(ФОТО) Први соседи на Иванка Трамп: Семејството Обама започна да се сели од Белата Куќа во замок вреден 5 милиони долари

Семејството Обама започна да се сели во својата нова куќа во Њујорк, откако официјално месецов истекува претседателскиот мандат на Барак Обама.

Претседателската куќа во која ќе се всели семејството Обама (Барак, Мишел, и двете ќерки Саша и Малија) се проценува во вредност од над 5,5 милиони долари, а е во форма на замок.

Семејството освен што во моментов ја реновира вилата, започна и со градење на огромен ѕид се со цел да ја заштитат својата приватност во домот и дворот. Ќуќата и покрај тоа што е на самата улица ќе има безбедносни камери и чувари во текот на 24 часа.

Овој луксузен дом е изграден во 1928-та година, а има девет спални соби и осум бањи, а се наоѓа во близина на луксузната вила на ќерката на идниот претседател на САД Иванка Трамп и нејзиниот сопруг Џедер Кушнер.

ФОТО: Шокантни слики од Хајди Клум како го бакнува својот син

Од семејниот одмор во Сент Барт на семејството на Хајди Клум се појавија фотографии, кои ги разгневија обожавателите на светскиот модел.

Во суштина она што вознемири е бакнежот во уста со 11-годишниот син Хенри.

Многумина останаа ужаснати од интимноста на моментот и веднаш ја осудија постапката, велејќи дека детето веќе не е во години кога Хајди треба да си дозволи вакво бакнување.

Нешто слично му се случи и на Дејвид Бекам кога јавноста ја виде фотографијата на која ја бакнува малата Харпер во уста. 

Фудбалерот ја одбрани својата постапка велејќи дека тој и Викторија само сакаат да им покажат љубов и внимание на своите деца.
 

-Ме критикуваа за бакнувањето на мојата ќерка во уста. Јас ги бакнувам сите мои деца во уста. Бруклин не го бакнувам. Тој има 18 години и можеби за него сето тоа изгледа помалку чудно, вели Бекам.

Оние кои имаат навика да ги бакнуваат своите деца во уста, најчесто ја оправдуваат истата како сосема нормално и прифатливо однесување. Некои од нив ја задржуваат навиката и на стари години, па се бакнуваат во уста со своите деца дури и кога се возрасни. 

Во 2010-та доктор Шарлот Резник, инаку психолог од UCLA , покрена јавна дебата околу тоа дали родителите треба да ги бакнуваат своите деца на овој начин.

-Ако започнете да ги бакнувате вашите деца во уста, кога ќе запрете? Нештата може да станат мошне збунувачки за детето. Кога детето е на 4, 5 или 6 годишна возраст и започнува да развива сексуална свесност, бакнежот во уста би можел да го стимулира. И да не се случи една таква ситуација, нештата се конфузни. Ако мама го бакнува тато во уста и обратно, што значи кога детето, без разлика дали е машко или женско, го бакнува родителот во уста?, објаснува таа.

Нејзиниот радикален став беше оспорен од дел од нејзините колеги, кои велат дека нема ништо страшно во овој начин на бакнување, сè додека родителот јасно ја постави границата на односот. Некои пак го подржуваат ставот дека бакнувањето во уста треба да престане кога детето ќе потпорасне и ќе стане свесно за својата сексуалност.

Крис Браун прв пат проговоре за денот кога ја претепа Ријана

Се заочнало поради друга жена.

Пејачот раскажува дека неговата пораншна девојка Ријана исто така го удирала за време на "борбата" во нивниот автомобил додека се навраќа на инцидентот зборувајќи во новиот документарец.

Крис Браун беше уапсен во 2009-та година, а во новиот документарец "Chris Brown: Welcome To My Life", 28-годишниот пејач открива детали околу тоа што се случило кобната ноќ.

Според него, тие како пар веќе имале нестабилна и агресивна врска па Ријана повеќе не можела да му верува откако ѝ признал дека имал "нешто" со жена која порано работела за него. 
 

На ноќта на нападот, Ријана и Крис биле на забава пред доделување на Греми наградите, кога истата таа жена со која Крис ја изневерил Ријана неочекувано се појавила таму. 

Ријана се расплакала па парот започнал да се расправа во автомобилот по пат накај дома. 

И покрај напорите да ја смири, Крис вели дека Ријана уште толку побеснела кога нашла порака од жената во неговиот телефон. 
 

Тој се потсетува: "Таа започна да се исклучува целосно, го фрли телефонот викајќи "Те мразам" и други погрдни работи, започна да ме удира. Седиме во тесно, мало Ламборџини и таа не престанува да ме удира. Се обиде да ме клоцне, но потоа јас навистина ја удрив."
 

"Со затворена тупаница, ја удрив и ѝ ја расеков усната, а потоа кога видов што направив бев во шок, "Зошто по ѓаволите ја удри така девојка ти??!" ... Таа започна да плука крв, ме плукна во лице, а тоа уште толку ме разбесни. Тоа беше вистинска тепачка во мал автомобил додека се возиме по улица. Пробав да ја прашам што по ѓаволите правиме? Но таа се обиде да го фати мојот телефон, а јас не ѝ го давав, сакаше да го фрли од прозор."

Крис објаснува дека Ријана го зграпчила за препоните обидувајќи се да му го земе телефонот, па тој ѝ ја загризал раката додека возел, пред да паркира во Лос Анџелес "Хенкок Парк".
Продолжува да објаснува: "Јас само се обидував да ја решам ситуацијата, не се обидував да се борам понатаму, ја сакам, не сакам да ја повредам девојка ми. Но таа ги зема клучевите од автомобилот и одглуми дека ги фрла од прозор. Јас излегов да ги барам клучевите кога некој викна по нас, а таа од нејзината врата започна да се дере: "Помош, тој се обидува да ме убие!!""
 

Крис ги земал своите торби од автомобилот и ѝ кажал сама да се одвезе дома, додавајќи: "До тогаш нејзината усна беше расечена и подуена и изгледаше навистина лошо бидејќи исто така ѝ ја имав удрено главата од прозор... Многупати кога ми се појавува таа слика во глава си викам - "Не си ти тоа брат. Тоа не си ти." Ја мразам таа ноќ до ден денес. Мислам дека засекогаш ќе ме прогонува."

Крис исто така признава дека нивната врска станала насилна уште пред таа ноќ. Откако ѝ признал за другата жена, велејќи "Таа ме мразеше после тоа. Нема што не пробав... На неа не ѝ беше гајле, едноставно не ми веруваше после тоа и толку. Од тогаш па натаму се започна да се тркала надолу, вербални борби, психички борби, физички борби... Ова е прв пат што ќе го кажам ова. Јас сè уште ја сакам Ријана, но ќе бидам искрен - тоа не беше во ред."

(ВИДЕО) Дрво падна на религиозна прослава во Португалија: 11 мртви и 35 повредени

Единаесет луѓе загинаа и 35 се повредени откако високо дрво паднало за време на религиозна прослава на островот Мадеира во Португалија.

Меѓу загинатите има и најмалку две деца, а според португалските медиуми се работи за даб кој бил постар од 200 години.

Моментот на несреќата можете да го видите некаде на 1:07 минути:

Популарно