Временска прогноза

Времето изутрина во Македонија ќе биде многу студено, а преку денот претежно сончево со пораст на дневните температури.

Утринската температура ќе се движи од -20 до -9, а дневната од -4 до 5.

Во Скопје времето ќе биде сончево со слаб западен ветер. Утринската температура ќе се спушти до - 18, а дневната ќе се искачи до -2 степена.

Позначителен пораст на температурата ќе има од утрe кога ќе дува умерен ветер од јужен правец. Максималните температури насекаде ќе бидат позитивни. Нов влажен бран ќе има од петок кон крајот на денот и во сабота кога на повисоките места и на планините ќе има врнежи од снег, а на пониските врнежи од дожд и снег. Пообилни врнежите ќе бидат во западните делови каде ќе дојде до зголемување на снежната покривка. Долж Повардарието, во јужните делови и на пониските места ќе има намалување на снежната покривка.

Во недела се очекува преодно стабилизирање, а од понеделник ќе преовладува променливо облачно време со повремени врнежи од снег со променлив интензитет. Дневната температура ќе биде околу нулата.

Метео анализа: Какво лето не очекува?

Почитувани граѓани ја направивме и анализата за лето 2018 година.

Анализите укажуваат на тоа дека претстојното лето во Македонија ќе биде нешто потопло од вообичаеното што значи се очекуваат повеќе топлотни бранови кој ќе условат многу високи температури на воздухот (до околу па и над 40 степени) како и екстремно висок УВ ИНДЕКС.

Сепак и покрај ова може да се очекуваат повремени нестабилности на атмосферата кој би условиле и освежување на времето како и пороен дожд, електрични пранзења како и невреме со град.

Сепак гледано одсега може да очекуваме повеќе топлотни бранови и многу високи температури на воздухот и тоа во периодот (јуни, јули, август 2018).

НАПОМЕНА: Со оглед на тоа дека се работи за долгорочна анализа на времето промени на истата се можни.

За подетални информации контактирајте ме на мојот официјален фејсбук профил каде можете да ја погледнете и секоја ново – обновена временска состојба СЛАВЧО ПОПОСКИ.

Убав сончев ден

Времето во Македонија ќе биде сончево со мала до умерена облачност, а преку денот ќе дува слаб до умерен ветер од променлив правец.

Утринската температура ќе се движи од два до 13, а дневната од 18 до 24 степени.

Во Скопје сончево со мала до умерена облачност со слаб до умерен ветер од променлив правец. Утринската температура ќе се спушти до 8, а дневната ќе достигне до 23 степени.

Во наредните денови следува период на стабилно и суво време. Од недела ќе има пораст на дневната температура. Во вторник ќе има извесно зголемување на облачноста со услови за краткотраен локален дожд. Дневните температури ќе бидат во благо покачување.

Дожд и грмжи, но од утре...

Времето во Македонија ќе биде сончево со мала до умерена облачност и со умерен до засилен северен ветер. Попладне во источните делови ќе има краткотраен локален дожд и ретки грмежи.

Утринската температура ќе се движи од четири до 13, а дневната од 18 до 26 степени.

Во Скопје сончево со мала до умерена облачност и со умерен повремено засилен северен ветер. Утринската температура ќе се спушти до 11, а дневната ќе достигне до 23 степени.

Во следните три дена  времето ќе биде стабилно со пониски утрински температури, а дневните ќе бидат во пораст. Услови за локални слаби врнежи од дожд ќе има во првите два дена од следната недела.

Популарно