ЖЕШКО ви е денеска? Погледнете што не чека од утре!

Временска Прогноза

на 7.2015

Предупредување за жолто ниво на опасност од високи температури, Управата за хидрометеоролошки работи дава за среда, кога се очекува во југоисточните делови од земјата максималната температура да биде 40 Целзиусови степени. Освен високи температури, се очекуваат и високи вредности на УВ индексот, односно над девет. Топлотниот бран, според синоптичарите од УХМР, ќе трае два дена, односно високите температури ќе се задржат до четврток попладне, кога на северозапад ќе се појави нестабилна воздушна маса со облаци.

"В петок времето ќе биде облачно со повремени дождови, а на југот од земјата е можна појава и на грмежи. Тогаш температурата ќе падне за три до четири степени. Посвежо, но топло ќе биде за време на викендот", велат синоптичарите од УХМР.

Денес температурите ќе бидат до 38 степени, со вредност на УВ индекс 9.

Д-р Татјана Баевска Вучковиќ, директор на Здравствен дом Скопје, вели дека викендот екипите на Итната медицинска помош имале меѓу 80 и 90 интервенции, што е вообичаена бројка за овој период од годината. Таа објасни дека најголем број од повиците се од хронично болните и дека штетните последици од топлото време граѓаните допрва ќе го почувствуваат.

"Пациентите повеќе се жалеа дека наглите промени на времето влијаат на нивната здравствена состојба. Овие промени најмногу ги чувствуваат ризичните групи, односно хронично болните, како и лицата со покачена телесна тежина. Затоа треба да се придржуваат до општите препораки за заштита, односно без потреба да не излегуваат и да не престојуваат подолго време надвор во периодот од 10 до 17 часот, да носат заштитни очила, капа, лесна облека и да пијат повеќе течности", вели д-р Баевска Вучковиќ.

Министерството за здравство вели дека во соработка со сите здравствени домови ќе организира пунктови за бесплатни превентивни прегледи и совети за превенција од топлото време во секој град.

"Веќе ги известивме здравствените установи за поголема мобилност за навремен прием и лекување на евентуално зголемен број на лица со последици по здравјето од топлото време, мерки за климатизација на просторот, обезбедување на ладна соба", велат од Министерството за здравство.

За Божиќ вистинска радост за децата

Временска Прогноза

пред 4 месеци

Времето денеска ќе биде променливо облачно, по одделни котлини со услови за појава на утринска магла. Ќе дува умерен, а долж Повардарието повремено засилен ветер од југоисточен правец (над 60 км/час). Кон крајот на денот и во текот на ноќта ќе има локални врнежи од дожд. Минималната температура ќе биде во интервал од 0 до 6, а максималната ќе достигне од 9 до 14 степени.

Во Скопје променливо облачно со појава на утринска магла. Ќе дува умерен, повремено засилен ветер од југоисточен правец. Во текот на ноќта ќе има врнежи од дожд. Минималната температура ќе се спушти до 0, а максималната ќе достигне 11 степени.

Под влијание на циклонска активност до понеделник времето ќе биде претежно облачно со повремени врнежи од дожд кои наместа ќе бидат пообилни (над 20 л/м2).

Во недела во текот на денот поради спуштање на студена воздушна маса врнежите од дожд ќе преминуваат во снег и во повисоките места, особено во западните делови.

Од понеделник ќе дува умерен до засилен ветер од северен правец што ќе предизвика значително заладување во текот на следната седмица.

Во кои делови од Македонија е најстудено, а каде има најмногу снег?

Временска Прогноза

пред 4 месеци

Најстудено со измерени -3 степени целзиусови утрово е во Скопје-Петровец и Берово, снежната покривка во Маврови Анови е 30 сантиметри, соопштија од УХМР.

Во Струмица и Демир Капија се измерени -2 степени, -1 Скопје-Зајчев Рид и Гевгелија, нула во Штип, Куманово, Велес, Кавадарци, 1 степен во Крива Паланка, 3 Прилеп, Дебар, Маврови Анови, Лазарополе и Попова Шапка, 4 Битола, Дојран, Виница, 5 Тетово, Крушево, 6 Претор и 7 степени во Охрид.

Висината на снежната покривка во 7 часот е 12 сантиметри во Крушево и 10 на Попова Шапка.

Времето во текот на ноќта и утрово, како што соопштија од УХМР, е малку до умерено облачно. Во западните делови дувало слаб до умерен ветер од западен и југозападен правец и таму температурата утрово е повисока. Во останатите делови е постудено, а во некои котлини во Повардарието има магла.

Времето денеска во најголем дел од земјава ќе биде сончево и релативно топло со мала облачност. По котлините, особено долж Повардарието постудено со појава на магла, која попладне ќе слабее. Во западните делови ќе дува слаб до умерен западен, а во југоисточните слаб северен ветер. Максималната температура ќе достигне од 8 до 17 степени.

Во Скопје ќе биде магливо и тивко, попладне видливоста ќе се зголеми. Максималната температура ќе достигне 9 степени.

Издаден портокалов аларм во Македонија

Временска Прогноза

пред 5 месеци

Според најновите информации на УХМР, претпладне променливо облачно и студено, понекаде и особено во источните делови ќе провејува слаб снег.

Од пладневните часови во поголемиот дел од земјата ќе биде сончево со мала до умерена облачност.

Ќе дува умерен, а вдолж Повардарието и во источните делови силен ветер од северозападен правец (над 70 км/час).

Во Скопје претпладне променливо облачно, студено и ветровито, а попладне со сончеви периоди. Ќе дува умерен до засилен ветер од северозападен правец, особено изразен на повисоко и во источните делови од регионот, велат од УХМР.