Пејачката Риалда Карахасановиќ го прослави Бајрам, па покажа како изгледа нејзината празнична трпеза. Риалда истакна дека нејзиното семејство требало да дојде, но дека сепак го прославила празникот со своето момче.

-Требаше да дојде моето семејство од Сараево и да бидеме сите заедно како семејство, но поради деловни обврски тоа за жал не успеавме да го реализираме. Сепак беше убаво, го прославив Бајрам со дечко ми, неговото семејство и пријателите. Во принцип, многу ми се допаѓаат празниците, сакам кога се собира семејството. Се чувствувам задоволно и исполнето и тоа е нешто што е најважно, особено кога се во прашање празниците, истакна Риалда.

Една недела претходно, Риалда го прослави Велигден со своето момче и неговото семејство во Белград, што наиде на осуда во нејзината родна Босна. Имено, кога пејачката објавила дека бојадисува јајца, добила критики од луѓе кои ја окарактеризирале како некоја која „продала вера за вечера“.

Таа беше “нападната“ со низа негативни коментари само затоа што ги прославувала двата празника. Нејзиното момче е Србин, па во коментарите пишуваат дека заради љубов заборавила на верата и слично.

Беше голема ѕвезда во поранешна Југославија. Имаше живот полн со пресврти.

На 16 години остана без двајцата родители, а се омажи по само осум дена врска. Очекувано, бракот ѝ заврши по помалку од една година.

Снежана Бериќ, попозната во јавноста како Екстра Нена, во 1992. ја претставуваше Југославија на „Евровизија“ и го освои 13-тото место во Малме.

Сними десетина албуми, а имаше забележителни настапи и на театарската сцена.

Денеска Снежана е професор на приватен универзитет каде што предава менаџмент.

Неодамна беше прашана какви емоции ѝ буди естрадната кариера која сега е веќе минато.

„Среќна сум што ова се случи во мојот живот. Пресреќна сум кога ми пристигнуваат спомени од драги колеги и композитори. Тоа е особено голем успех со оглед на тоа што тогаш имаше војна и кога нашата земја беше деградирана како земја во однос на сите други, но ние стоички ја претставивме“, изјави таа.

Вечерва во Малме, Шведска се одржува втората полуфинална вечер на Евровизија.

За влез во финалето ќе се „борат“ Албанија, Ерменија, Австрија, Чешка, Данска, Грција, Малта, Швајцарија, Белгија, Естонија, Грузија, Израел, Латвија, Холандија, Норвешка и Сан Марино.

Финалето е во сабота.

Од балканските земји во финалето пред два дена се пласираа Хрватска, Србија и Словенија, а меѓу дестте земји кои продолжуваат понатаму се и претставниците на Португалија, Украина, Литванија, Финска, Кипар, Ирска и Луксембург.

Најголемо внимание вечерва се очекува да привлече претставничката на Израел.