Вознемирувачка фотографија која го погоди светот: Имаше само 16 месеци, а умре бидејќи државата го мрази неговиот народ

Малиот Мухамед Шихајет се удавил во реката Наф, на границата помеѓу Бангладеш и Мјанмар, кога со својата мајка, вујко и 3-годишниот брат бегал пред мјанмарските власти.

"Кога ја гледам фотографијата, сакам да умрам. Нема повеќе смисла да живеам на овој свет", рекол таткото на Мухамед, Зафоф Алам, за CNN.

Единствена вина на Мухамед е тоа што се родил како Рохињ. Рохињите, кои многумина ги сметаат за најпрогонувано малцинство на светот, во Мјанмар живеат со векови, но државата не ги признава. Ги сметаат за бенгалски имигранти, граѓани од втор ред. Од друга страна, како свои не ги признава ни соседен Бангладеш. Фатени помеѓу чекан и наковална, веќе со години се изложени на прогонство, а ситуацијата кон крајот на 2016. година толку се влошила што го привлекле светското внимание.

Рохињите го привлекле вниманието кон себе на 9. октомври, кога неколку стотици припадници на милитантната група Харакат Ал-Јакин, во главно Рохињи, нападнале три гранични пунктови во сојузната држава Ракајн, на северот на Мјанмар, и убиле девет полицајци. Властите веднаш започнале страшна безбедносна операција, која целосно излегла од контрола и се претворила во геноцид на Рохињите.

Од тогаш доаѓаат страшни извештаи за систематски ликвидации, мачење, силување, палење на цели села. Властите ги негираат овие обвиненија и тврдат дека станува збор за "безбедносна операција за барање и чистење на осомничени" - вооружени банди и селани колаборационисти.

"Во нашето село на нас пукаа од хеликоптер. И мјанмарските војници отворија оган на нас. Не можевме да останеме дома. Побегнавме и се сокривме во џунглата. Моите баба и дедо се запалени. Војската го запали цело наше село. Ништо не остана, вели Алам, кој нашол спас надвор од Мјанмар.

На удар на критики поради односот кон Рохињите се нашла и актуелната национална државна советничка Аунг Сан Су Чи, позната хероина за борба за демократија и нобеловка, која ја обожуваат во Мјанмар. Неодамна кажала дека за решавање на проблемот се потребни време и простор, а на претставник на ОН му кажала дека одбива да го каже името "Рохињи" бидејќи тој термин за нив е многу емотивен".

"Ако чекате, само ќе ги убиете сите Рохињи. Кога во Мјанмар се одржаа избори, мислев дека тоа, бидејќи победи таа, ќе биде добро за нас. Но, сништата и реалноста се сосема поразлични. Откако дојде на власт, не се промени ништо. И натаму не прогонуваат", тврди Алам.

Мала надеж дава веста дека мјанмарските власти овие денови одлучиле да ги судат полицајците кои се снимале додека тепаат група Рохињи, додека седат на подот со раце на главата. Иронично, снимката била направена во селото кое само два дена претходно го посетила делегација на ОН.

Пари за секој километар поминат со велосипед

Министерство за инфраструктура во Холандија предложило паричен надомест за сите вработени кои на работа патуваат со велосипед.

Секој жител кој на работи оди со велосипед би можел да добие по 19 центи за секој километар.

Да излеземе од автомобилите и да ги земеме велосипедите. Целта ни е да придобиеме уште 200.000 луѓе кои со велосипедите ќе поминат три милијарди километри повеќе – изјавила Стиентје ван Велдховен, од ресорното министерство.

Владата планира и субвенции за купување на велосипед, но и додатни 100 милиони евра за зголемување на бројот на велосипедски патеки.

(ВИДЕО) Камерите снимиле како ги тепаат мигрантите! Oткриено кој стои зад шверцот на мигранти во Либија, а сите ги плаќа ЕУ

Снимката која се појавила во јавноста го прикажува хоророт кој мигрантите го преживуваат за да дојдат до Европа, а шверцерите се припадници на либиската крајбрежна стража, кои ЕУ ги плаќа да ја разбијат трговијата со луѓе и другите криминални акции.

Имено, службениците на либиската крајбрежна стража соработуваат со шверцерите на луѓе. 

Европската унија ја плаќа Либија повеќе од 180 милиони евра за да ги спречи мигрантите во патувањата, на кои веќе илјадници луѓе се удавиле, а оваа година дури 784 луѓе.

Парите се искористени за регрутирање и обука на крајбрежната стража и снабдување со опрема за комуникација и спасување, бродови и возила.

Истрагата на ОН утврдила дека шефот на единиците на крајбрежната стража во Завија, на околу 20 милји од Триполи, е одговорен за шверц на луѓе и дека тој соработува со други криминалци, вклучувајќи и членови на неговиот екипаж.

Абд Ал Рахман ал Милад, кој еднаш се борел со бунтовниците за да ја урне диктатурата на Моамер Гадафи, користи патролни бродови купени со парите на ЕУ за да ги разбие бродовите кои пренесуваат мигранти, а кои ги платиле нивните ривали. Тој со својот екипаж пука во нив, а потоа ги потопува нивните бродови.

Исто така, постојат извештаи дека тој и неговата банда отстрануваат мотори на ривалски бродови, оставајќи ги да потонат на Медитеранот. Странските медиуми пренесуваат и дека напаѓале меѓународните спасувачки бродови.

Советот за безбедност на ОН објавил финансиски и патнички санкции против Милад и уште пет лица, а замрзнати се и нивните имоти на глобално ниво. Ова е прв пат вакви мерки да се преземат против трговците на луѓе.

Друг соработник на Милад е Мохмаед Качлаф, службеник на либиската влада, задолжен за надворешната безбедност во рафинеријата за нафта во Завија. Тој е лидер на вооружената милиција Ал-Нас и и дава заштита на бандата на Милад.

Војниците на Ал-Наср водат незаконски центар за притвор на мигранти кои се заробени на море. Истражувањето на ЕУ открило нехумани услови.

Тие се одговорни за бруталното насилство над мигрантите, мажите на аукции ги продаваат како робови, а жените за секс. Постојат извештаи за повеќекратни силувања, болести и смртни случаи.

Милад наводно дипломирал пред шест години на либиската морнаричка академија, а потоа формирал милиција со припадниците на племето Авлад Бу Хмеира, ја преземал контролата над пристаништето и се поставил себеси за шеф на крајбрежната стража.

Неговиот ривал, Ахмад Умар Ал Дабаши, познат по прекарот "вујко", исто така се наоѓа на листата на санкции. Неговата милиција ги контролира плажите на кои мигрантите се сместуваат во чамците во текот на ноќта.

Меѓу двете банди имало судири, а мртви тела подоцна испливувале на брегот или биле фрлани во пустина. Бандата на Милад е снимена како со камшик удира мигранти кои влегуваат на мал, гумен чамец, а тие се одговорни и за потопување на чамци со мигранти.

ВИДЕО: Москва не е нападната на ИСИС борци

Таксист, кој вчера налета меѓу луѓе на тротоар во центарот на Москва, близу до Црвениот плоштад, не бил под дејство на аклохол, туку заспал на волан, соопштила извор одслужбата за вонредни ситуации.

Во тој инцидент повредени се осумина, навивачи кои дошле на Мундијалот.

Извори за агенцијата Тас с рекле дека таксистот е од Киргизија.

Во Русија престојува легално и дека ги има сите неопходни документи за работа.

Агенцијата Интерфакс наведува дека таксистот заспал за време на возење и случајно притиснал на гас.

Возачот е приведен и спроведен во локалната полициска станица.

РИА Новости пренесуваат, таксистот рекол дека немал намера да налета меѓу луѓето.

Како што пренесува Интерфакс, никој од повредените не е во критична состојба, само една жена се здобила со повреди.

Ројтерс наведува дека хоспитализирани се двајца Мексиканцим двајца Руси и еден Украинец.

Популарно