За прв пат торнадо ќе „удри“ во една балканска земја

За првпат во Романија објавена е „црвена тревога“ за опасност од торнадо.

Предупредувањето е за југоисточните делови Јаломица и Калараш. Објавена е и „портокалова тревога“ за силен ветер и бури во голем број други области во Романија.

Сајтот Зиаре информира дека ветрот дува со брзина од 100 до 110 километри на час и според метеоролозите може да предизвика торнадо. Инаку, торнадо имаше минатата недела во реонот на село Дражна, во округот Калараш. Таму торнадо преврте автобус со патници, при што имаше повредени. Најмалку 10 куќи беа оштетени во невремето. 

ВНИМАВАЈТЕ: Отровна риба почна да излегува на бреговите на овие острови во Грција

Озогласената „риба пајак“ годинава првпат е забележана во грчкото туристичко место Неи Пори. Како што пренесува српски „Телеграф“, повикувајќи се на туристите кои оваа година престојуваат таму, Србинка добила била ранета од рибата на палецот од ногата.

Таа веднаш побарала лекарска помош, а докторот ѝ кажал дека имала среќа што се јавила во првите 15 минути по убодот од отровната риба. Инјекцијата ја примила во палецот, на местото на убодот, а потоа примила антибиотик.

Луѓето кои коментирале за тој случај најчесно пренесувале и некои нивни искуства со отровниците, а на повеќето тоа им се случило во Паралија. За жал некои од нив подоцна имале компликации на местото каде што ги каснала рибата, а некој човек морал да оди на хирургија и да го отстрани делот од кожата каде што бил отровот од рибата.

Ја имав таа несреќа да стапнам на отровна риба во Грција. Стапнав на неа во моментот кога трчав по песокот во водата. Одеднаш почувствував неопислива болка, не знаев што ме снајде, мислев дека ги скршив сите прсти на стапалото или дека стапнав на стакло. Меѓутоа имаше многу малку крв, а премногу болка. И да знаев за жешкиот камен и жешката вода кои помагаат немаше да се сетам во тој момент, затоа што немав поим што се случи, напишала на „Фејсбук“ девојката од Србија која претходните години имала непријатно искуство со морски пајак.

Сопругот веднаш ја однел во болница каде што дознала дека веројатно нагазила на риба со боцки на грбот.

Ми дадоа инјекција која не знам зошто служи, но одвај ми ја намали болката, а ми дадоа и рецепт за некоја маст. Епилогот на целата приказна беше тоа што цел ден чувствував болки, а стапалото ми отече толку многу што цел ден носев папучи. Отокот и понатаму не се повлече целосно ни по две недели, додала девојката.

Рибата, која вообичаено живее во големите длабочини, во последно време сè почесто се појавува во близина на крајбрежјето, а бидејќи вешто се сокрива во песокот, доколку ја згазнете таа испушта отров. Кога ќе испушти отров почнуваат неподносливи болки па затоа потребна е итна медицинска помош. Првата помош е жешка вода затоа што отровот е термолабилен, поради тоа не е лошо секогаш покрај себе да имате шише вода која ќе ја чувате на сонце.

Оваа опасна риба ја карактеризираат високо поставени очи, долната вилица е подолга од горната вилица, и шарите на грбот. Од долната страна има боцки свртени наназад, а слични боцки има и на првата грбна перка.

Токму со убодот од овие боцки, морскиот пајак го внесува отровот во телото на жртвата со драматични последици, а некогаш во минатото кога немало адекватна медицинска помош сето тоа резултирало со смрт.

ВИДЕО: Снимка од грчка плажа ги запрепасти сите

Додека многу наши сограѓани се подготвуваат пеколните денови да ги поминат на море во Грција, мора да се наведат и опасностите кои демнат на плажите кои им се омилени на македонските туристи.

Иако за многумина тоа значат измамите, кражбите и другите криминални дела, опасноста е често многу поблизу, само на чекор од удобната лежалка на сонце.

Најнова снимка од една грчка плажа ги запрепасти сите. На неа се гледаат две змии во лута борба покрај лежалките, кои на момент излгедаат како двоглава змија, која излегува од песокта. Сигурни сме дека после ова добро ќе обрнете внимание кога газите по врелиот песок.

ВИДЕО: Додека деца си играа се појави огромна змија

На црногорската плажа Булјарице, која се наоѓа недалеку од Петровец забележана е змија.

На видео снимката објавена на „Подгорочки времеплов“ се гледа змија долга околу еден метар и тоа покрај лежала и детски играчи.

Луѓе и деца бегале од неа, а на снимката немам датуми време, ниту пак пишува за каква змија се работи.

Популарно