Добрите љубовници ги имаат овие карактеристики

Љубов и секс

на 8.2014

Да се биде добар во креветот не е филозофија, но е потребно да се применуваат одредени карактеристики на кои жените едноставно не можат да одолеат. Кои се најважните карактеристики на добриот љубовник? Добритот љубовник не го интересира само сопствениот оргазам. Повеќето од мажите во сексот се занимаваат само со сопственото задоволство, ја користат партнерката да ги задоволат своите сексуални потреби без да помислат на нејзиниот оргазам. Мажите често ова го прават несвесно, тие сметаат дека и на жените им е толку лесно да постигнат оргазам како и на мажите. Но, ова е голема грешка, мажот кој мисли само на сопствениот оргазам е далеку од добар љубовник и во никој случај нема да остави добар впечаток кај партнерката. Жените имаат потреба од подолга предигра и поголемо внимание затоа бидете трпеливи и посветете и внимание.

Добриот љубовник става акцент на оралното задоволување

За партнерката да биде задоволна и полесно да постигне оргазам потребно е партнерот да не го заборави оралното задоволување. Иако кога се спомене орален секс веднаш се помислува на задоволување на партнерот, сепак партнерката има поголема потреба од орално задоволување велат истражувањата. Мажите кои умеат добро орално да ја задоволат партнерката со сигурност ќе остават добар впечаток кај неа и ќе бидат ставени во групата на добри љубовници. Затоа никако немојте да го прескокнувате оралното задоволување на партнерката.

Добриот љубовник е полн со креативни комплименти

Добрите комплименти го отвораат женското срце, но тие треба да бидат искрени. Треба да дадете креативен комплимент за она што навистина ви се допаѓа кај девојката. Не мора да бидете поетски настроени, но треба да бидете искрени. Секогаш отворено кажете и што најмногу ви се допаѓа кај неа и зошто таа е посебна за вас, но кратко и искрено без одолговлекувања.

Добриот љубовник постојано учи без разлика на искуството

Добриот љубовник не се навредува доколку девојката му сугерира на нешто додека водат љубов, туку се труди грешката веднаш да ја поправи. Добриот љубовник сепак не е маж со многу високо его бидејќи тој треба да се прилагоди на вкусот на девојката. Според научниците добрите љубовници не се срамат да се консултираат со девојката во врска со тоа што и се допаѓа, што најмногу ја пали и слично, тие не глумат “сезнајковци”.

Добриот љубовник не се фали

Ако мислите дека ќе ја запалите девојката со вашите фалби околу тоа колку добар љубовник сте и колку многу жени спиеле со вас, тогаш навистина се лажете, таа ќе ве гледа само како напален тинејџер, а на она што ќе го кажете воопшто нема ни да поверува без разлика што ќе изгледа дека ви верува. Затоа бидете мистериозен, добрите љубовници советуваат да молчите околу тоа со колку девојки сте спиеле и колку искуство имате. За тоа колку сте искусни не треба да кажувате туку треба да докажувате, ова е главниот факт кој морате да го запомните.

Закрепнувањето по „скршено срце“ трае три месеци

Љубов и секс

пред еден месец

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Љубов и секс

пред еден месец

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Љубов и секс

пред еден месец

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.