Уште еден во низата инциденти поврзани со славењето на матурата во регионот. Двајца матуранти од Медицинско училиште во Чачак, Србија, се повредени синоќа откако паднале од багажникот на автомобил во движење.

До несреќата дошло кога момчињата прво седеле на прозорците на автомобилот, а потоа се префрлиле на багажникот. Тие му тропале на возачот да побрза, по што и двајцата паднале на асфалтот.

Едниот од нив е префрлен во болницата во Крагуевац со тешка повреда на главата, додека вториот со полесни повреди е задржан во Чачак.

Здравствената состојба им е стабилна.