Крвната група кажува какви сте во кревет

Љубов и секс

на 7.2014

Крвните групи, освен начинот на кој треба да се храниме, ги откриваат и карактеристиките на поединецот, неговиот потенцијал, но и скриените склоности во љубовта и сексот.

Крвна група нулта

Лицата со оваа крвна група, во љубовта се однесуваат како и во работата, односно тие се темелни и упорни, без комплекси и настапуваат отворено кога заведуваат. Жените со крвна група нулта се отворени и преполни со шарм. Тие ги сакаат оние мажи во кои можат да имаат доверба. Потребни им се комплименти и докази за тоа колку вредат. Кога се во врска или брак, се многу верни, а имаат потреба за физички контакт и страстна љубов. Додека пак мажите кои ја имаат оваа крвна група, сакаат да заведуваат и се вистински авантуристи, па поради тоа, понекогаш се неискрени и кон себе. Колку подолго ќе го оставите да чека, ќе биде поупорен и повеќе ќе ве засака. Тие се многу чувствителни, совршени љубовници, со кондиција во кревет која изненадува.

Крвна група А

Лицата со оваа крвна група понекогаш имаат тежок емотивен живот, благодарение на своите главни карактеристики: срамежливотст, повлеченост и страв. Многу тешко ги искажуваат чувствата и се плашат да им се препуштат. Им недостасува храброст, а тоа само повеќе им штети. Жените со крван група А поседуваат неограничена љубовна фантазија. Тие уживаат во големи и страстни љубовни приказни. Во реалниот живот, им недостасува самодоверба, плашливи се и крајно затворени и повлечени. Се плашат од вљубување и многу тешко им се препуштаат на чувствата. Во бракот се одлични сопруги, иако не се претерано штедливи. Мажите со оваа крвна група се нежни, силни и преполни со разбирање. Сепак, често немаат доволно самодоверва, па бараат сигурност во врската и жени со слични карактеристики. За да бидат среќни во љубовта и да имаат добар секс, не им е потребна експлозивна страст.

Крвна група Б

Тоа што нема врска со срцето, за нив не постои. Не прифаќаат никакви правила или норми, не се придржуваат на забраните. Преокупирани се со моменталната ситуација и не ги интересира иднината. Жените со крвна група Б се многу динамични, а во јавниот живот понекогаш и екстравагантни. Но, кога ќе го сретнат мажот на својот живот, стануваат повлечени, дистанцирани и наводно доблесни. Фантазираат, оптимистични се, меѓутоа, сексот за нив мора првенствено да биде хигиенски. Мажите со оваа крвна група се многу необични. Тие уживаат да заведуваат. На сите жени кои ги среќаваат им делат комплименти, па во нивно друштво тие се чувствуваат посебни и единствени. Но, кога вистински ќе се вљубат, остануваат без текст. За нив сексот е многу важен, инвентивни се и совршени во него.

Крвна група АБ

Овие лица живеат во склад со своите чувства, па поради тоа понекогаш делуваат наивно. На жените со крвна група АБ, не им е многу лесно, затоа што истовремено се големи фантазери, но и рационални. Тие ги фасцинираат мажите со својата необичност, но во тоа претеруваат, па тешко освојуваат. Во бракот се добри сопруги, кои го сакаат својот дом и децата. Мажите со оваа крвна група не сакаат да зборуваат за љубовта. Уживаат во друштво на жени, кои ги привлекуваат како магнет. Преокупирани се со сексот и во него одлично се снаоѓаат.

Закрепнувањето по „скршено срце“ трае три месеци

Љубов и секс

пред еден месец

Раскинувањата oбично завршуваат со подолготрајна тага.

Научен труд објавен во британскиот „Журнал“ за позитивна психологија открива колку време во просек им треба на луѓето да закрепнат по болен прекин на љубовна врска.

Кога „срцето е скршено“, преовладува чувството на безвредност, што поттикнува повредената или повредениот „да се држи“ дури и поцврсто за она што веќе не е достапно. Во такви случаи се јавуваат збунетост, лутина, тага, фрустрација. Уште повеќе, ако е присутна ниска самодоверба којашто нѐ тера постојано да се обвинуваме и омаловажуваме себеси, преболувањето на раскинувањето тогаш е потешко, па тоа „заздравување“ оди побавно.

Тоа ќе рече – проценувањето колку долго ќе трае таа лоша состојба по раскинувањето зависи, до одреден степен, од самодовербата.

Според наводите, на 71 отсто од 155 млади возрасни лица им биле потребни околу 11 седмици за промена кон подобро. До крајот на тие три месеци, испитаниците можеле да ги видат добрите страни на нивното раскинување. Тие, имено, почувствувале „созреаност“ и подготвеност да се насочат кон целта – позитивни промени по раскинувањето.

Разумно е да се очекува дека зацврстувањето на ниската самоувереност по раскинувањето може да трае барем неколку недели. А пак, факторите коишто влијаат на таа временска рамка зависат од самиот човек и од врската која штотуку завршила.

Три реченици кои звучат како љубов, а всушност зад нив се крие манипулација

Љубов и секс

пред еден месец

Понекогаш е тешко да се разликува грижата и љубовта од манипулацијата. Ова се фрази кои се користат за да се залажат партнерите.

Има луѓе кои имаат потреба да манипулираат со луѓето со кои се во врска или брак, поради некои психолошки проблеми што ги имаат.

Овие три реченици манипулаторите често ги користат како параван, бидејќи наликуваат на љубов.

„Ова го правам за твое добро“

Манипулаторот сака да изгледа како да се грижи за вас, а всушност сака да ве контролира за да ја постигне својата цел. Реченицата „Го правам ова за твое добро“ звучи како израз на грижа и љубов, но тоа е начин манипулаторот да ве принуди да го прифатите она што го прави велејќи дека е за ваша корист.

„Дали вака ми враќаш?

Кога манипулаторот ќе ви каже: „После се што направив за тебе, ти ми враќаш вака?“, тоа покажува дека сака да се чувствувате виновни. Не се залажувајте да мислите дека тој се грижи за вас. Тој само сака да ве натера да се согласите со она што тој го сака.

„Очекував повеќе од тебе“

Оваа реченица прави личноста кон која е насочена да се чувствува помалку вредна од манипулаторот. Тие се потпираат на моќта за да ги постигнат своите цели. И повторно сака да се чувствувате виновни што не го постигнавте она што требаше, според мислењето на манипулаторот.

Што се случува во телото на мажот кој подолго време нема секс?

Љубов и секс

пред еден месец

Има многу причини зошто треба редовно да имаме секс, но покрај задоволството, важни се и причините поврзани со здравјето.

Мажите кои редовно имаат секс се позадоволни од животот и посреќни, тоа го имаат потврдено повеќе истражувања, но дали некогаш сте се прашале што се случува со вашето тело кога ќе престанете да имате секс редовно?

Ова се најчестите последици:

Еректилна дисфункција

Мажите кои подолго време немале секс, а имаат над 50 години, најверојатно ќе се соочат со проблемот еректилна дисфункција. За да останете во сексуална форма, мора да ја одржувате.

Зголемен ризик од рак на простата

Ако не мастурбирате редовно и исто така немате секс, ги зголемувате шансите за заболување од рак на простата. Истражувањата покажале дека честото ејакулирање (4 до 7 пати неделно) го намалува ризикот од рак на простата.

Висок крвен притисок

Истражувањата покажале дека луѓето кои имаат редовен секс имаат понизок крвен притисок од оние кои имаат долги паузи меѓу сексуалните активности.

Стрес

Една жешка ноќ во кревет може да ви го подобри расположението и барем на кратко да ве ослободи од грижите и стресот. Ендорфинот што се ослободува за време на сексот го подобрува расположението, а и бројни науни истражувања покажале дека сексот има поволно дејство врз луѓето кои се под стрес.

Слаб имунитет

Доживувањето оргазми е од голема корист за вашиот имунолошки систем. Медицински истражувања покажале дека мажите кои немаат секс редовно имаат послаб имунитет и се поподложни на болести.