Економската ситуација во Македонија е таква каква што е, но сепак постојат и професии во кои платите овозможуваат достоен живот. Еве кои се најплатените професии во државава:
Највисока плата во Македонија имаат вработените во правните и во сметководствените дејности, во износ од 56.003 денари. Веќе подолго време високи плати имаат и вработените во воздухопловниот сектор, кои во просек се движат околу 42 илјади денари. Просечната плата во дејностите: финансии и осигурување, како и секторите: електрична енергија, гас, пареа и климатизација се меѓу најпривлечните, и за движат над 35 илјади денари. Толкави се и платите на фармацевтите, платите во секторот производство на нафтени деривати, на луѓето што се занимаваат со маркетинг. Во секторот телекомуникации просечната плата се движи околу 39 илјади денари, илјадарка помалку земаат компјутерските програмери, а околу 28 илјади денари земаат луѓето што ви ги поправаат компјутерите. Околу 25 илјади денари се движат платите во дејностите поврзани со недвижен имот, стручните, научните и техничките дејности. Градежниците се под просекот, и земаат околу 17.500 денари.
Според податоците на Државната статистика, најниски примања имаат текстилците и производителите на кожа (околу 11.500 денари), вработените во дејностите поврзани со служење храна, производство на облека, дрвната индустрија, управувачите со отпад, хигиеничарите. Нивните плати се движат од 11 до 15 илјади денари, далеку под просекот!
Ако се анализираат податоците на Државниот завод за статистика, ќе се види дека минатата година имало околу 650 илјади вработени од кои само 11.300 луѓе примиле плата меѓу 30 и 40 илјади денари. Најголем дел, или 103 илјади работници земале плата меѓу 12 и 16 илјади денари а само 9 илјади работници добиле плата поголема од 40 илјади денари.
Статистичките податоци покажуваат и дека во земјава лани просечната исплатена нето- плата по вработен, во однос на 2011 година пораснала за 0,3 отсто. Ваквото зголемување се должи, пред се, на зголемувањето на просечната исплатена нето-плата по вработен во Вардарскиот регион за (3,4 отсто), во Југоисточниот регион за (2,7 отсто ) и во Југозападниот регион за (2,6 отсто). Највисок просек на исплатена нето-плата по вработен за 2012 година, во однос на вкупниот просек во Република Македонија, е забележан во Скопскиот регион за (17.4%), а најнизок просек на исплатена нето-плата по вработен за 2012 година, во однос на вкупниот просек во Република Македонија, е забележан во Источниот регион за (28.4%).
Според истражувањето на агенцијата Анадолија, најмали плати во земјите од регионот земаат Македонците, Албанците и Србите, додека највисоки просечни плати имаат граѓаните на Хрватска, земјата која годинава влезе во Европската унија.
Податоците на Државниот завод за статистика во публикацијата „Регионите во Република Македонија“ покажуваат дека жителите на Скопскиот регион во текот на минатата година во просек земале месечна плата од 24.529 денари. Прочитајте кои региони во Македонија земаат највисоки плати
