаш откри тајна храна која му дава дополнителна енергија. Тоа е Ашваганда:

„Оваа супер билка против стареење помага да се зајакне мојата ментална енергија и забележав дека помага во одржување на нивото на енергија во текот на денот“, рече тој.

Популарно