Од вечерва ОГРОМНО поскапување на бензинот и нафтата

Бензините и екстра лесното масло за домаќинство од ноќеска на полноќ поскапуваат за 2,5 денари за литар, а цената на дизелот се зголемува за три денари, објави денеска Регулаторната комисија за енергетика.

Согласно новата одлука на Регулаторната комисија за енергетика, ЕУРОСУПЕР БС-95 ќе се продава по цена од 64,50 ден, ЕУРОСУПЕР БС-98 за 66,50 ден, а Екстра лесното масло за домаќинство за 40 денари за литар.

Новата цена на ЕУРОДИЗЕЛ-от ќе изнесува 51,50 денари, а малопродажната цена на мазутот се зголемува за 2,172 ден/кг и тој сега ќе се продава по цена од во однос на цена од 26,033 ден/кг.

Регулаторната комисија за енергетика соопшти дека новите цени на бензините се поради повисоката цена на суровата нафта на светскиот пазар и понискиот курс на денарот во однос на доларот во изминатиот 14 дневен период.

ОГЛАС за работа: Плата 32.000 денари

Врз основа на членот 22 став 1 точка 1 и став 2, членот 23 став 1 2, и 7 од Законот за работните односи, „Макпетрол" А. Д. - Скопје распишува

ОГЛАС

За вработување на 1 (еден) работник на определено време од 5 (пет) месеци на работно место систем интегратор за комплексни ИТ проекти во Одделение за развој и имплементација на нови технологии и системи во Центар DELL. 

Кандидатите треба да ги исполнуваат следниве услови:

Завршено високо стручно образование од областа на информатичката технологија;

Потребно е познавање од областа на виртуелизација и компјутерски мрежи;

Познавање на серверски оперативни системи;

Познавање на англиски јазик;

Работно искуство од најмалку 2 (две) години.

Дневното работно време за горенаведеното работно место е од 08:00 часот до 16:00 часот.

Неделното работно време изнесува 40 часа, од понеделник до петок.

Висината на основната плата за горнаведеното работно место изнесува 31 .200 денари.

Прекувремената работа, работата за време на неработни денови или на денови на празници е платена согласно законските и подзаконските одредби.

Заинтересираните кандидати треба да достават:

- Писмо за мотивација;

- Кратка биографија;

- Копија од диплома за завршено образование;

- Копија од други стекнати дипломи и уверенија;

- Препорака од претходен работодавач;

- Уверение од кривична евиденција. 

Потребните документи да се достават на адреса:

„Макпетрол" А. Д. - Скопје

Сектор за човечки ресурси

ул. „Св. Кирил и Методиј" бр. 4 - Скопје

лице за контакт: Марија Тодороска

телефон за контакт: 02/3146491

По истекот на рокот за поднесување на потребните документи, со кандидатите кои ги исполнуваат бараните услови, ќе биде извршено тестирање.

Кандидатите кои ќе покажат најдобри резултати на тестирањето, ќе бидат повикани на интервју.

Изборот на пријавените кандидати ќе се изврши во рок од 45, 90 или 120 дена по истекот на рокот на пријавувањето, во зависност од бројот на пријавените кандидати, a согласно членот 23 став 2 од Законот за работните односи.

Кандидатите кои нема да достават целосна документација, како и апликациите што ќе бидат примени по истекот на крајниот рок, нема да бидат земени предвид.

Рокот за пријавување почнува со денот на објавувањето на огласот и трае 5 (пет) работни дена.

Цените годинава во Грција ќе бидат повторно поскапени

Туристичко-угостителската комора на Македонија (ТУК) пред почетокот на летната сезона оцени дека дел од аранжманите за летување се продадени, поради попустот за предвремена резервација. Сепак, поголем дел од аранжманите се очекува да се продадат во претстојниот период.

„Како резултат на случувањата и неизвесноста поголем дел од граѓаните се уште не се одлучиле каде ќе летуваат годинава и термините за одмор ги добиваат подоцна во текот на сезоната. Туристичката понуда за оваа летна сезона е различна, од вообичаените аранжмани за Грција, Турција, па се до понуди за Азурниот брег, Шпанија, Малдиви, Сејшели, Маурициус, Бали, Куба и останати поегзотични и нетрадиционални дестинации. Најбарани се аранжманите за Грција и Турција,“ вели Аркан Керим, претседател на Туристичко – угостителската комора при Сојузот на стопански комори (ССК).

Од ТУК очекуваат дека поради близината и атрактивноста, Грција и годинава да биде најпосетена дестинација за македонските туристи, но велат дека има мало зголемување на цените.

Посебно оваа година, заради цената, атрактивни се понудите за одмор во Египет и Тунис и за младите, дестинации како Крит и Родос.

Според ТУК, годинешната летна туристичка сезона, согласно првичните проценки кои се направени и покрај влијанието на политичката криза и воздржаноста на граѓаните како резултат на неизвеснота, очекуваат да биде успешна со стабилизацијата на пазарот.

Од таму порачуваат, граѓаните да патуваат со етаблирани туристички агенции добро да се разгледаат аранжманите за да не се најдат во ситуација кога се изманипулирани и не ги добиле услугите кои претходно им биле ветени.

Извор: МЕТА

ОГЛАС за работа: 10 слободни места во ЕВН - не ви треба факултетска диплома

EВН Електродистрибуција е компанија чија главна дејност е дистрибуција на електрична енергија во Македонија. На македонскиот пазар компанијата влезе во 2006 година како дел од групацијата EVN која е активна во 21 државa во Централна, Источна и Југоисточна Европа. Нашата најзначајна цел е сигурно и квалитетно снабдување на корисниците со електрична енергија по конкурентни цени. 

10 ЕЛЕКТРОМОНТЕРИ (М/Ж) на територијата на Р. Македонија

Опис на работните задачи

Исклучување и повторно вклучување на корисници на дистрибутивната мрежа

Отчитување на податоци од броила

Контрола на приклучоци и мерни места

Замена на броила на корисници

Прием, обработка, чување, ажурирање, средување на документација

Помош при отстранување дефекти

Откривање и пријавување неправилности на електроенергетски објекти и мерни уреди 

Потребни квалификации и лични карактеристики

IV степен електротехничко образование – енергетика

Квалификации за работа под напон ќе се сметаат за предност

Компјутерски познавања ќе се сметаат за предност

Возачка дозвола,

Одговорност, лојалност, тимска работа

Комуникативност, флексибилност

Доколку сте заинтересирани за кариера во ЕВН Македонија, на [email protected] испратете куса биографија и мотивационо писмо, или потполнете ја електронската апликација на нашата интернет-страница www.evn.mk најдоцна до 20.05.2017.

Напомена: Доколку сакате Вашите податоци да бидат зачувани во нашата база на податоци согласно Законот за заштита на лични податоци, покрај биографијата и мотивациското писмо треба да испратите и изјава за дозвола за користење на лични податоци за потребите за вработување (https://www.evn.mk/Careers/OnlineApplication.aspx)

 Активен до: 20.05.2017

Популарно