(ВИДЕО) Фетаи за Канал 5: Јанева им се заканува на сите обвинители!

Расте ли нервозата кај специјалната обвинителка Катица Јанева?  Од денеска влезот во СЈО подлежи на посебен режим на сите вработени во институцијата. Никој не може да влезе и излезе од објектот без да им бидат проверени личните предмети, открива ексклузивно за Канал 5, обвинителката Фатиме Фетаи. Со мерките на претрес се соочила попладнето, по враќањето од пауза.

-Јас излегов на пауза, вообичаено  не излегувам, ама периодов избегнувам за да немам контакти и се враќам околу 13 часот по што полицаецот ме застана. Ми рече „Извинете, обвинителке, ама имаме наредба од шефицата за сите без исклучок да извршиме проверки“. Јас му реков, Јас сум обвинителка која работи во оваа институција веќе четири години, а не осомничена за да ме претресувате на секое влегување и излегување“, открива Фетаи.

Фетаи вели дека скандалозната наредба произлегла непосредно по денешното доаѓање на истражител од обвинителството, под надлежност на Русковска, кој наводно и ја врачил поканата за распит во случајот Рекет. Нервозата на Јанева, како што вели, ја почуствувале и пред три дена.

,,Во понеделникот не собра на колегиум. Ни тврдеше дека е злоупотребена  и ни се закани, ако не ме браните, за сите ќе зборувам, сите ќе пропаднете со мене.”, вели Фетаи.

жЈанева преку прес службата на СЈО ги отфрли ваквите наводи, како и информациите дека примила покана за распит за “Рекет” на кој денеска веќе беше нејзината шефица на Кабинет.

Утре се очекува да сведочи и обвинителот од СЈО Бурим Рустеми.. Случајот продолжува да ги бранува и власта и опозицијата. Министерката за одбрана Радмила Шеќеринска рече дека ја поддржува истрагата за овој случај и дека никој не треба да очекува политичка заштита.

Од ВМРО ДПМНЕ велат дека истрагата за “Рекет” е компромитирана и се развлекува.

Каква ќе биде судбината на предметите на СЈО ќе се знае откако ќе се донесе законот за јавното обвинителство. Неофицијално, власта и опозицијата се подготвуваат за нова рунда преговоеи за законот за јавното обвинителство следната недела.

Жена се обидела да прошверцува цигари вредни половина милион динари, фатена на „Прешево“

Патничка се обидела да прошверцува над 1.700 кутии цигари во автобус од Северна Македонија за Австрија на граничниот премин Прешево-Табановце, соопшти денеска Царинската управа на Србија.

Цариниците го откриле прекршокот на 16. март во соработка со полицијата. Патничката се обидела во нејзините чанти да прошверцува цигари вредни половина милион динари.

Случајот бил откриен кога автобус кој сообраќал од Северна Македонија кон Австрија бил издвоен за детален преглед на влез во Србија.

Иако возачите и патниците претходно изјавиле дека носат само личен багаж, при контролата во просторот за багаж биле пронајдени три големи торби полни само со цигари.

Во торбите, за кои една од патничките се пријавила дека е сопственик биле пронајдени 1.730 кутии цигари „Честерфилд“ со акцизни маркички од Северна Македонија,.

Цигарите, чија вредност се проценува на речиси половина милион динари, со судска одлука се трајно одземени, додека за сторен прекршок на патничката и е изречена парична казна.

Нови цени на горивата од полноќ

Цената на дизел горивото ЕУРОДИЗЕЛ (Д-Е V) од ноќеска на полноќ се намалува за половина денар за литар, бензинот ЕУРОСУПЕР БС-95 поскапува за половина, а ЕУРОСУПЕР БС-98 за еден денар за литар, додека цената на Екстра лесното масло за домаќинство (ЕЛ-1) не се менува, одлучи денеска Регулаторната комисија за енергетика, водни услуги и услуги за управување со комунален отпад (РКЕ). Со одлуката се врши зголемување на малопродажните цени на нафтените деривати во просек за 0,13 отсто.

Новата малопродажна цена на ЕУРОДИЗЕЛ БС (Д-Е V) е 76 денари за литар, ЕУРОСУПЕР БС - 95 ќе се продава за 83, а ЕУРОСУПЕР БС - 98 за 85,5 денари за литар, додека цената на Екстра лесното масло за домаќинство (ЕЛ-1) и останува 75 денари за литар.

Со одлуката на РКЕ за 0,222 денари за килограм се намалува малопродажната цена на Мазутот М-1 НС и ќе изнесува 43,797 денари.

Од РКЕ посочуваат дека референтните цени на нафтените деривати на светскиот пазар во споредба со претходната пресметка бележат зголемување кај бензините во просек за 2,891 отсто, кај дизелот за 0,594, кај екстра лесното масло за 0,566 и кај мазутот за 0,314 отсто. Курсот на денарот во однос на доларот по кој беа формирани цените со претходната пресметка е понизок за 0,817 отсто.

Тесла, БМВ, Ауди и Мерцедес, запленети нецаринети возила управувани од Македонци

Во дводневна заедничка акција на Секторот за контрола и истраги при Царинска управа и Министерството за внатрешни работи запленети се 22 патнички моторни возила со странски регистарски таблици управувани од македонски државјани.

Запленетите возила се од различни марки, а меѓу нив, четири ПМВ се марка МЕРЦЕДЕС, три ПМВ се марка АУДИ, две ПМВ се марка БМВ, едно патничко товарно возило е марка ТЕСЛА и др., а сите возила биле управувани од македонски државјани на територија на Република Северна Македонија повеќе од 6 месеци.

Против сторителите на прекршоците ќе биде поднесено Барање за поведување прекршочна постапката до надлежниот суд.

Имено, во согласност со законските надлежности на Царинската управа, кои се во согласност со критериумите и условите пропишани во Истанбулската конвенција за привремен увоз, одредби од Царинскиот закон и одредби од Уредбата за спроведување на Царинскиот закон, граѓаните на РСМ и странците можат привремено да внесат и да управуваат возило на територијата на Република Северна Македонија за време на нивниот престој, но, најмногу 6 месеци во период од 12 месеци, по што возилото мора да ја напушти територијата на Република Северна Македонија.

Во спротивно ќе треба да се пријават на најблиската царинска испостава во местото каде привремено престојуваат и да започнат соодветна царинска постапка за увоз или привремен увоз на возилото.

Популарно